Dr. C/raxmaan Maxamed Salaax, Masuul ugu Mudnaa ee soo mara Wasaaradda
Warfaafinta,Dhaqanka iyo Isgaarsiinta Puntland.
Mudadii ay jirtay Dowlada Puntland oo tobon sano kor u dhaafeysa ayaa
Madaxweynayaashii kala duwanaa ee xilka Madaxweynaha Puntland qabtay
waxay wakhtiyo kala duwan sameyeen Golayaal Wasiiro ama Xukuumado kala
duwan.
Gole kasta oo oo Wasiiro ah oo Puntland soo mara waxaa mar walba ku
jiray Wasaaradda Warfaafinta,Dhaqanka iyo Isgaarsiinta oo la oran karo
waxay safka hore kaga jirtaa Wasaaradaha ugu muhiimsan marka la fiiriyo
waxqabaka ama Masuuliyada loo xilsaaray.
Masuuliyiin kala duwan ayaa mar walba loo magacaabi jiray
Wasaaraddan, kuwasoo xilkeeda haya wakhti gaaban ama mid dheer balse
su’aasha isweydiinta mudan ayaa ahayd Masuuliyiinta soo maray Wasaaradan
ma ahayeen kuwo hantay shaqooyinka loogu talo galay Wasaaradu inay
qabato.
Nasiib daro waxa lagu tilmaamaa Wasaaradaasi inay ahayd sideedii sano
ee la soo dhaafay mid iska fadhiid ah oo masuuliyiintii ku magacwnaa ay
ku ekaaden oo keliya doonista Mushahaardka iyo adeega yar kuwasoo aan
loo maamulin si cadaalad ah maadamada shaqaalaha wasaaraada eek ala
jooga Gobolada aysan helin mushaharkii ay xaqa u lahayeen.
Labadii sano ee u danbeeyay Waxa Wasaaradaasi Wasiirka ahaa Dr.
C/raxmaan Maxamed Salaax(Bangax) oo ka mid ah aqoonyahana Puntland kuwa
ugu firfircoon, mudadii uu hayay Masuuliyada Wasaaradasi ayaa lagu
tilmaami karaa wakhtigii ugu mudnaa ee soo mara Wasaaradaasi marka la
fiiriyo arrimo badan oo waxtar leh.
Marka hore Madaxweynaha Puntland Cade Musse ayaa la oran karaa waa
talaabo uu ku saxnaa markii uu go’aansaday in Masuuliyada Wasaaradasi uu
u magacaabo shakhsigan ka soo baxay xilkiisa.
Dr. Bankax waxyaabaha lagu amaani karo ee uu qabtay intii uu
Wasaaradda joogay waxa ka mid ah inay shaqeeyaan dhamaan xafiisyada
Wasaaradda ay ku leedahay Gobolada Puntland halka markii hore ay ka
ahayeen kuwo bahalo galeen ah oo xataa arriga uusan ku xeroon.
Wasiirkan ayaa sidoo kale bahda Saxaafada ay ku amaanta kaalinta uu
ka qaato isku xirka Warnaahinta iyo Dowlada maadama markii hore bahda
Warbaahinta dhinaca Dowlada ay kala kulmi jireen tixgeli la’aan oo xataa
aysan u suurageli Karin inay ka qaybgalaan shirarka ka dhaca Xafiisyada
Dowlada tasoo la oran karo iminka Bangax waxa uu ku guuleystay inuu
dowlada ka dhaadhiciyo in arrimhaasi meesha laga saaro.
Dr.C/raxmaan Maxamed Saalax ayaa waxa kale oo lagu amaani karaa sida
weyn ee uga shaqeeyay inuu meesha ka saaro isfaham la’aan iyo shaki u
dhexeeyay Ururada Saxaafada Soomaliyeed sida Nusuj oo kale iyo Dowlada
Puntland , iyo weliba isu soo dhowaanshaha guud ahaan saxaafada
soomaliya.
Ugu Danbeyntii Bahda Saxaafada Puntland iyo soomaliya ayaa moodaa
inay hoosta ka wada xariiqeen in Masuulkan uu yahay midkii Wasaaradan ay
sugeysay inkastoo ay weli jiraan dhowr arrimood oo waxqabadkooda looga
fadhiyo balse waxa jira in dhowaan isbedel ku soo socdo Puntland hadaba
waxaan leenahay Xukuumada walba oo ku geelysata xukunka dalkan iyo hadii
ay sii jireyso mida haa talada haysa ee uu ka tirsan yahayba waa in
masuulkan uu ku sii nagadaaa wasaaradn si bahda warbaahinta iyo cid
kasta oo shaqo kul leh masuuliyada uu hayo ay u garaan himiladooda ku
wajahan horumarka.
Cawaale Jaamac Salaad
Jamnaf87@hotmail.com
Freelance Journalist Faafin: SomaliTalk.com | Nov 5, 2008 |