Maamulka Islaamiga Ah Ee Baardheere Oo Qeylodhaan Ka Muujiyay Qoysas Ku
Barakacay Daadad Ku Soo Rogmaday(Daawo Sawirada
Daadadka)
Mamulka Islaamiga ah ee Deg. Baardheere ayaa qeylo dhaan ballaaran ka soo saaray
xaaladaha bila’aadanimo ee haysta boqolaal qoys oo guryahoodii iyo ganacsigoodii
isaga cararay kaddib daadad ku soo rogmaday xaafado ku yaalla Dhinaca Koonfureed
ee magaalada.
Shir jaraa’id oo madaxa amniga degaankan Barre Maxamed Faarax uu qabtay ayuu
xaaladaha dadkaasi soo wajahay ku sifeeyay kuwo aad halis u ah.waxaana uu
tilmaamay in dadaal ballaaran ay ka gaysteen sidii wax looga qaban lahaa
barakacayaasha oo iminka ku sugan dhul joog sare leh oo ku teedsan hareeraha
degmadan.
Barre Maxamed Faarax oo warfidiyeenada la hadlayay ayaa sheegay inay wadaan
dadaalo la doonayo in kaalmo loogu uruuriyo walaalaha dhibaataysan.waxaana uu
sheegay in ay arrimahaasi dardargelin doonaan si buu yiri loo kalkaalo dadka ay
haystaan dhibaatooyinka bila’aadanimo.
Madaxa Amniga ayaa ka codsaday hay’adda iyo umadaha soomaaliyeed in ay u soo
jeestaan wax u qabashada dhibanayaasha oo tiradooda ay kor u dhaafayso boqolaal
qoys ,iyadoo dadkaasi ay xalay ku hoyden mirta roobab mar kale maansheeyay
gudaha degmadan Baardheere.
Qeylo dhaantan maamulka Islaamiga ah ayaa ku soo beegmaysa xili walwal iyo
walaac badan laga muujinayo xaaladaha ay ku noolyihiin dadkii ka barakacay
guryahoodii kaddib daadad uu soo rogay tog weyn oo biyaha ku dara webbiga Jubba.
Maxamed Gaarane Aadan
gaarane@hotmail.com
Tell:252198706
Somalitalk
Baardheere
Daadad Ku Soo
Rogmaday Gudaha Deg.Baardheere Oo Sababay Khasaare Burbur Iyo Barakac
Leh/sawirro nov 4
Faafin: SomaliTalk.com | Nov 5, 2008 | 
Daabaco
Boggan | Print
"Markabka sida
Taangiyada iyo hubka waxaan ka rabnaa Madax-furasho gaareysa $35 Milyan oo
Doolar" 
Puntland
oo Ganafka ku Dhufatay Heshiiska DFKMG La Gashay Shirkadaha Batroolka