FARRIIN KU SOCOTA  ISIMADA, NABADOONADA PUNTLAND:

UJEEDDO: BADBAADINTA PUNTLAND = XULASHADA XUBNAHA XILDHIBAANADA.

 OG: Bulshada reer Puntland ee ku dhaqan dalka Gudihiisa iyo Dibaddiisaba

Bismillahi Raxmani Raxiim: 

Sidaynu wada ogsoonahay, waxaa dhawaaan la filayaa inay dhacaan doorashooyinka labad Gole, Golaha Xildhibaanada iyo Golaha Xukuumadda ee Dawlad Goboledka Puntland... 

Insha’allahu, January 9, 2009, waa cusub baa u baryi doona ummadda reer Puntland, waxayna yeelan doonaan hoggaan cusub oo talada dalka hanta illaa iyo 2013, WAA  HADDII XILDHIBAANADA TALADA ILAAHAY WAAFAJIYOE’. 

XASUUSIN:  Hadith kii shariifka ah “KULLUKUM RAACIN, WA KULLU RAACIN MAS’UULUN CAN RACIYATIHI”, 

Mudanayaal, Isimada Sharafta badanow, ilaahay ka sokow Ummaddan reer Puntland masiirkeeda idinkaa masuul ka ah, Aakhirona waa la idin weydiin, saas darted, waxaan codsanaynaa haddaanu nahay Shacabkiinii oo la il daran, DAYAC, DARXUMO iyo DULLI OO DHAN (Gaajo, Amni darro, dhaqaale xumo, IWM), inaad na badbaadisaan, badbaadadaas oo ku imaan karta IDINKOO NOO SOO XULA XILDHIBAANNO XILKOODA GUDAN KARA, SHARCIGANA DHAWRA OO GAAR  KA  HAYA. 

Haddaan u soo noqdo farrrinta aan u gudbinayao Isimada sharafta Mudan, kuna cad ujeedada sare waa mid sida maalinta ama Caanaha u cad oo aan wax caad ahi ina kaga hagoognayn oo ah: Badbaadinta Puntland waxay  ku Xiran tahay Xulashada xubnaha xildhibaanada Puntland (2009 – 2013). 

Waxaan Isimada iyo Nabadoonada Puntland ee soo xulaya ama gudbinaya Xildhibaanada 2009 -2013, ka codsanaynaa inay  ku soo xulaan:

 AQOON, KARTI, WADANINIMO, DAACADNIMO, IIMAAN iyo QAB (aan gaajo haynin)

TALO: Xildhibaanka la soo xulayo, waa inuu noqdo:

1. Mid garan kara kana tarjumi kara, baahida shacabkii soo dirsaday iyo degaanadooda (his/her Constituents).
2. Mid aan u shaqo tagin, ama laga xukumin, (sidii horey u dhici jirtay) Madaxtooyada (Xafiiska Madaxweynaha iyo Ku xigeenkiisa)
3. In saamiga dumarka/haweenka uu noqdo mid u dhigma kan raga, haddiiba aanba looga badin, waayo haweenku waa ka daacadsan yihiin, kana wadanisanyihhin raga..

Wabilaahi Tawfiiq

Qurbo joogta Puntland
webmaster@puntlandnda.com