KHATAR KU SOO FOOL LEH SOOMAALIDA MINNESOTA
"Haddii aad war maqashid durbadiiba hala boodin ee hubi inuu il sax ah ka
soo baxay oo yahay run." Hassan Mohamud
Dhibaatooyin Haysta Muslimiinta Minnesota iyo Khatar ku soo Fool leh...
Garan maayo si aan war-bixintaan u qaado dhigo ayada oo ay arintaan tahay mid
xaasaasi ah oo Khatar teeda wadata hadana waa dhibaato saxaafaddu ka hadashay oo
war ahaan loo sheegi karo ayada oo laga hadlayo xaaladda dhabta ah ay
muslimiintu ku sugan yihiin gaar ahaan somalida Minnesota xiligaan ku jiraan
waxaad moodaa xili kala guura, xushmadda iyo xishood kuna sii yaraanayo
xaasinimaduna sii badanayso amay tahay waxaad rag iskaga riixayso ayaad rabi oga
fogaataa allayle waa musiibo haysata Somalida Waqooyiga America oo aan lala
wadaagin. Inta aana war-bixintaydaan guda galin, waxaan u cudur daaranayaa qof kii jeclaa
in aan war bixintaan u dhigo sida asagu jecel yahay waayo saxaafadda mar kii aad
matalayso oo aad rabto dad kaaga in aad dareen ku abuurto ama aad war gaarsiiso
sida war baahinta reer galbeedka ama TV yada Local ka ah ee Arintaan ka hadlay
si ka gadisan ayaa loo arki karaa ayada oo la fiirinayo Reer ka aad ka dhalatay
ama waxa aad aamisan tahay. Caalim kii weynaa ee Sheikh Mohamud Samashqari ayaa waxaa la weydiiyey Su'aal
ahayd sheikh "Mad habtee haysataa taas" oo laga wado Mashaafiyo ayaad tahay oo mad
habka iimaamu shaafici miyaad haysataa mase Malikiyo ayaad tahay oo Mad habka
iimaamu Malik ayaad haysataa mase Xanafiya ayaad tahay oo Mad habka imaamu
Xaniifa ayaad haysataa Mase Xanaabilo ayaad tahay oo Imaamu ahmed Binu Xanbal
miyaad haysataa. Sh Mohamud Inta qoslay ayuu Gabay afarlayda aad tiraahdaan ayuu
tiriyey Waxuuna yiri: Haddii aan iraahdo shaaficiyo ayaan ahay waxaad ileedihiin
war waa kuwii baneen jiray gabadha sinada aad ku dhashay waa la guursan karaa
niman kii oran jiray weeye haddii aan dhaho Maliki ayaan ahayna War waa waray
waa niman kii oran jiray Hilib ka eyga waa la cuni karaa. Waxaan soo xasuustay gabaygaas markii aan arkay sheeko oday
Soomaliyeed la iiga
sheegay xiligii leegada iyo SYL ay siyaasad Soomaliya ku tartamijireen ayuu gaari
gacanta u taagay, gaari la'aana barigaas waa jirtay, war maandhow i qaada yuu
dhahay mar kaas ayey dheheen waa tahay'e leego iyo SYL kee taageersan tahay, talaa
ku cadaatay odaygii waase ka dabaashay ilaa waa nin weyn oo khibrad leh mana uusan garanaynin nimanku in ay Leego ama SYL mid kii ay yihiin. Qosal ayuu intuu
la dhacay yiri: Adeer labaduba waa ragaygii laakiin hadda arinta aan ka hadlayo
sitaas ma ahan ee rageenu iyo gacal keenu iyo kuwa aan jeclaanayno waa kuwa
iimaanka leh ee Diinta u adeega Sida Sh Abdirahman Sheikh Omar iyo Abdirizaq Hashi
iyo Dhammaan intii u shaqaysa diinta islaam ka.
Waxaanse soo gudbinayaa waa warbixin waxaana lagama maar maan ah in aan si
cadaalada u qaadaa dhigo shacuurta shacab keena dareen kooda iyo sida ay u
arkaan Dhibaatadaan saamayn ku yeelan karta mustaqbal keena. diinteena, danaheena,
xoriyadeena, dad keena, taas oo dad badan aysan dareensanayn bal aan birta ugu
dhufto arartii ayaan ku dheeraadaye yaan la is oran wadaadku waa baqay waase loo
badan.
Qaylo iyo sawaxan ayaa cirka is qabsatay waxaa qayliyey idaacadihii TV-yada ahaa
waxaana ka soo dhex baxay Soomaali dalkii dib ugu laabtay oo is qarxiyey walow
war bixitaan TV-yadu ay sii daysay Shirwa Ahmed sawir kiisa iyo in uu is
qarxiyey - Halkaan ka daawo
- waxaa kaloo la sheegay ilaa 20 dhalin yaraa in ay labadii bilood ee la soo dhaafay ay somalia aadeen sida ay idaacada Fox9 iyo kare11
iyo KSTP ay sheegeen halkaan ka daawo.
TV-ga waxaa Warbixintaan laga waraystay laba nin oo Soomaali ah oo aad looga yaqaan
gobalkaan minnesota Omar Jamal iyo Sheikh Abdiqani Qardhawi waxay sheegeen
labaduba in ay caruurtaas jiraan oo waalid-kood aad ugu dhiban yahay. Fox9 ayaa
sheegay in Abdiqani
rumaysan yahay in ay jiraan dad maal galiya. Isaga oo sheegay (in 17-jirro iyo
18-jiro) badankoodu aysan shaqayn - oo sidaas awood uma
lahan in uu lacagta diyaarada bixiyo taas oo dhan 1,700$ sidaas darteed dad ayaa
lagayaa in ay ka danbeeyaan; waanse isku deyeynaa in aan ogaanno.
Sh. Abdirahman
Sheikh Omar
|
Jawaabta Masaajidda...
Masaajidii socod koodii ayaa
yaraaday asbuucyadii la soo dhaafay walow ilaa shalay masaajidku uu aad u buuxay
ka dib Sh. Mohamed Kariye markuu safar noogu yimid walina nala joogo asaga oo
khudbadii maantayna kaga hadlay in diinta islaam ka lagu dhinto oo lagu dhago oo
aan la baqin . Sheikh Abdirahman Sheikh Omar ee masjidka Abubakar ayaa asna kaga hadlay
asbuucyadii hore asaga oo sheegay in masaajidka abubakar uu bari ka yahay dhalin
yaradaas, oo aan loo baahnayn in sharciga wadan kaan la jabiyo. Waxuuna yiri sheikh
abdirahman: Dhalinyaradu meel kasta waa aadaan goobaha xun xun ee lagu tunto waa
aadan anaga miyaa u dirnay waa ishaacaad waa dagaal waligiis soo jiray oo diinta
lagu duminayo ka digtoonaada rabigiina ka cabsada.
Maamulaha Masaajidka Sheikh
Omar ayaa asna aad oga hadlay oo sheegay in Masaajidka iyo Gudigu ay bari ka yihiin
oo aysan waxba arintaan kala socon sidaas darteedna Dowladdu og tahay Cidii
danbi ka gashay ayna tahay howl ayada u taala.
Dhallinyaro ka caararay gaangiistarnimada....
TV-ga Fox9 waxa uu sheegay in dhallinyarada la sheegay in ay maqan yihiin (ee
aadey Soomaaliya)
in qaarkood loo malaynayo in ay hore uga tirsnaan jireen Gaangiistarada oo ay
iskaga carareen dariiqyada (Minneapolis) ee galaaftay 7
dhallinyaro Soomaaliyeed ah sannadkaan dhintay (2008). Waxaa kaloo jira
warar tibaaxaya in waaalidiinta ilmaha dhalay qaar kood in ay xariir la sameeyeen
Sirdoonka maraykanka ee loo yaqaabo FBI. Waxaa yaraatay aaminaadii qof ka haddii uusan ku aqoonna waxaa
adag in aad waraysato ama aad saxaafadda la hadal aad tiraahdo dad kii is yaqaanay
ayaa kala cararayo waxaa jira dad guryaha loogu yimid oo ay is yaqaaneen dhalin
yaradii baxday qaar kood sida igu maqaala ah. E.K. Wilson oo ah afhayeenka FBI
ee Minneapolis ayaa arbacadii sheegay in uu socdo wadahadal ay jaaliyadda
Soomaaliyeed kala yeelanayaan (wiilasha) la waayey, sida ay qortay jariidada
StarTribune.
Warbixinta Jariidada StarTribune
Osman Ahmed
|
Osman Ahmed oo ah Madaxa Guddiga dadka deggan guryaha Riverside plaza oo
u waramay Jariidadda StarTribune ee ka soo baxda Minneapolis caddadkii
November 26, 2008 ayaa yiri: wiil aan abti ama adeer (nephew) u ahay oo jira
17 ayaa la waayey Nov 4. Hooyadiis ayuu ka soo wacay Muqdisho Caasumada
dalka Soomalia waxuuna u sheegay in uu nabad qabo oo soo wici doono, laakiin
dib dambena uma soo wicin.
Osman Ahmed waxuu intaas ku daray in uu wiilka uu abtiga u yahay uu
dhigan jirey Dugsi sare uu ku yaal Minneapolis, oo waqtigiisa ku bixin jirey
iskoolka, guriga iyo masaajidka.
Saeed Fahiya
|
Osman Ahmed oo hadalkiisii sii watay waxa uu yiri, wiilkaasi waxa uu ahaa
wiil wanaagsan, "waxana uu ku taxnaa Masaajidka." Hadalkaas oo dadka
Soomaaliyeed ee akhriyey ay u fasirteen in masjidka farta lagu godayo.
Sidoo kale waxa kale oo jariidada waraysi siiyey Saed Fahiya oo ah Madaxa
Confederation of the Somali Community ee Minnesota waxuuna yiri waxaan
arintaa wada hadal iyo shirar kale jaaliyada iyo FBI-da.
Hubsiimada Wararka....
Waxaa kaloo warbixinta StarTribune lagu sheegay in wiil Abdul Abdullahi la
yiraahdo oo 23-jir ah in la yiri waxa uu ku jiraa liiska wiilasha maqan (ee
aadey Soomaaliya), arrintaas marka uu maqlay Ahmed Abdullahi oo ay wiilkaas
ay walaalo yihiin waa QOSLAY, oo la yaabay arrintaas, waayo walaalkiis waxaa
loo geeyey somalia xanuun madaxa ah waxaana xitaa aarintaas la socda
dhakhtarkiisa, laakiin somalida ayaa buun buunisay warka Abdul Abdullahi.
Sh. Hassan Mohamud
|
Sidoo kale waxaa war bixinta Jariidada StarTribune ku jira Imaamka
Masjidu Da'wa ee St. Paul, Hassan Mohamud, oo xusay sida ay islaamka uga soo
horjeedo in la qaad-qaado war aan la hubsan ee la isla dhex marayo, isagoo
arrintaas jaaliyadda xusuusinaya. Waxana uu yiri: "Haddii aad war maqashid
durbadiiba hala boodin ee hubi inuu il sax ah ka soo baxay oo yahay run."
Waxaad arkaysaa oo qoraalada sare kaaga muuqda dadka Warbaahinta u warama
ama saxaafada in ay kala aragti gadisan yihiin kala mowqif yihiin.
Somalida badankeedu marumaynin in dad laabteen oo Soomaaliya tageen ayuu
StarTribune war bixintiisa ku muujiyey waxuuna soo qaatay dhawr qof oo uu
kamid yahay wiil magaciisa la yiraahdo Muhamed Muhamed oo 22-jir ah oo 1995
kii yimid America waxuuna yiri: Ma rumayn karo in qof Soomaaliya dagaal u
aaday ilaa aan anigu xaqiiqo ahaan indhahayga ugu arko in ay dhacday.
Abdulkadir Said, oo 47-jir ah ma rumaysan warka la isla dhex marayey
markii uu maqlay laba toddobaad ka hor.
Mahad Isse, oo 28-jir ah, waxa uu yiri dagaalku waxa uu qoyskiisa ku
sababay inay ka soo cararaan Soomaaliya, sababtee ayaa qof hadda halistaas u
raadsanayaa.
Warka Wiilasha oo dhaliyey Jaahwareer... Waxaa jira wareer, saxmad, dhibaato
iyo baqdin xiligaan oo waliba
ah xili qabow ah shacuurta dad weynaha aan maantay la kulmay ayaa ahayd sidaan
nin dhalin yaraa ayaa igu yiri inta ii soo dhawaaday salaatu khowf ayaa rag
badan ku maqan yihiin guryaha ayey iskaga dhex tukadaan. Dadweynaha qaar kood ayaa eed dusha kaga tuuraya Soomaalida idaacadaha u warantay
qaarkood. Nin dhalin yaraa ayaa yiri raggaa qaar maradii ayaa ka dhacday waayo dadka
ay sheegayaan ee dhalin yaradaan caawiyey
xaggee joogaan mey sheegaan, asaga oo xanaaqsan ayuu sii raaciyey: ma ahan
dadkii haddii ay xataa shaki cid ka galay hadalkaan warbaahinta ka dhihi lahaa waxaase laga
yaaba wax aanan ogayn in ay ka dhawaajiyeen.
Nin kale ayaa soo booday oo yiri:
dad ayaa loo socdaa rag ayaa jaaniskaan helay waana la is qab qabanayaa farta
ayaa la isku fiiqayaa ama hala cararo ama sharciga yaan la jabin america hala
yiraahdo waxaad moodaa in la isku hayo saddex waji (1) Qabiil (2) Aragti kala
duwan ee diimeed (3) Dano shakhsiyeed ama rag xiniin iskugu dhacay oo meel aysan
garanaynin ka dirirsan waxaase shaki ku jirin si kasta oo ay tahayba in ay tahay
dhibaato musiibo wiiqi karta sharafta muslimiinta taas oo ay ka dhalan karto in
Culumada iyo dadka diinta u shaqeeya iyo Goobaha lagu cibaadaysto ay noqdaan
goobo laga cararo halka ay ahaan jireen meelihii la yiri haloo cararo. Nin baa
laga sheegay masaajidka haddii ay qayladu ka yeertay xaggee loo cararaa.
 
Soomaalida Minnesota
Waxaa xasuus mudan oo Sh Mohamed kaariye uu dadka u sheegay in Sharciga Dustuurka America dhigayo in
Aad Diintaada ku dhaqanto cidna kuuma diidi karto laakiin sharciga hala ilaaliyo
iyo axdigii aad saxiixdeen kaas oo idinka oo qaxootiya magan galyo la idin
siiyey. Sidaas oo kale ayuu Sh Abdirahman laba khudbo kaga hadlay in aanan sharciga
la jabin America oo aanan diinta islaamka magaceeda la xumayn.
Lama
dareemi karo meesha ay wax ka khaldan yihiin iyo cida hurinaysa ayada oo sawaxan
kaan iyo qayladaan ay tahay hal mar mid idaacaduhu la soo boodeen waana arin aad
ugu soo noq noqotay Warbaahinta Maxalliga ah ee Gobalkaan Minnesota.
Midnimada Jaaliyadda.....
 Habeen hore ayey ahayd
markii TV ga Kare11 uu ka hadlay Xaashi Shaafi oo ka tirsan
Somali Action
Alliance.
Laakiin ilaa
hadda ma arag Jaaliyadda Soomaalida oo midaysan oo warbaahinta ka hadlay iyagoo
arrinta wajahaya.
Sidoo kale aaway dhallin yarada la shaqaysa Senotor
Norm Coleman ama Senator Amy Klobuchar ama ka ag dhow Keith Elison (oo ah nin
muslim ah oo ku jira Congreska maaraykanka) - arintaan ayaa ah mid xal u
baahan waxaana waa jib ah sidii loo
difaaci lahaa Culumadeena, masaajidda Muslimiinta oo ah guryihii ilaahay iyo
Sharafta muslimiinta maantay oo kale waxaa loo baxsadaa Qof Khibro leh, Aqoon leh,
Wax garad ah, Siyaasi ah, waana filayaa in dad badan ay garab is taagi doonaan
siday Khatartaan oga hor tagi lahaayeen ilaa balaayo dhago la qabto ayey
leedahay ee ma lahan Dabo la qabto.
  
Sen.
Norm Coleman, Sen. Amy Klobuchar, congressman Keith Elison
Talada Waxgaradka waa loo baahan yahay....
Talo Waxaa Looga Baahan yahay Aqoon yahanada, Odayaasha iyo Haween Somaliyeed oo ka
naxariis badan Ragga (1) Ma tahay mid jecel Diinta Midnimada Muslimiinta
mahaysaa talo Ma gabaydaa . Taariikh ma haystaa maantaa Somali Musiibo ayaa haysee ma haystaa dhibkaa sidii
looga bixi lahaa waa maxay xal ku (2) Ma ka damqanaysaa oohinta Culumada oo ah
Awliyada ilaahay ilaahay Jano ma kaga Raadsanaysaa in aan Muslimiinta islaaxiso
(3) Diyaar ma u tahay Maantay In Khibradaada iyo Caqligaaga iyo Cilmigaa loo
baxsado (4) Dad ka aan la nool nahay Sida Culumadu noo sheegtay wanaag in aan kula
noolaano maxaad ka qabtaa (5) Yaad eeda Saaraysaa?
Xigasho: StarTribune, Kare11-TV, Fox9-TV, KSTP-TV, WCCO-TV
Qoraalkii StarTribune:
Ka akhri halkan....
Waxaa isku soo dubariday:
Ustaad Abdiwali Bashir Dalboon
North America Minnesota
cdalboon@hotmail.com
Faafin: SomaliTalk.com | Nov 29, 2008 | 
Daabaco
Boggan | Print
"Markabka sida
Taangiyada iyo hubka waxaan ka rabnaa Madax-furasho gaareysa $35 Milyan oo
Doolar" 
Puntland
oo Ganafka ku Dhufatay Heshiiska DFKMG La Gashay Shirkadaha Batroolka