Ururka SOWJA oo siminaar u qabtay Haween ka tirsan suxufiyiinta
Soomaaliyeed.
Sawirada Halkan ka daawo...
Ururka SOWJA oo ah urur ay leeyihiin Haweenka Suxufiyiinta Soomaaliyeed ayaa
siminaar soconaya mudo shan maalmood ah ugu qabtay Hotel Saxafi ee Magaalada
Muqdisho Haween ka kala socday Suxufiyiinta Soomaaliyeed iyo Bulshada Rayidka,
waxaana ka gacan ka gaystay hay’adda National endowment for Democracy.
Siminaarkaas ayaa waxaa ka hadlay agaasimaha guud ee Wasaaradda Dhallinyarda
iyio Isboortiga C/risaaq Bahlaawi oo sheegay in siminaarada noocaan oo kale ah
ay wax ka tari karaan kor u qaadida aqoonta haweenka soomaaliyeed ee
suxufiyiinta ah, isagoo u soo jeediyey ururka SOWJA in ay siminaarda noocaan oo
kale ah labalaabaan si ay u soo baxaan haween kale oo suxufiiyiin ah, waxaa kale
oo ka hadlay agaasimaha guud ee Hay’adda COGWO Sahra Max’ed Axmed oo iyadu u
mahadcelisay intii isku soo dubariday siminaarkaasi, waxay kaloo sheegtay in
haweenka Soomaaliyeed ay laf dhabar u yihiin hawlaha wadanka ka jira, waxayna ka
codsaday Ururka SOWJA in ay gacan weyn siiyaan haweenka soomaaliyeed, waxaa kale
iyana ka hadlay guddoomiyaha ururka SOWJA Qamar Salaad oo iyana sheegtay in
siminaarkaan oo hordhac u yahay Siminaaro isdaba joog ah oo ay hay’adu u qaban
doonto dhamaan haweenka safaxfiyiinta Soomaaliyeed, iyadoo sheegtay in
siminaarkaan ay ka qaybgalayaan haween suxufiyiin ah oo ka kala socda Gobolada
Banaadir Sh/hoose iyo Sh/dhexe, waxayna u soo jeedisay ka qaybgalayaasha in ay
si wanaagsan uga faa’iideystaan siminaarkaani.
Siminaarkaan waxaa cashiro ka bixinayey Macalin Shariif Cali Shire oo isagu
faahfaahin dheeraad ah ka bixiyey Shuruucda looga baahan yahay dadka baranaya
Mihnadda Saxaafadda, waxaa kale oo uu sheegay in Saxaafaddu ay tahay mindi labo
af leh, oo haddii loo isticmaalo dhinaca nabadda wax toosin karta, haddii
dhinaca kale loo isticmaalana wax burburin karta, isagoo sheegay in suxufiyiinta
looga baahan yahay in ay mar kasta dhowraan anshaxa saxaafadda.
Waxaa kale oo siminaarkaasi lagu baranayey cashiro la xiriira dhinaca dib u
heshiisiinta iyo nabadda, maadaama ay saxaafaddu qayb muhiim ah ku yeelan karto
sidii dib u heshiisiin iyo nabad lagu gaari lahaa dalka Soomaaliya.
Siminaarkaan oo loo qabanayo qayb qayb ayaa waxaa la soo gebagabeyn doonaa
maalinta axadda ah, iyadoo ay ku xigi doonaan siminaaro kale oo kor loogu
qaadayo aqoonta haweenka suxufiyiint ah.
W/D Amiin Yuusuf Khasaaro
E-Mail amiinkhasaaro@hotmail.com
Faafin: SomaliTalk.com | Nov 28, 2008 |
Daabaco
Boggan | Print
"Markabka sida
Taangiyada iyo hubka waxaan ka rabnaa Madax-furasho gaareysa $35 Milyan oo
Doolar" 
Puntland
oo Ganafka ku Dhufatay Heshiiska DFKMG La Gashay Shirkadaha Batroolka