Cade Muuse oo Ku Hungoobay 21- Xildhibaan ee G/ Bari oo uu ku Xisaabtamayay.
Madaxwayne Cade Muuse ayaa Mudooyinkan danbe waday Olale Balaadhan oo uu ku
doonayay Inuu ku Hanto Xildhibaanada Baarlamaanka ee ka soo jeeda Gobolka Bari,
Taasi oo la sheegay inuu ku Guul daraystay ka dib markii ay si Adag u diideen
Beelaha Gobolka Bari inay taageeraan - Gen- Cade Muuse is uu Mar Labaad uga dhex
Muuqo Masraxa Siyaasadeed ee Puntland.
Warar dheeraad ah oo aad laysugu Halayn Karayo ayaa noo Xaqiijiyay inuu Gen-
Cade Muuse Mudooyinkan waday Shirar Goos Goos ah kuwaasi oo ku Soo jeedanayo 21-
Xuboon kuwaasi oo ka soo jeeda Gobolka Bari, in badan Waxa uu la kumay Odayaasha
G/ Bari balse marnaba ma suuroobin inuu Cod Kalsoonileh ka Helo.
Cade Muuse ayaa Waxa uu aad ugu Kalsoonaa oo isku Halaynaya Xubnaha Gobolka Bari
ee Baarlamaanka Puntland maadaama uu Gen- Cade Muuse ka soo Jeedo Gobolka Bari
waxa uu aad iskugu Halaynayay inuu Taageerada koowaad ka Helayo Gobolka Bari
Balse taasi ayaa Noqday Hal Bacaad Lagu Lisay.
Inta badan Cade Muuse marka la saadaaliyay doorashada Puntland uma Muuqdo inuu
ku soo Baxayo markaad Aragto Codadka uu haysto iyo Taageerada SHacabka dhexdiisa
uu ku Leeyahay, iyada oo SHacabka Puntland ka Biyo diideen inuu Gen-
Cade Muuse soo Laabto.
Gen- Cade Muuse ayaa Badhtamihii Bishan Nov- ee aynu ku Jiro Gaadhay Magaalada
Gaalkacayo ee Xarunta G/ Mudug halkaasi oo la sheegay inuu u aaday Ujeedooyin
leh, dhawr waji isaga oo Markii Hore la sheegay inuu Hub ka Raadsaday Beelaha
degan Gobolka Mudug ka dib Cabsi xoogan oo uu ka qabo in Qalaase Galo doorashada
Puntland.
Laakiin dad ku dhawaa Safarka Cade Muuse ee Gaalkacayo ayaa sheegaya inay
odayaasha deegaankaasi kula Taliyiin Cade Muuse inuu Xilka is Casilo ka dib
Markii uu ku Fashplmay Hogaaminta Siyaasada Puntland, odayaasha ayaa sidoo kale
la sheegay inay Cade Muuse u soo Jeediyeen inuu Xilka u daayo dadka Hagi Kara.
Xukuumada Puntland ayaa dhibada Loo Taagay 1998- iyada oo Markaasi Beelaha
Gobolada Puntland degini ku Hashiiyeen inay dhistaan dawlada Sal Balaadhan oo
loo wada dhanyahay Laakiin Xaalku Sidaasi lagu Hashiiyay Ma Noqone, Maamula kala
Gadisan ee soo Maraya Hogaaminta Puntland ayaa Noqday kuwa Ka Baydhay hashiiskii
la Gaadhay Wakhtigaasi, dawlada Cade Muuse ee haatan ay u hadhay Wakhtiga yare
ayaa lagu sheegay inay tahay kii Ugu Ayaanka darayd ee soo Marta Hogaaminta
Gobolada Puntland, waxana ay sheegayaan dadka ka Faalooda Arimaha SIyaasada
Puntland inay ku Fashileen Cade Muuse iyo Kooxdiisu Hagida Siyaasada Puntland.
Faafin: SomaliTalk.com | Nov 23, 2008 | 
Daabaco
Boggan | Print
"Markabka sida
Taangiyada iyo hubka waxaan ka rabnaa Madax-furasho gaareysa $35 Milyan oo
Doolar" 
Puntland
oo Ganafka ku Dhufatay Heshiiska DFKMG La Gashay Shirkadaha Batroolka