Gudiyada Siyaasada dhinacyada DKMG iyo Is-bahaysiga Dibu-xoreynta
Soomaaliya oo lagu wado in ay kulamo kala duwan ku yeeshaan Koofur Afrika iyo
Kiiniya
Aqoon is weydaarsi lagu baranayo ilaalinta xuquuqda aadanaha iyo kor u
qaadideeda, ka hortaga ka fakashada ciqaabta iyo xaqa dhibanayaasha ay u
leeyihiin inay wax ogaadaan, mabaadii’da aas aasiga ee ku aadan dadka waxyeeladu
ay ka soo gaartay xadgudubyada waaweyn ee loo geysto qaanuunka dowliga ah,
sareynta qaanuunka iyo cadaalada KMG ee bulshooyinka loolanka uu ka dhex jiro
iyo kuwa uu ka dhamaadey, islamarkaana ay ka faa’iideysanayeen Gudiyada
siyaasada labada dhinac ee TFG iyo ARS ayaa lagu qabtey 22/11/2008-da Hoteel
Kempinski ee caasimada dalka Jabuuti.
Siminaarkan oo ay soo qaban qaabisey Q.M oo socondoona laba maalmood ayaa waxaa
wax ka dhigaayey 3-Khabiir oo Dumar ah, islamarkaana ka kala socdey dalallka
Falastii, Ingiriiska iyo Koofur Afrika, waxaana lagu wadaa in la soo gebagebeeyo
23/11/2008-da.
Marka uu dhamaado siminaarkan iyo shirka lagu balansan yahay inuu furmo
maalamaha soo socda ayaa warar hoose oo aan ka helney xubnaha siminaarka u
socdey ayaa ii sheegeen in siminaar kale oo isna socondoona ilaa shan maalmood
lagu qabandoonaa magaalada Nayroobi, kaasoo looga hadlayo arimaha dastuurka,
micnaha federaalka iyo 4.5-ka, sidoo kale xubnahan siyaasada dhinacyada TFG iyo
ARS marka ay dhameystaan waxay safar ku tegidoonaan dalka Koofur Afrika, si
halkaas ay uga soo qaataan khibrad dhinaca xalinta khilaafaadka.
Laakiin marka laysku soo duubo hawlahan dibu-heshiisiinta laga wado caasimada
dalka Jabuuti ayaa waxaad moodaa in ay soo wajahayaan khilaafyo hareeyey
mas’uuliyiinta sare DFKMG iyo caqabadihii hore u ragaadin jirey shirarka
dibu-heshiisiinta Soomaalida, waxaana jira fursado badan oo muuqday in ay xagal
daacinayaan kuwo aan haybtooda siyaasadeed la garan halka ay ku wajahan tahay,
dowlada jabuuti ayaa soomaaliya mudadii dowlad la’aanta ka jirtey, in badan isku
hawshey xalinta arimaha Soomaaliya, maadaama ay dhinac kasta wadaagaan, hawshuna
waxay ku socotaa Talo walaall diidoow Tagoog-yaha ayuu ka jabaa.
Maxamed Macallin Cismaan (All-man) Somalitalk Jabuuti.
fatxumaalik@hotmail.com
Faafin: SomaliTalk.com | Nov 23, 2008 |
Daabaco
Boggan | Print
"Markabka sida
Taangiyada iyo hubka waxaan ka rabnaa Madax-furasho gaareysa $35 Milyan oo
Doolar" 
Puntland
oo Ganafka ku Dhufatay Heshiiska DFKMG La Gashay Shirkadaha Batroolka