Hayadda Organization for Somali Protection and Development (OSPAD) oo
qabatey Madal ku saabsan Cudurka HIV/AIDS
Sawiro badan halkan ka daawo....
  Machadka
Kalkaaliyaasha caafimaadka ee Muqdisho ayaa waxaa mudo labo maalmood ah ka
socday siminaar ku saabsanaa cudurka AIDS-ka, waxaana ka qaybgalay ilaa iyo
Boqol dhalinyaro ah oo laga soo uruuriyey xeryaha dadka barakacay ee ku yaala
Magaalada Muqdisho, waxaana soo qabanqaabiyey Hay’adda OSPAD (Organization for
Somali Protection and Development) oo gacan ka heleysay Hay’adda UNICEF iyo
Global Fund, waxaana kormeerayay hay’adda SCAC oo koofunrta iyo bartahama
Soomaaliya u qaabilsan cudurka AIDS-ka.
Intii uu socday siminaarkaasi ayaa waxaa cashiro ka jeedinayey Dr Cumar Hani oo
isagu si aad ah ugu dheeraaday qaabkii uu ku bilowday cudurkaasi, siyaasabaha
loo kala qaado cudurkaasi iyo sida ugu haboon ee loga hortagi karo cudurkaasi.
Dr. Cumar Hani ayaa ka qaybgalayaashii siminaarka si weyn u fahamsiiyey
dhibaatada cudurkaasi, isagoo sheegay in cudurka xooggiisu uu ku dhaco
dhalinyarada, loogana baahan yahay dhallinyarada in ay ka digtoonaadaan
cudurkaasi, waxaa kle oo uu sheegay in 1.5% Soomaaliya uu cudurkaasi uu haatan
ka jiro, isagoo sheegay in ay ugu wacan tahay in aysan jirin dowlad dhexe oo
koontaroosha gudaha dalka Soomaaliya, waxa uuna Cumar Hani sheegay in Soomaaliya
ay deris la yihiin dowlado uu si aad ah uga jiro cudurkaasi oo ay ka mid yihiin
Itoobiya iyo Kenya.
Waxaa kale oo halkaasi cashiro ka jeediyey Drs Xaliimo Maxamuud Cali oo iyana ku
dheeraatay cudurada Jabtada iyo Waraabowga oo ay sheegtay in ay yihiin cuduro
xiriir la leh cudurka AIDS-ka, waxayna sheegtay in cuduradaasi ay ku faafaan
kalmoodka sida cudurka AIDS-ka, waxay kaloo sheegtay in cuduradaan ay yihiin
kuwo la iska daaweyn karo, balse cudurka AIDS-ka aan ilaa iyo hadda loo helin
wax daawo ah, waxayna u soo jeedisay dhallinyarada in ay iska ilaaliyaan
cuduradaasi.
Siyaad oo ka mid ah dhallinyaradii ka qaybgalaysay siminaarkaasi ayaa isaga oo
ka hadlaya waxa uu yiri “marka hore ma aan fileyn in uu cudurkaani yahay mid
jira, balse maanta waxaan ogoaaday in uu yahay cudur jira oo halis ah”, isagoo u
soo jeediyey dhallinyarada Soomaaliyeed in ay ka feejignaadaan cudurkaasi, Canab
oo iyana ka mid ahayd gabadhihii ka qaybgalay siminaarkaasi ayaa u mahadcelisay
intii soo qabanqaabisay siminaarkaasi gaar ahaan hay’adda OSPAD oo ay sheegtay
in ay tahay hay’ad mar kasta daneysa sidii ay dhallinyarada Soomaaliyeed u gaari
lahaayen horumar, waxay u soo jeedisay hay’adda in ay siminaarada noocaan oo
kale ah sii kordhiso, si dhallinyarada iyo bulshada Soomaaliyeed ee kale ay uga
faa’iideystaan. Intii ay cashiradu socdeen ayaa dadkii ka qaybgalayey siminaarka
waxaa loo qaybiyey todobo qaybood, waxaana qayb kasta la hor dhigay su’aalo ay
ka mid ahaayen, Sidee baa looga hor tagaa cudurkaasi?, Maxaa fududeeya
cudurkaasi?, Soomaalidu maxay ka aaminsa tahay cudurkaasi?, Maxaa lagu kala
qaadaa cudurkaasi? Yuu u badan yahay cudurkaasi?, goobahee iyana laga qaadaa
cudurkaasi? Iyo Maxaa xiriir ah oo ka dhexeeye cudurada Jabtada, Waraabowga iyo
Jabtada? Dhamaan ka qaybgalayaashuna si aa ah ayay uga jawaabeen su’alahaasi,
waxaana soo xiray siminaarkaasi Dr. C/llaahi Xaashi oo ka socday Hay’adda SCAC
oo isagu u mahadceliyey intii isgu soo dubariday ama soo agaasintay
siminaarkaasi, waxa uuna u soo jeediyey ka qaybgalayashii siminaarkaasi in ay
wixii ay halkaan ka barteen ay u gudbiyaan bulshadii kale ee ay ka yimaadee,
waxaa kale oo uu sheegay in cudurka HIV/AIDS uu yahay cudur Qatar ah oo dhibaato
ku haya caalamka, waxa uuna sheegay in looga bixi karo ama looga hortagi karo in
bulshada loo sheego ama la wacyi geliyo si loo faahfaahiyo dhibaatada cudurka,
waxa uuna siminaarkaasi ku soo gebagaboobay sidii loogu talagalay.
W/D Amiin Yuusauf Khasaaro
E-Mail amiinkhasaaro@hotmail.com
Faafin: SomaliTalk.com | Nov 21, 2008 |
Daabaco
Boggan | Print
"Markabka sida
Taangiyada iyo hubka waxaan ka rabnaa Madax-furasho gaareysa $35 Milyan oo
Doolar" 
Puntland
oo Ganafka ku Dhufatay Heshiiska DFKMG La Gashay Shirkadaha Batroolka