Cabdi Shakuur Mire Aadan: "Cade Muuse, Gaa Gaab, Af-Qudhac uma dul
Qaadankaro Afar sanoo Horle.
 Bosaaso:-Siyaasiga ah Caanka ah
ee Cabdi Shakuur Mire Aadan ayaa si Adag Ganafka ugu dhuftay Xusul duubka ay
wadaan Hogaanka sare ee Dawlada Puntland kuwaasi oo doonaya inay mar labaad ka
dhex muuqdaan Masrax siyaasada Puntland, C/ Shakuur Mire Aadan oo in badan Xilal
ka soo qabtay Maamulka Puntland ay sheegay in haatan uu Maamulku qarka u saaran
yahay inuu Bur-Buro.
Cabdi Shakuur Mire Aadan waxa uu si qota dheer uga hadlay meesha uu haatan
marayo Mamaulka Puntland iyo markii dhibada loo taagay Go"aamadii lagu Hashiisay
oo aan Meel marin, waxa uu ku ce celiyay inay xukuumada haatan jirtaa ku
Fashilantay xoojinta Amaanka, Kobcinta Dhaqaalaha, iyo Xakamaynta Budhcad
badeeda.
Siyaasigaasi waxa uu dhanka kale sheegay in hadii ay soo noqdaan Hogaanka
haatan Talada Puntland hayaa uu Masiirka danbe ee Puntland noqonayo mid reeba
Colaad iyo Kacdoon shacab iyada oo Masuuliyiinta Xukuumada haatan sii dhacaysaa
ay dhaqaalihii Gobolka u is ticmaaleen dano Gaar ah.
Cabdi Shakuur Mire Aadan waxa si docda kale ku Nuux-Nuuxsaday in
Masuuliyiinta sar sare ee Maamulka Puntland oo ka mid yihiin Madaxwayne Cade
Muuse, Madaxwayne Xigeenkiisa Xasan Af-Qudhac ay kuf sadeen Siyaasadii Puntland
isla markaana ay jaah wareeriyeen Shacabkii iyaga oo aan ilaa haatan Afartii
sano ee ay dhisnayd Dawladu aanay jirin wax la Taabano karo oo ay qabteen.
Cabdi Shakuur Mire Aadan oo mar noqday Wasiir Xigeenka Warfaafinta Puntland
waxa uu xukuumada Puntland ku dhaliilay in haatan oo ay doorasho soo dhawdahay
ay Hantidii Dawlada Gacanta ku hayaan Xukuumada jirtaa kuwaasi oo ay dhici karto
inay dhaqaalaha Dawlada u is ticmaalaan Olalaha doorashooyinkooda taasi oo ah
wax aad looga naxo.
Somalitalk.com - Bosaaso.
Faafin: SomaliTalk.com | Nov 21, 2008 | 
Daabaco
Boggan | Print
"Markabka sida
Taangiyada iyo hubka waxaan ka rabnaa Madax-furasho gaareysa $35 Milyan oo
Doolar" 
Puntland
oo Ganafka ku Dhufatay Heshiiska DFKMG La Gashay Shirkadaha Batroolka