Cambaarayn iyo talo bixin ku saabsan qaraxyada Hargaysa
Waxan tacsi u dirayaa dhamaan shacabka somaliland dhamaantood meelkastay
joogaan. Gaar ahaan waxan tacsi taa la mid ah u dirayaa eheladii,qaraabadii iyo
asxaabtii ay ka geeriyoodeen ama ku dhaawacmeen falalkii argagaxisada ahaa ee
laga gaystay magaalada madaxda Somaliland.
Falakii argagaxisadu la beegtay Xarunta madaxtooyada,UNDP,Safaarada Ethiopia.
Falkani waa mid ay soo maleegeen cadawga Somaliland kuwaas oo hadh iyo habeen ka
shaqaynaya siday u manjaxaabin lahaayeen qaranimada Ummada Somaliland. Waxay
cadawga wadankeena ku guulaysteen inay wadnaha wadankeena ay la beegsadaan
qaraxyo ay mudo dheer ka soo shaqeeyeen.
Qormadan waxan ugu tala galay inaan kaga faaloodo falalkan argagaxisadu
wadankeena ku fulisay . Weerarkan oo ahaa gardaro qaawan oo si badheedh ah loola
beegsaday Ummada Somaliland. Falkan waxa gaystay dad mujrimiin ah oo ka fog
dhaqanka diinta Islaamka iyo ka Bani'aadanimoba. dhacdadan ku salaysan argagaxa
waxa weeya nashaqdii ama qalinkii Alqaacid ama sumadii Usama Bin Laden. Waxa
fuliyey dhacdadan dadka uga shaqeeya ninka argagaxa ku caanka baxay Somaliya
gaar ahaa Argagaxisada la magac baxday Alshabaab ee ka dagaalanta Somaliya.
Hadaba hadaynu sidaa ula socono dadka ka dambeeyey gardaradan qaawan ee aan
geedka loogu soo gaaban ee ummadeena lagu burburinayo. Saw looma baahna inaynu
dib isugu noqono isna waydiino masuuliyada intee le'eg ayay ku leedahay
xukuumadeenu ama xisbiyada mucaaradka ahi arintan ka curtay wadankeena.
Doorka xukuumada ay ka qaadatay nabadgelyada Wadanka.
Fikadayda hadaan ku cabiro masuuliyada ay ku leedahay ama siday uga gaabsatay
sugida nabadgelyada shacabka reer Somaliland. Waxay iila muuqataa inay xukuumadu
ka seexatay masuuliyadeedii ay waddanka u haysay oo ah inay ka ilaaliso cadawga
dibada iyo ka gudahaba. Sidaan la socono in dad aad aan la garanayn cadadkooda
ay ka soo qaxeex Soomaaliya. Xukuumadeenu may samayn inay diiwaan geliso dadka
koonfur ka yimi,waxay dadkaasi kala degeen daafaha magaalada Hargaysa,wadankeena
waxay ku faafeen wadankeena degmo ilaa tuulo.
Sidee looga hortegayaa Falalka inagu soo socda ee argagxisadu inla doonayso
Dhawr sano ka hor ayaa laga saaray wadankeena dadka ka soo jeeda Koonfurta
iyadoon wax xadgudub ah lagu samayn. Maanta waa maalintii taladii aynu gaadhanay
dhawr sanadood ka hor gaadhan in dib loo soo celiyo. Dhamaan waa in wadankeena
laga saaraa dadka aan u dhalan. Dadkaas waa in diiwaan gelin degdeg ah loo
sameeyaa looma sheega maalinta wadanka laga saarayo iyadoo loo sheegayo inay
mudo gaaban ku soo diyaarsandaan wixii wadankan ka yaala oo hanti ah si sharaf
lehna loogu celiyo meeshay u dhasheen.
Shacabka reer Somaliland waxan ka codsanyaa inay abaabulaan mudaaharaad aad u
balaadhan oo wadankoo dhan ka digaan xukuumadoodana ka codsadaan in wadanka laga
saaro dadkaan u dhalan wadankeena.
Guul somaliland
Hassan Omar Ahmed
togaherer@yahoo.com
Afeef: Aragtida qoraalkan waxaa leh qoraaga ku saxiixan
Faafin: SomaliTalk.com | Nov 1, 2008 | 
Daabaco
Boggan | Print
"Markabka sida
Taangiyada iyo hubka waxaan ka rabnaa Madax-furasho gaareysa $35 Milyan oo
Doolar" 
Puntland
oo Ganafka ku Dhufatay Heshiiska DFKMG La Gashay Shirkadaha Batroolka