Howlaha ka socdo Isbitaalka Dagmada Dayniile oo la Amaanay
Isbitaalka Guud ee Dagmada Dayniile hada waxaa jiifa bukaano ka kala yimid 16 ka
Dagmo ee Gobolka Banadir iyo kuwo kale oo laga kenay Gobolada kale qaar ka dib
markii wax looga qaban waayey dhibaatada heysata, waana kuwa buux dhafiyey
qololkii loogu tala galay iyo sariiraha yaal oo ah 85 iyada oo qaarood ay
jiifaan teendhooyin looga dhex sameeyey Isbitaalka markii ay tirade bukaanadu ka
badatay halkii loo qoondeeyey markii hore .
Isbitaalka ayaa waxaa gacanta ku haaya dhaqaatiirta aan xuduuda laheyn ee MSF ee
French taasoo isbitaalka ka dhigtay mid looga yimaado meelo fogfog islamarkaana
laga helayo daawo .qaliin.jiif iyo cuno lacag la.aan ah waxaana jira mararka
qaar shqsiyad ama hay.addo geeya deeqo lagu kaalmeynayo dadka bukaanada ah ee
jiifa .
Hadaba mar aan tagnay isbitaalkaan ayaan kula kulanay Hooyo Sahro Macalin Cali
oo 3 caruur ah ku dhashay isbitaalku ka dib qaliin mudo soconayey oo sameeyey
laguna guuleystay in la badaadiyo hooyadii iyo ilmihiiba .
Abwaan Abshir Nuur Faarax Bacadle ayaa gaarsiiyey Kaalmo lacageed gaareysa $161
Sahro Macalin Cali oo sadax caruur ah ku umushay ispitalka Dayniile ee Magaalada
Muqdisho
abshir iyo Hooyo Sahro Macalin Cali
Abwaan Abshir Nuur Faarax ( Bacadle ) ayaan maanta gaarsiiyey deeq lacageed
garaysa $161 oo loo soo wakiishay in uu gaarsiiyo Sahro Macalin Cali oo ah
haweeney 3 caruur ah oo mataano ah ku umushay ispitaalka dayniile ee Magaalada
Muqdisho .
Lacagtaas oo mudo dheer taalay Shirkada Xawaalada ee Dahabshiil ka dibna Abshir
Bacadle uu haayey In mudo ah taas oo sababatay in maanta la gudoonsiiyo
kaalmadaa lacageed .
Haweeneydaan oo hada hayesata laba caruur ah halkii kii sadaxaad uu ka saqiiray
ayaa markiihore waxaa ku guuleystay dhaqatiir isbitaalka Dayniile in ay ku
sameeyaan qaliin waxaana dhaqaatiirtu ku guuleysteen in ay badbaadiyaan hoyadii
iyo caruurtii .
Hooyo Sahro Macalin Cali ayaa cafimadkeedu hada fiican yahay sidoo kale caruurta
ayaa u muqdo kuwo caafimaadkoodu uu ka soo reynayo .
Abwaan Abshir Nuur Faarax ( Bacadle ) ayaa sheegay in ay jiraan dad kale oo fara
badan una baahan in la kaalmeeyo isla markaana uu isagu haatan u istigaaya wax u
qabshada dadka liita ee somlaiyeed iyo dayactirka dhismooyinka burburay
Isbitaalka ayaa haatan lagu soo kordhiyey qeybta indhaha loogu fiiqo dadka qaba
cudurada indhaha waxaana loo soo dhamaystiray qalabkii iyo dhaqaatiirtii wax
looga qaban lahaa arintas
Ugu danbeyntii waxaa ka mahadcelisay hoyo Sahro Macalin Cali waxayna aad u
amaantay dhaqaatiirta .umulisooyinka .iyo shaqaalaha ispitaalkadayniile oo ay
sheegtay in ay u hagar baxeen intii ay jiiftayna si wanaagsan ay ula dhaqmeen
hooyadaan ayaa intaa ku dartay in ay heshay daryeel Caafimaad .Qaliin Dawo
JIIF.iyo Cunto dhamaan Lacag la.aan ah
Isbitaalka dayniile ayaa ah mid ay soo buuxdhafiyeen bukaanada qaba cudurada
kala duwan .dhawacyada iyo haweenka urka leh waana mid ay shaqadiisu hada ay
tahay tan loogu jecel yahay isbitaalada kale sida ay shegeen qaar ka mid ah
dadkii ku soo bogsoday
Muuse Maxamuud Jiisow
musejisow@hotmail.com
Muqdisho Bakaaro Somalia
00252-1-5576666
00252-50-907666
Faafin: SomaliTalk.com | Nov 18, 2008 | 
Daabaco
Boggan | Print
"Markabka sida
Taangiyada iyo hubka waxaan ka rabnaa Madax-furasho gaareysa $35 Milyan oo
Doolar" 
Puntland
oo Ganafka ku Dhufatay Heshiiska DFKMG La Gashay Shirkadaha Batroolka