Siminaar ay si wadajir ah qabteen ururka WOJA iyo ABLE
Sawirada Halkan ka daawo....
Siminaar hal maalin ah oo ay sooo wada qabanqaabiyeen dhaqaaqa gabdhaha
suxufiyeenta ee (WOJA) iyo hey’adda ABLE ayaa maantey (Nov 15, 2008) lagu qabtey
hoolka shirarka ee hayadda Kalsan . Siminaarkan oo ay ka soo qeyb galeen
20xubnood oo isugu jiray xubnaha ururka woja qeybaha kala saxaafadda iyo ardeyda
wax ka barata magaaladan Neyrobi ee dalka Kenya.
Siminaarkan waxaa uu ku salaysnaa Buuga caanka ah ee The way to happiness. Ayaa
waxaa lagu baranayey sidii qofku naftiisa iyo dadka la nool uga caawin lahaa in
ay farxad ku noolaadaan , Waxaana sharaxaad ka bixisay Michelle Kawoniski, oo ka
socotay Hay’adda ABBLE, waxaana ku dheeraatay faa’iidada ay u leedayah qof
walbaa in u ka shaqeeyo farxadda naftiisa iyo dadka ku xeeran ee iskugu jira
saaxiibada iyo qaraabadda.
Dhammaan ka soo qayb galayaashii waxa soo bandhigeen in ay aad ula dhaceen
qiyamka uu xambaarsanaa duruusta buugaas iyo sida wada shaqeynta leh ee
casharudu u socdeen. Waxayna uga mahad celiyeen in WOJA iyo ABBLE sida ay isugu
howleen hirgalinta Siminaarkaas.
Dhaqaaqa Gabdhaha suxufiiyiita (WOJA) waxa ay sheegeen in ay ka fikirayaan sidii
ay siminaaro kuwaan oo kale ah ugu qaban lahaayeen qaybaha bulshada siiba
dhalinyarada iyadoo ardeydii halkaas casharda ku qaatayna ay sheegeen in ay
duruustii ay halkaas ka faa’iideen ay la wadaagi doonaan bulshada kale eek u
xeeran.
Ugu dambeystii, Siminaarkaasi waxa uu ku soo gabagaboobay jawi wanaagasan.
W/D: Zahra Mohamud Koronto (Zahra keyf)
sahrakeef@hotmail.com
Faafin: SomaliTalk.com | Nov 16, 2008 | 
Daabaco
Boggan | Print
"Markabka sida
Taangiyada iyo hubka waxaan ka rabnaa Madax-furasho gaareysa $35 Milyan oo
Doolar" 
Puntland
oo Ganafka ku Dhufatay Heshiiska DFKMG La Gashay Shirkadaha Batroolka