Soomaaliya oo ay Dagaalada,Gaajada iyo Cuduradu ay ku sii fidayaan.
Shacabka Soomaaliyeed ayaa waxay la kulmeen nasiib darro aad u weyn kaddib
markii Madaxdii Sare ee DFKMG ahi uu khillaf weyni uu soo kala dhexgalay iyadoo
weliba uu Dalku ku sugay yahay Xaalad aad u murugsan ee Dagaal,Gaajo, iyo Cuduro
fara badan oo galaaftay Carruur Soomaaliyeed oo ay da'doodu u dhexayso Hal sano
ilaa Todoba (7)Sano oo lagu qiyaasay ugu yaraan inay u dhinteen Xaaladahani
aannu kor ku soo xusnay ugu yaraan 200 Carruur ah oo Soomaaliyeed ,Madaxda Sare
ee DFKMG ahi ay waxay isku afgaran la'yihiin waa wax aad u Sahlan hase ahaatee
Dhibaatada haysatada Ummadda Soomaaliyeed ayaa ka wayn in Wasiir ama W/ku
/Xigeen Qabiil lagu qanciyo iyadoo Dagaal,Gaajo iyo Cuduro loo dhamaaday.
Hay'adaha Samafalka iyo kuwa Deeqaha bixiya ayaa waxay aad iyo aad uga
dayrinayaan Xaaladda murugsan ee uu ku sugan yahay Dalka Soomaaliya oo ka sii
daraysa iyadoo weliba Dagaaladu ay ku sii fidayaan Dalka oo dhan Gaajada iyo
Cuduraduna ay ka sii darayaan , Hay'aduhu waxay kaloo aad uga walaacayaan in ay
sii kordhayaan Qaxootiyada u qaxaya Dalalka ay Soomaaliya ay deriska Wadaagaan
sida Kenya iyo Yeman oo sii kordhay seddexdii bilood ee la soo dhaafay ,
waxaanna la ogaaday inay arrimahani ay kalliftay Dagaalada iyo Gaajada u baahday
Dalka oo dhan , iyadoo weliba uu socday heshiiskii u dhexeeyey DFKMG iyo Ururka
Dib u xoraynta Dalka Soomaaliya oo ay kala Hoggaaminayeen R/Wasaare Nuur Cadde
iyo Sh.Shariif Sheekh
R/Wasaare Nuur Xasan Xuseen oo ah rug caddaa Siyaasi ah oo weli aan la arag tan
iyo intii Soomaaliya ay ku sugnayd Xaaladan murugsan sida uu ula Heshiis dhigay
Mucaaradkii ka soo horjeeday Dowladiisa isla markaana Xaqiijiyey inay Dowladiisu
u baahan tahay in Dib u habayn lagu sameeyo ayaa waxaa nasiib darro uu kala
kulmay Khilaaf qaar ka mid ah Madaxda DFKMG ah iyo Dowladda Itoobiya oo aan
jeclaysan sida uu R/Wasaare u soo dhisay Dowladiisu ,Sababtoo ah Itoobiya waxay
doonaysaa oo keliya in Wasiiradu ku dhisnaadaan qaab Qabiil ama 4.5 oo ah
Qaabkii markii horeba lagu soo dhisay DFKMG ah oo aad Xun.
Haddaba, xagee bay wax ka khaldan yihiin ?khilaafkani maxaa ka dhalan kara
?Wasiiradii uu soo magacaabay R/Wasaare Nuur Xasan Xuseen ayaa waxay ahaayeen
kuwa runtii Shacabka kalsooni ka haysta isla markaana Ummadda wax u qaban kara
hase ahaatee waxaa aad uga xumaaday Dowladda Itoobiya iyo kuwa raacsan Haddaba
waxaa caddaatay inay Itoobiya doonayso inay weli Saami ku lahaato Magacaabida
Goloha Wasiirada ee Dalka Soomaaliya si ay Mowqifkooda ugu fushato xitaa haddii
Dalka laga saaro Itoobiya.
Khilaafkan soo kala dhexgalay Madaxda sare ee DFKMG ahi wuxuu kaloo dhaawac u
geysan karaa Heshiiskii muddooyinkan ka socda Dalka Jabuuti oo ku dhammaaday
guul aad u weyn maadaama labada dhinac ee DFKMG iyo isbahaysiga Dib u Xorayntu
ay isku af garteen in Ciidamada Itoobiya Dalka laga saaro Soomaaliyana ay noqoto
mid aayaheeda ka tashata ,waxaa kaloo aad Xasaasi u ah Dagaalada ka socda
dhammaan Dalka Soomaaliya ee sababay inay ka barakacaan Dad aad u fara badan oo
buux dhaafshay Xeryaha Qaxootiyada ee Deriska la ah Dalka Soomaaliya taasina ay
noqotay mid Dunida Walaac gelisay.
Hay'adda Qaramada Midoobay ee Dunida ayaa horey waxay u mamnuucday in Dalka
Soomaaliya la gesho Hub ama Maaliyad Siyaasadeed oo lagu waxyeelaynayo Dadka
raydka ah kuwaas oo ay horseedku u tahay Dowladda Itoobiya oo dana gaar ah ka
leh Dalka Soomaaliya ,maadaama aysan haysan Deked ay uga soo degaan Hubka waxay
marin ka dhiganaysaa Dekedda Magaalada Muqdisho ,Siyaasadani ayaa waxay u arkaan
Dunida Caalamku mid wax u dhimaysa ama Caqabad ku ah Heshiiskii ay gaareen DFKMG
iyo Ururka isbahaysiga Dib u Xoraynta Dalka Soomaaliya Qaybtooda ku sugan Dalka
Jabuuti ee heshiiskana qaatay.
Sida ku cad wararka ka soo baxaya Hay'adaha Samafalka iyo kuwa Deeqaha bixiya
ayaa waxay sheegayaan in Xaaladda bani'aadaninimo ee Dalka Soomaaliya inay ku
sugan tahay Xaalad aad u murugsan ,Gaajada,Cudurada iyo Dagaaladu inay sii
kordhayaan rajada heshiiska iyo nabadduna ay sii Xumaanayso Khilaafkuna uu sii
badanayo Walaacani ayaa wuxuu abuuri karaa kala fogaasho iyo Siyaasad cusub oo
Caqabad ku noqota heshiiskii lagu gaaray Dalka Jabuuti ,waxaana haboon in
khilaafka lagu bedlo isu-taasul is af garad dhexmara Baarlammanka Dowladda, iyo
Isbahaysiga Dib u Xoraynta Dalka si loo badbaadiyo Shacabka Soomaaliyeed oo ku
sugan Xaalad aad u murugsan oo ah Dagaalo,Gaajo,iyo Cuduro.
Gabagabadii iyo Maqaalkani marka hore waan in la daba qabtaa Dadka iyo Duunyada
u la'anaaya Gaajada Dagaalada, iyo Cudurada kaddibna lagu heshiiyaa Siyaasadda
Dalka iyadoon wax Qabiil la Xiriira aan lagu qaybsanayn awoodda Siyaasadeed ee
Dalka mar walibana loo noqonayo Kitaabka Alle ee Munzalka ah Haddii intaa la
waayana waxaa sii badanaya khilaafka Cadawga Ummadda Soomaaliyeed ee Itoobiyana
waxay u tahay farxad iyo raynrayn ,Dhammaan Ummadda Soomaaliyeed waxaa inoo
haboon in qof waliba uu xil iska saaro sidii uu Shacabkiisa u badbaadin lahaa
una horseedi lahaa Nabadda ,Nabaddu waa Qaali.
Eng. Cabdulqaadir Cumar Yuusuf (Daandurey)
Somalihungerhivprojectus2004@yahoo.com
Faafin: SomaliTalk.com | Nov 16, 2008 |