Fatahada Webbiga Jubba Uu Ka Gaystay G/GEDO Oo Uu Ka Dhashay Barakac Xoog
leh
Tan iyo Markii Webiga Jubba uu billaabay in uu ku fataho deegaanno ka tirsan
degmooyinka iyo tuulooyin ku teedsan webbigasi ,kuwaasoo dhaca gobolkan Gedo
ayaa waxa uu sababay barakac aad u ballaaran.
Boqolaal qoys oo u badan haween iyo carruur ayaa billaabay inay isaga cararaan
guryahooda kagadaal markii ay fatahaada webbiga saamaysay dhulkii ay deganaayeen
waxaana kamid ah meelaha uu webbiga Jubba ku fatahay Degmooyinka Luuq,Dooloow
Iyo Buurdhuubo. 
Dadka Ka Barakacaya guryahooda ayaa markoodii hore ku tiirsanaa tabaca
beerahawaxaana ay iminka ay ku noolyihii goob taag ah oo ka baxsan
webbiga,halkaasoo aysan ku haysan waxyaabihii aas aaska u ahaa nolosha
bina’aadamka.
Xasan Gaaruun Diiriye oo mid ah Ururka Beeralayda Degmada Buurdhuubo ayaa walaac
ka muujiyay nolol xumo soo wajahday beeralayda degaanka Buurdhuubo.waxana uu ka
digay haddii aan kaalmo lala soo gaarin in ay dhici karto in xaalad halis ah ay
galaan.
Fatahaadaasi uu iminka gaystay webbiga Jubba ayaa la rumaysanyahay inay ka
dhalatay kagadaal roobab xoog leh oo ka da’ay dhulka ismaamulka soomaalida ee
waddanka Itoopiya oo uu webbiga jubba soo maro.arrintaasi ayaa waxaa sidoo kale
sare u sii qaaday kanaalo yar yar oow ebbiga ay beeralaydu ku waraabsan jireen.
Mamulka.Odayaasha Iyo waxgaradka Degaanada ay fatahaadaha ka dhaceen ayaa ka
codsaday in lala soo gaaro kaalmo deg deg ah si loo samata baxsho dadka
dhibaatada ay haysato maadaama aysan iminka jirin meel ay ku tiirsanyihiin.
Fatahaadan ayaa waxa ay ku soo beegmaysaa xili roobab xoog leh ay misana ka
da’aan Gobolkan Gedo,kuwaasoo sababay in daadad ay ku soo rogmadaan xaafado ku
yaallla degmadan baardheere.
Maxamed Gaarane Aadan
Somalitalk News Desk Gedo
Baardheere-Gedo
gaarane68@hotmail.com Faafin: SomaliTalk.com | Nov 15, 2008 | 
Daabaco
Boggan | Print
"Markabka sida
Taangiyada iyo hubka waxaan ka rabnaa Madax-furasho gaareysa $35 Milyan oo
Doolar" 
Puntland
oo Ganafka ku Dhufatay Heshiiska DFKMG La Gashay Shirkadaha Batroolka