{Jabuuti}= Shir Al-baabada u xiran oo ay yeesheen Golaha fulinta
Is-bahaysiga Dibu-xoreynta Soomaaliya
Shir Al-baabada u xiran oo ay isugu yimaadeen xubnaha Golaha fulintaa
Is-bahaysiga dibu-xoreynta Soomaaliya oo uu shir gudoominayo Gudoomiyaha
Is-bahaysiga Dibu-xoreynta Sheekh Shariif ayaa lagu qabtey Hoteel Imperial ee
caasimada dalka Jabuuti.
Shirkaan oo socdey in ka badan laba saacadood ayaa markii uu soo gabageboobey
Xog-hayaha warfaafinta Axmed Cabdullaahi, oo aan wax ka weydiiyey ujeedada
shirka iyo waxyaabiohii layskulaa soo qaadey ayaa waxaa uu yiri “ shirkaan wuxuu
ahaa mid aan caadi ahayn, waxaana looga hadlaayey, xaalada guud ee dalka uu ku
sugan yahay, is-bedelada siyaasadeed, tayeynta ciidan iyo dardar gelinta hawlaha
Is-bahaysiga u xilsaaran fulintooda”
Mar uu ka hadlaayey Axmed Cabdullaahi xubaha shirka ka soo qayb galey ayaa wuxuu
yiri “shirka waxaa uu ahaa mid ay isugu yimaadeen xubnaha Golaha fulinta
Is-bahaysiga, waxaana shir gudoominayey Godooomiyaha Is-bahaysiga Sheekh
Shariif, gunaaanadkiina shirka waxaa laysku af-gartey in gudiyo soo aruuriya
waxyaabihii looga doodey loo saaro, islamarkaana dib laysugu soo noqdo mar kale,
si go’aan looga gaaro talooyinka ay soo jeediyeen gudigan”.
Shirkan ayaa wuxuu qayb ka yahay kulamo is daba jooga ahaa oo uu kula yeelanayey
Sheekh Shariif xubnaha Golaha dhexe iyo Golaha fulinta Is-bahaysigiisa tan iyo
markii uu dib ugu soo noqdey safaro kala duwan oo uu ku soo kala bixiyey dalka
gudihiisa iyo dibadiisa, gudoomiyaha ayaa wuxuu ka codsadey Is-bahaysiga guud
ahaan sidii loo fulin lahaa qodobadii heshiiska, isalmarkaana loo qaadan lahaa
talooyin wax ku ool ah o ay soo jeediyeen, mas’uuliyiinta Is-bahaysiga eek u
sugan dalka gudihiisa.
Dhinaca kale waxaa 11/11/2008-da soo gaarey caasimada dalka Jabuuti xubno uu
hogaaminayo Axmed Walad Cabdallah, kaasoo ujeedadiisa safarkiisa aan la shaacin,
bale warar kala duwan oo aan helney waxay sheegayaan in shirkii ay isugu imaan
lahaayeen gudiyada labada dhinac ee ARS iyo TFG oo lagu wado inuu dhaco
17/11/2008-da, furitaankiisa in uu u yimid.
Maxamed Macallin Cismaan (All-man) Somalitalk Jabuuti
fatxumaalik@hotmail.com
Faafin: SomaliTalk.com | Nov 14, 2008
Daabaco
Boggan | Print
"Markabka sida
Taangiyada iyo hubka waxaan ka rabnaa Madax-furasho gaareysa $35 Milyan oo
Doolar" 
Puntland
oo Ganafka ku Dhufatay Heshiiska DFKMG La Gashay Shirkadaha Batroolka