Diyaaradaha Kenya oo Talaadadii Dulheehaabay hawada Deg.Ceelwaaq Ee G/Gedo
Wararka naga soo gaaraya qaybo ka mid ah deeganada xadka u dhaxeeya soomaaliya
iyo Kenya gaar ahaan deg.ceelwaaq ee gobolkan Gedo ayaa sheegaya in saacadihii
ugu dambeeyey ee Talaadadii hawada Degmadaasi lagu arkay diyaaradaha dagaalka oo
joog hoose ku socda kuwaasoo dul heehaabaya magaaladaasi.
Diyaaradahan oo la sheegay inay yihiin kuwa militariga Kenya ayaa waxa ay cabsi
ku abuureen dadka deegaanka iyadoo dadka degmada Ceelwaaq ay sheegeen inay
walwal xoogan ka qabaan dhaqdhaqaaqa dhanka hawada ee Diyaaradaha dagaalka dalka
Kenya oo maanta duhurnimadii kor wareegayay hawada.
Qof ku sugan degmada Deg.Ceelwaaq oo ka gaabsadey in magaciisa saxaafada laga
sheego ayaa xusey in saacadihii ugu dambeeyey guuxa diyaaradaha dagaalka Kenya
ay dadku si weyn u dhibsadeen.waxaa qoysas badan oo halkaasi ku dhaqan ay isaga
carareen guryahooda ku soo u baxay dhinaca dhulka miyiga ah.
Dadka deegaankaasi ayaa waxaa cabsi iyo wal wal ku keenay diyaaradaha oo dul
heehaabaya hawada degmada Ceelwaaq waxaana ay arrintan timid kaddib markii
habeenimadii isniin afduub loo gaystay labo dumar ah oo u dhashay wadanka
talyaaniga.kuwaasoo ay qafaasheen koox aad u hubeysan oo aan heybtooda la
aqoonsanin.
Wararka ayaa intaasi ku daraya in maanta ay magaalada ceelwaaq ka jirto xiisad
kacsan kagadaal markii ay dadku maqleen guuxa diyaradaha.waxaana xiran inta
badan goobaha ganacsiga sida ay ii sheegtay gabar diiday in magaceeda la
isticmaalo.
Maxamed Gaarane Aadan
Baardheere /GEDO
Faafin: SomaliTalk.com | Nov 12, 2008
Daabaco
Boggan | Print
"Markabka sida
Taangiyada iyo hubka waxaan ka rabnaa Madax-furasho gaareysa $35 Milyan oo
Doolar" 
Puntland
oo Ganafka ku Dhufatay Heshiiska DFKMG La Gashay Shirkadaha Batroolka