Xafiis Cusub ee Northland State of Somalia (Buuhoodle)
ka dib dood badan iyo falanqayn dheer ayaa waxa go’aan lagu gaaray in laga
furo xafiiskii ugu horeeyey ee ay yeelato Northland State of Somalia wadanka
gudihiisa. Xafiiskan ayaa waxa laga furayaa magaalada Buuhoodle, halkaas oo lagu
soo bandhigi doono hindisaha dowlada Northland iyo sidii ay uga taaba geli
lahayd dhamaan gobolada oo dhan.
Xafiiskaas oo noqon doona mid ku simo ah inta la xoreynayo caasimada gobolka oo
ah Magaalada laascaanood. Xafiiskan ayaa hada waxa lagu guda jiraa sidii loo
qalabayn lahaa iyo gudigii maamuli lahaa.
Waxa mahad balaadhan aanu u soo jeedineynaa: cuqaasha, isimada, culimada,
ardayda, abwaanada, ganacsatada iyo haweenka gobalka. Amaantaas oo aanu ugu
mahad celineyno sida diiran ee ay noogu soo dhaweeyeen, kuna dhiiradeen in
maanta laga furo xafiis xor ah oo ka madax banaan labadii maamul ee soo maray
goboladan. Anagana waxa aanu ka balan qaadaynaa in aanu ku soo dabaalno gobalkan
nabadgalyo, horumar, iyo in si dhaqso ah loogu xiro caalamka oo markii hore laga
indha saabay.
Warqad qiimo badan ayaanu u gudbinay caalimka in ay indho dheeraad ah ku eegaan
goboladan la xaqiray, lagu abuuray colaada, laga dhigay xuduud, dadkoodiina lagu
xidhxidhay jeelasha Somaliland iyo Puntland, markii la doonana lagu dhex gowraco
jeelasha.
Abdimalik Askar
aabdimalik@hotmail.com
Faafin: SomaliTalk.com | Nov 12, 2008
Daabaco
Boggan | Print
"Markabka sida
Taangiyada iyo hubka waxaan ka rabnaa Madax-furasho gaareysa $35 Milyan oo
Doolar" 
Puntland
oo Ganafka ku Dhufatay Heshiiska DFKMG La Gashay Shirkadaha Batroolka