Imisa shisheeye ah ayaa lagu haystaa gudaha Soomaaliya
Markii ay soo galeen Ciidamada Itoobiya gudaha dalka Soomaaaliya ayaa waxaa
kordhay tirade dadka shisheeyaha ah ee lagu afduubayo gudaha dalka Soomaaliya,
waxaana ilaa iyo haatan la xaqiijiyey in dad tiradoodu gaareyso dhowr iyo toban
qofood haatan lagu haysto gudaha dalka Soomaaliya , ilaa iyo hadana lama
garanayo sababah loo afduubtay dadkaasi oo u badan Dumar.
Lib bilood ka hor ayaa waxaa deegaanka Bu’aale lagu afduubtay labo nin oo ku
kala dhalatay wadamada Ingiriiska iyo Kenya, sidoo kale deegaanka Awdhiigle ayaa
lagu afduubtay labo nin oo iyana u dhashay wadanka Talyaaniga, waxaa ku xigay
shaqaale iyana u shaqaynayey Hay’adda WFL oo tiradoodu gaareysay shan ruux oo ka
hawlgalayey Magaalada Marka ee Gobolka Sh/hoose ayaa iyana la afduub ilaa iyo
haddana raq iyo ruux mid lagu hayo, sidoo kale nin u dhashay wadanka Kenya
macallina ka ahaa mid ah Jaamacadaha Muqdisho ayaa isna laga afduubtay agagaarka
ceelasha Biyaha ilaa iyo haddana lama garanayo goob lala aaday.
Gudaha Soomaalida Itoobiya ayaa iyana laga afduubtay hal qof oo u dhashay dalka
Holland kaas oo u shaqaynayey Hay’ada Samafalka oo ka hawlgashay ismaamulka
Soomaalida Itoolbiya, waxaana isna lala soo galay gudaha dalka Soomaaliya, sidoo
kale labo weriye oo u kala dhashay wadamada Australia iyo Canada ayaa iyana lagu
haystaa gudaha dalka Soomaaliya, waxayna ka tirsanaayeen Hay’ad warbaahineed,
waxaa kale oo lala afduubtay hal nin oo Soomaali ah oo Cameraman ah, waxaa iyana
gudaha dalka Kenya gaar ahaan Ceel-Waaq Kenya laga soo afduubtay labo haween ah
oo ka tirsanaa Kaniisadda Catholic-ga, kuwaas oo mudo 24 sano ah hawlo samafal
halkaasi ka waday, waxayna u dhasheen wadanka Talyaaniga.
Intaa markaan kaga gudubno afduubka lagula kacayo dadka, waxaa sidoo kale gudaha
dalka lagu dilay tiro dad ah oo dhor iyo toban qofood ah kuwaas oo u badnaa dad
Soomaali ah oo iyagu wakiilo ka ahaa hay’ado samafal, lamina oga sababaha keenay
in ay sii kordhaan dilalka iyo afduubyada loo gaysanayo shaqaalaha Hay’adaha
samafalka.
W/D A amiin yuusuf Khasaaro
E-Mail amiinkhasaaro@hotmail.com
Faafin: SomaliTalk.com | Nov 12, 2008
Daabaco
Boggan | Print
"Markabka sida
Taangiyada iyo hubka waxaan ka rabnaa Madax-furasho gaareysa $35 Milyan oo
Doolar" 
Puntland
oo Ganafka ku Dhufatay Heshiiska DFKMG La Gashay Shirkadaha Batroolka