Dowlada Talyaaniga Oo Xaqiijisay In Afduub Loo Gaystay Labo Sooro
Oo U Dhashay Wadankeeda Deg. Ceelwaaq Ee Waqooyiga Kenya
Warar dheeraad ah ayaa ka soo baxaya dabley hubaysan oo Soomaali ah oo
gudaha degmada Ceel Waaq Kenya ka soo qafaashay dad ajanabi ah iyo
gaadiidkii ay wateen. Iyaga oo maareeyay inay u soo tillaabaan xadka
dhinaca Soomaaliya.
Labadaasi ruux oo dumar ah ayaa loo aqoonsaday Caterina Giraudo oo 67
jir ah , iyo Maria Teresa Oliviero,oo61 jir ah.kuwaasoo ay dhalashoodu
tahay wadanka talyaaniga gaar ah gobolka waqooyiga dalkaasi.waxaana la
sheegay inay ragii ka xaystay ay ula baxsadeen dhinaca soomaaliya.
Warkaasi oo ay xaqiijisay wasaaradda arrimaha dibada waddanka Talyaaniga
ayaa intaasi ku daraya in dumarkaasi ay ahaayeen soorooyin kuwaasoo
sanadihii ugu dambeeyay ka howlgalayay goob lagu xanaanayo dadka
dhimirka wax ka qaba .xarunta ay ka tirsanyihiin labadaasi ayaa
wasaaradu ay sheegtay inay tahay Madhabta Roman Catholiga.
Dableyda hubaysan ayaa waxay dadkaasi la soo galeen Gobolka Gedo gaar
ahaan deegaanka degmada Ceel-Waaq, iyadoo aan la sheegin ilaa iyo iminka
ujeedada dadkan ajanabiga ah loo soo qafaashey iyo kooxda dableyda ee
soo qafaalatey.
Ma jiro wax war ah oo ka soo baxay maamulka Islaamiga ah ee ka dhisan
degmada Ceel-Waaq ee Gobolka Gedo, iyadoo afduubkan uu dhacay
habeenimaidi xaley saqdii dhexe.
Horey ayaa waxaa afduub loogu gaystay waddanka Soomaaliya Shaqaale aad u
farabadan oo kuwii ugu dambeeyay ay ahaayeen afar ruux oo u shaqaynayay
hayadda ICF oo ka howlgalayay gobolada dhexe ee Soomaaliya.taasina waxa
ay horseeday in dhaqdhaqaaqyadda hay’addaha samafalka ay gaabis noqday
kaddib cabsi iyo walwal la soo darsay shaqaalahooda.
Maxamed Gaarane Aadan
Baardheere/GEDO
Faafin: SomaliTalk.com | Nov 11, 2008
Daabaco
Boggan | Print
"Markabka sida
Taangiyada iyo hubka waxaan ka rabnaa Madax-furasho gaareysa $35 Milyan oo
Doolar" 
Puntland
oo Ganafka ku Dhufatay Heshiiska DFKMG La Gashay Shirkadaha Batroolka