Saddex Eedaysane oo lagu Qabtay Maandooriyayaal Oo Xukun lagu
Riday Deg.Baardheere
Maxkamadda shareecada Islaamka ee Degmada Baardheere ayaa fadhi ay maanta
yeelatay ku xukuntay saddex eedaysane xukun tacsiir ah oo dhan midkiiba 40
jeedal in lagu fuliyo goob fagaare ah.
Eedaysanayaashan ay Maxkamaddu xukuntay ayaa Todobaadyadii la soo dhaafay
Ciidanka maxkamadda Islaamka ay ku soo qabteen walxo maandooriyayaal ah oo ay
iibanayeen isla markaana la sheegay in ay sidoo kalena isticmaalayeen
Sida uu sheegay madaxa amniga ciidamada Maxkamadaha Mudane Bare Maxamed Faarax
oo ku tilmaamay xukunkaasi mid guul ah.waxaana uu Barre Maxamed Faarax xusay in
baaritaan xeel dheer kaddib ay heleen caddaymo rasmi ah.sidoo kale waxaa uu
carabka ku dhuftay in ay arrimahaasi ka waantoobi doonnaan dad farabadan oo ku
raadjoogay isticmaalka daroogada.
“Xukunkan waxa uu ahaa mid tacsiir ah waana marsiin doonaa sida ku xusan
sharciga Eebe”ayuu yiri Madaxa Amniga Maxkamadaha
Dad farabadan ayaa manta si weyn u hadal hayay xukunka lagu riday saddexdaasi
eedaysane oo dhawaantan la soo xirxiray iyaga oo faraha kula jira
maandooriyayaal.
Masuuliyiinta maxkmada Islaamiga ah ee Deg.Baardheere ayaa sidoo kale shaaciyay
in xukunkaasi lagu fulin doono goob fagaare ah maalinta bari ah,taasoo ka dhici
doonta halka loo yaqaano shiirkolaha oo ku taalla bartmaha magaalada.
Si kastaba ha ahaatee xukunka noocan ahi ayaa qeybka ah isku daydadaal la
doonayo in lagula dagaalamo maandooriyayaasha ,kuwaasoo ay qaadeen ciidamada
maxkamadaha.waxaa sidoo kale ay ciidamadaasi horay u hirgeliyeen in xiliyadda
salaadda dadku ay xiraan goobaha ganacsiga iyo in aan la qaadan Karin dharka
reer galbeedka ah siiba dharka jilicsan ee dumarka ay xirtaaan.
Maxamed Gaarane Aadan
Somalitalk-News
Baardheere,GEDO
gaarane68@hotmail.com
Faafin: SomaliTalk.com | Nov 10, 2008
Daabaco
Boggan | Print
"Markabka sida
Taangiyada iyo hubka waxaan ka rabnaa Madax-furasho gaareysa $35 Milyan oo
Doolar" 
Puntland
oo Ganafka ku Dhufatay Heshiiska DFKMG La Gashay Shirkadaha Batroolka