Sheekh Shariif iyo Shariif Xasan oo ku soo jeeda Muqdisho

Zakariye Xaaji” Waxay doonayaan in ay iska horkeenaan Muqaawamada

Iyadoo dhawaan Magaalada Jabuuti heshiis ku kala saxiixdeen Dowladda Federaalka iyo Isbahaysiga dib u xoreynta Soomaaliya ayaa si loo dhaqaajiyo heshiiskaasi waxaa shalay Magaalada Nairobi gaaray wafdi uu hogaaminayo Sheekh Shariif Sheekh Axmed oo ah guddoomiyaha Isbahaysiga dib u xoreynta Soomaaliya oo uu wehliyio Shariif Xasan Sheekh Aadan, waxaana la sheegay in ay halkaasi kulamo kula yeelan doonaan Madaxda Hay’adaha samafalka gaar ahaan kuwa Qaramada Midoobey oo iyagu sheegay in ay dhiiragelin Buuxa siin doonaan wixii ka soo baxay shirkii dib u heshiisiinta Soomaaliya.

Sheekh Shariif iyo wafdi uu hogaaminayo ayaa waxay kulamo la yeelan doonaan madax ka tirsan Dowladda Federaalka oo uu ku jiro Ra’isul Wasaare Nuur Xasan Xuseen (Nuur Cadde) iyo Guddoomiyaha Baarlamaanka Sheekh Aadan Max’ed Nuur (Madoobe), waxaana kulamadaasi lagu lafaguri doonaa sidii uu u dhaqan geli lahaa shirkii dib u heshiisiinta ee Jabuuti.

Sakeriye Xaaji Max’ed oo ah Guddoomiye ku xigeenka Isbahaysiga ayaa mar uu u waramayey saxaafadda waxa uu sheegay in Sheekh Shariif iyo Shariif Xasan Nairobi u tageen in ay halkaasi uga helaan xoogaa lacag ah oo uu sheegay in ay bixinayaan Qaramada Midoobey lacagtaas oo uu sheegay Sakeriye in la doonayo in lagu kala dilo kooxaha Muqaawamada ee dagaalka kula jira Ciidamada Itoobiya, waxa uun sheegay Sakeriye in Sheekh Shariif iyo Shariif Xasan ay tagi doonaan Magaalada Muqdisho, waxa uuna intaa ku daray in ammaankooda ay sugi doonaan ciidamada Uganda ee ku sugan gudaha dalka Soomaaliya, isagoo sheegay in sababaha ay halkaasi u tagayaan ku sheegay in ay kulamo la yeelan doonaan Madaxda Muqaawamada si ay uga dhaadhiciyaan wax uu ugu yeeray shirqoolkii Jabuuti.

Dhinaca kale Madaxweynaha Dowladda Federaalka C/llaahi Yuusuf Axmed oo haatan soo gaaray dalka Jabuuti ayaa waxa uu kulan la qaatay madaxweynaha Jabuuti Ismaaciil Cumar Geele waxayna isla soo qaadeen go’aanadii shirkii lagu kala saxiixday Magaalada Jabuuti ee Dowladda Federaalka iyo Mucaaradka, waxayna wararka qaar sheegayaan in C/llaahi Yuusuf gaari doono Magaalada Nairobi si uu ugu biro Mas’uuliyiinta kale ee iyana ku sugan Dalka Kenya.

W/D Amiinkhasaaro@hotmail.com
E-Mail amiinkhasaaro@hotmail.com

Golaha Guurtida Ku Dhaqanka Shareecada Islaamka ee Beelaha Darood oo looga dhawaaqay Muqdisho.. Akhri/sawiro

Xildhibaan ka mid ah Barlamaanka Kenya oo Dowlada Kenya ka Codsaday in la soo Celiyo Muslimiintii loo Gudbiyay Dalka Itoobiya... Akhri.. Jun 17

Maalinta iskaashiga & Midnimadda Soomaalida Leicester