Warbixin: Xildhibaano ka dhoofey Garoonka Baydhabo, xubno ka
socda Midowga Yurub oo soo gaarey Baydhabo iyo Wasiiro lagu
dhaariyey Xarunta Madaxtooyada DFKMG ee Baydhabo.
Kulan lagu dhaarinaayo Wasiirada Maaliyada iyo Qorsheynta,
Wasiirka Warfaafinta, Arimaha Dhalinyrada iyo Isboortiga ahna
Ra’iisul Wasaare ku xigeen, Wasiirka Hawlaha guud, Guriyeynta
iyo Dibu-dhiska oo ay ka soo qaybgaleen Gudoomiyaha Baarlamaanka
ahna ku simaha Madaxweynaha DFKMG Sh, Aadan Madoobe, Ra’iisul
Wasaare Col. Nuur Cade, Gudoomiye ku xigeenka Baarlamaanka Prof.
Dhalxa, ku xigeenada Ra’iisul Wasaaraha, inta badan Golaha
Wasiiradda iyo Wasiir ku xigeenada ayaa lagu qabtey Xarunta
Madaxtooyada ee Magaalada Baydhabo, iyadoo maalmahaan
Baarlamaanku wax kulan ah yeelan.
Gudoomiyaha Baarlamaanka Sh. Aadan Madoobe oo gunaanadkii
halkaasi khudbad gaaban ka jeediyey ayaa wuxuu yir "Waad
ogtihiin shaqada inoo taal in aad iyo aad u balaaran tahay,
dhismaha Xukuumadaan cusub Ummada waxay gelisay rajo aad u
balaaran, kadib markii in badan lagy celceliyey in Baarlamaanku
uusan ogoleyn, in Xukuumada laga qaato banaanka, Caalamka iyo
Ummada Soomaaliyeed waxaa loo sheegey in Xukuumada la soo koobey
tayadeeduna la kordhiyey, balse ma ahan in Afka oo keli ah laga
sheego, waxaana loo baahan yahay in ficil loo gudbo ayuu ku
sheegey Sh. Aadan Madoobe khudbadiisa.
Sh.Aadan Madoobe waxaa keloo khudbadiisa uu ku sheegey "Shantii
sano khilaafyadii hore ee Soomaaliya u aafeeyey Dowlada aafeyey
waqti badana waa naga lumey, inkastoo wax badan lagu guuleystey,
waayo dibu-heshiisiinta Soomaaliya guulo waaweyn baa laga
gaarey, waxaana daliil u ah in Golaha Wasiirada iyo ku
xigeenadooda ay noqdaan 23, maanta Ummada Soomaaliyeed taasi wey
ku faraxsan tahay, Baarlamaanka iyo Beesha caalamkuna wey ku
faraxsan yihiin, hadii Nayroobi iyadoo la joogo sidaan lagu
dhisi lahaa Xukuumada waa lagu kala dareri lahaa, intaan ayaa
guul weyn ah" ayuu yiri Sh. Aadan Madoobe.
Gudoomiyaha Baarlamaanka waxaa uu ka codsadey Ra'iisul Wasaare
Nuur Cade in Golaha Wasiirada inta dhiman sida ugu dhaqsiyaha
badan uu u soo dhiso, "mudane Ra'iisul Wasaare dadku waxay na
leeyihiin, qaybtii Xildhibaanda waa la magacaabey ee qaybtii
dadweynaha maxaa hakad geliyey" ayuu hadalkiisa ku soo
gebagebeeyey Sh. Aadan Madoobe.
Dhaartii saddex wasiir iyo kitaabkii lagu dhaariyey
Laakiin inta Xukuumada ka soo horjeeda hadalka Gudoomiyaha
Baarlamaanka uu ku sheegey in guul laga gaarey dibu-heshiisiinta
Soomaaliya lama oga in ay la qabaan iyo in kale arinkaan, balse
waxaa jirta su'aal taagan Xildhibaan Wasiir ku xigeen ah oo
Wasiirkiisa yahay Shekhi ku eg xilka Wasiirnimadiisa sida ay
isula shaqeyndoonaan mustaqbalka, iyadoo waqtiga hareyna uu
yahay wax u muuqda mid ciriiri ku ah qaab dhismeedka Xukuumada,
waajibaadka horyaala iyo isbedelada faraha badan ee isasoo
taraaya guud ahaan dalka Soomaaliya iyo tan caalamkaba.
Dhinaca kale Ra’iisul Wasaaraha Soomaaliya Col. Nuur Xasan
Xuseen (Nuur Cade) iyo qaar ka mid ah Golihiisa Wasiirada ayaa
la kulmey Wafdi ka kooban shan xubnood oo ka kala socda
Safiirada Ingiiriiska, Faransiiska, Talyaaniga iyo Check
Republic oo uu hogaaminaayo ku xigeenka Gudoomiyaha midowga
Yurub ee Wadanka Slovenia oo xarun ku meel gaar ku leh Safaarada
Faransiiska ee Magaalada Nayrobi ayaa soo gaarey Magaalada
Baydhabo 17/1/2008.
[Sawirka bidix] Ra'iisul Wasaaraha iyo xubinihii Midowga Yurub
mid ka mid ah oo wada taagan
[Sawirka midig] Wasiirada shirada la kulmey Midowga Yurug iyo
Xubin midowga Yurub oo wada taagan
Wafdigaan soo gaarey Magaalada Baydhabo ayaa wuxuu kulan
Al-baabada u xiran yihiin oo saacado badan qaatey Ra’iisul
Wasaaraha Soomaaliya Nuur Cade, Gudoomiye ku xigeenka 1-aad ee
Baarlamaanka Prof. Dhalxa, ku xigeenka labaad ee Baarlamaanka
Boqore, Seddaxda Ra’iisul Wasaare ku xigeen, Wasiirka Arimaha
Gudaha, Wasiirka Arimaha Dibadda, Wasiirka Beeraha, gunaanadkii
kulanka ayaa waxaa saxaafada la Hadley Wasiirka Warfaafinta
Axmed Cabdisalaan.
Wasiirka Warfaafinta waxaa uu u sheegey Saxaafada “wafdigaan
waxaa hogaaminaayo madaxa midowga Yurub Mr. Jooj, intii aysan
imaan Baydhabo waxay soo mareen dadkii ka soo qaxay Magaalada
Muqdisho ee hada ku sugan inta u dhexeysa Muqdisho iyo Af-gooye
oo 12 maalmood kadib ayaan mar labaad ku soo noqoney dalka
gudihiisa, waxayna inoogu yimaadeen inay inoo muujiyaan
taageerada ay u hayaan dowlada, waxayna balan qaadeen in dowlada
ay kala shaqeynayaan sidii wax looga qaban lahaa xaalada
Bani’aadaninimo iyo arimaha kale ee horyaala dowlada mudada
gaaban u harey sida siyaasada iyo dhinaca amaanka”.
[Sawirka bidix] Axmed, wasiirka warfaafinta, oo Saxaafada la
hadlaya
[Sawirka midig] Wasiirada Warfaafinta iyo Maaliyada oo wada
fadhiya
Mar uu ka hadlaayey dhibaatooyinka saxaafada haysta oo qaarkood
xabsiga ku jira ayaa wuxuu yiri “dhismaha Xukuumada waxay ku soo
begantey, iyadoo dhibaatooyin badan ay jiraan, Xukuumadu ogaal
la’aan ma hayso waxaa loo dhisay waa dhibka jira in wax laga
qabto, wax qabadna ma gaareen, laakiin qorshihii ku talo galka
ayaan ku dhex jiraa, inkastoo ay jirto dhibaato, waxaan ka
xumahay in qof Soomaali ah la xiro, isagoo aan wax dembi gelin,
waxaana muhiim shaqadeena wixii muhiim ah inaan qabano” ayaa
hadalkiisa ku soo gebagebeeyey Axmed C/salaam oo u muuqdey mid
ka meermeerey jawaabta su’aasha, islamarkaana hadana si sarbeeb
ah uga jawaabey.
[Sawirka bidix] Xildhibaanada bidix Kulan, Ibraahim Max'ed Deeq
oo ku xiga, Cabdullaahi Bile, Midig Cali Baashe
[Sawirka midig] bidix Xaamud, Dhexda Nuur Iidow iyo Avv. Cali
Muumin oo ku soo dhaweynaya Garoonka Baydhabo 18.1.2008
Sidoo kale Xildhibaano ka soo jeeda Gobolada Woqooyi Barri oo
tiradoodu gaareyso ilaa iyo 8 xubnood ayaa ka dhoofey garoonka
diyaaradaha Magaalada Baydhabo 18/1/2008, iyagoo ku sii jeeda
Garoowe, Boosaaso, Laas caano iyo Buuhoodle.
Xildhibaan Cali Baashi Xaaji Max’uud oo ka mid ah xubnahaan,
islamarkaana aan wax ka weydiiney ujeedada safarkooda ayaa wuxuu
yiri “marka hore Xildhibaanada dhamaantood waxay u socdaan
Gobolada Puntland laysku yiraahdo, qayb waxay u socotaa Garoowe,
qaarkeen waxay u gudbidoonaan Boosaaso, Laascaano iyo Buuhoodle
ayaan isu qaybindoonaa”., balse aniga iyo laba Xildhibaan ayaa
ku socona inaan u kuurgelida xaalada nabadgelyo ee Gobolada
Puntland Inaan uga warano siyaasada iyo ahdaafta DFKMG ee aan
wakiilka uga nahay, wixii dhib ah ee jira inaan la qaybsano,
wixii guul ah oo ay gaareena inaan la qaybsano, tirada
Xildhibaanaduna waa 8-10.
Mar uu ka hadlaayey ujeedada sacodaalkooda waxa xiligaan ku soo
beegey ayaa wuxuu yiri “Ujeedada socdaalkeenu waa xaalada ugub
ah oo aan la garaneyn waxay tahay ayaa ku soo biirtey Gobolada
Waqooyi galbeed ee ay degan yihiin Beelaha Dirta Woqooyi ayaa ku
soo duuley oo qabsadey Xarunta Gobolka Sool waana Taariikh
cusub, Laascaanood Ingiriiskii baanu qabsan, Soomaalida kale
ayaan qabsan intii lays leynayey, marka Taariikhdaa cusub oo ah
wax lala yaabo ayaanudooneynaa inaan ka wardoono waxa keenay iyo
sidii looga saari lahaa nimankaa ku soo duuley meesha, anaguna
waxaanu nahay odayaal Xildhibaano ah, waxaanu dooneynaa inaan
demino colaada jirta, colaaduna waa wax iska taagan sheleybaa
ugu dambeysay dad baa lagu laayey oo lagu amar ku taagleynayaa,
mana jiro wax dhaqaalo ah oo dowladu nagyu taageertey, waayo
dadka kale waa dhaanaa waa meel ay dowlad Goboleed ka jirto
weeyey o inagaa iswadna".
Mar aan weydiiyey maxaa ka jira in lacag dhan $2,000,000 oo
dowlada idiin siiyey si aad ugu furdaamisaan arimahaas jira ayaa
wuxuu ku jawaabey wax allaale wax ka jira ma laha, inagaa is
wadna shilin DFKMG naga soo gaareyna ma jiraan.
[Sawirka bidix] Nuur Iidow
[Sawirka midig] qayb ka mid ah Wasiiradii kale ee la kulmey
midowga Yurub
[Sawirka bixid] bidix Axmed Cabdisalaan, Xaamud oo ku xiga,
Tarax iyo Khadiijo Max'ed oo kulankii dhaarta wada fadhiya
{Sawirka midig] ka bilow bidix Jengeli dhexda Nuur Iidow, Midig
Saalim
[Sawirka bidix] Dhalxa, Bidix Sh. Aadan madoobe dhexda iyo Nuur
Cade oo Axmed Cabdisalaan qoraal wada eegaya
[Sawirka midig] fadhiga guud ee Kulankii dhaarta
Maxamed Macallin Cismaan(All-man) Somalitalk Baydhabo.
fatxumaalik@hotmail.com
War
Saxaafadeed ka soo baxay Isbaheysiga Dib u Xoreynta Soomaaliyeed
- Asmara.
Dadka
barrakacay ee galgalato iyo gubadley oo banaanbax cabasho ka
dhigay. Gaari Cabdi Bile ah Oo Ay Sarnaayeen Askar Ciidamada
Dowlada KMG ah Oo La Qarxiyey. Gumaysiga oo kordhiyay
cadaadiskii dadwaynaha. Dr Mahdi iyo Maxamed Cabdi Yuusuf oo
Kulan ku dhex maray London... Warar
GoosGoos ah akhri
Daabaco
Boggan | Print
