MADAXWEYNAHA INTERPOL, AHNA TALIYAHA POLICEKA
K/AFRIKA OO SHAQADA LAGA FARIISIIYEY SI KMG AH , DACWADNA LAGU SOO
OOGEY.
JACKIE SELEBI, WAA TALIYAHA POLICEKA K/AFRIKA,
IYO MADAXWEYNAHA POLICE-KA ADUUNKA INTERPOL, MAANTA AYAA SI KUMEELGAAR
AH SHAQADII K/AFRIKA LOOGA FARIISIIYEY, IYADOO MAALMO GUDAHOOD EEY
MAXKAMADI KU BILAABANAYSO. __KIISKA Selebi WAA MID LEH XASAASIYAD
SIYAASADEED.
1—Mbeki kabob kooyo ah kumaa u iibshay??
2--- Selebi saaxiibkiis waa kuma, maxana lagu heystaa???
3--- Kiiska Selebi iyo siyaasada maxaa kala quseeya???
Sida uu maanta (Jan 12, 2008) ka sheegey shir jaraa’id oo lagu qabtey
madaxtooyada K/Afrika, madaxweynaha dalkaasi Thabo Mbeki, taliyaha
police-ka Jackie Selebi ayaa si kumeel gaar ah xilkii looga qaadey
(fasax dheer=extended leave), isla markaasna booskiisa la geeyey nin si
kumeel gaar ah u haaya jagadaasi (,Timothy Charles Williams).
Mbeki oo daqiiqado kooban la hadlayay darsino saxafiyiin
ah oo si hantaag ah iyo halhaleel ah afkiisa warka oga koobinayay, ayaa
sheegey in Selebi uu isagu qudhiisa sidaasi ka codsaday in fasax la
siiyo, si buu yiri dacwadeyntiisa eeysan hagardaamo ugu noqon shaqada
ciidamada amaanka dalka, islamarkaasna eeysan magac xumo ugu soo jiidin
xoogaga police-ka. Mbeki oo aad afkiisa oga dhowrayay hadal qadaf ah oo
si kale eey saxaafadu u fasirato, ayaa 4 su’aal oo kaliya ogolaadey in
uu ka jawaabo, 4tii wariye ee fursada u heshay in eey su’aalaha
weydiiyaan ayaanan waqti badan kaga lumin in eey afka ku balbalaariyaan
weydiimaha baddaha harqinaya (tiradooda kaliya). kuwooda ugu xasaasi-san
ee sanooyinkanba saxaafada dalkani bogaga hore eey kusoo daabacaysay,
su’aalaha la weeydiiyey ayaa waxaa ugu xiiso badnaa mid quseysay isla
Mbeki, oo aheyd “MUDANE WAXAA LA SHEEGEY IN NINKA MAFIYADA AH EE XUKUMAN
EE Selebi LAGU HEYSTO IN UU XARIIR LA LEEYAHAY UU ADIGA KUU GADAY KABBO
KOOYO AH, MA JIRTAA ARRINTAASI???”. Markii su’aasha eey wariyaha afkiisa
kasii dhamaanaysay ayaa hoolkii oo dhan qosol jaanta la rogey, oo xittaa
Mbeki aya qosley, wuxuuna ku jawaabay “ANIGA MA GARANAYO HALKA AGLIOTI
UU KABO IIGI GADAY, IYO HALKA AN KU KULANAY, MALAHA ADIGAA XOG KA HAAYA”
,
Arrintani kabaha kooyada ku saabsan ayaa waxay ku jirtey qoraalo uu
maxkamad usoo gudbiyey ninka cadaanka ah, ee lagu heley dambiga ah in uu
daroogada (maandooriyaha) ka ganacsado, ee lagu magacaabo Glen Aglioti
ee iminka Selebi lagu heysto in eey saaxiibo ahaayeen, TV-ga E_TV ayaa
baahiyey muuqaalo muujinaya Mbeki oo soo dhaweynaya madaxweynaha dalka
Congo Kabila oo xirran kabob aad ugu eg, nooca kabbaha uu Aglioti
sheegey in saaxiibkiis Selebi uu isaga ugu iibiyey saaxiibkiisa kale ee
Mbeki.
Selebi ayaa wajaha maxkamadayn, balse isaga oo jeebeysan ma imanayo
maxkamada, ee waa la war galinayaa oo kaliya, waa mushaari oo waa nin
shaqo fasax ciidan ku jirra illaa maxkamadu eey dambi ku heleyso.
Dacwada lagu heysto ayaa ah in uu ku lug leeyahay kooxo burcad ah oo
abaabulan oo mafia aduunka oo dhan ka shaqaysa, musuq wax is daba marin
iyo difaaca dhamaadka ama gunaanadka sharciga oo la fulinaya. Arrinta
ugu weyn ee cadayta la oran karo ee Selebi lagu haayo ayaa waxaa ka mid
ah in uu si cad saxaafada oga qirtey in uu saaxiib la yahay ninka
cadanka ah eek u xukuman maandooriye ka ganacsiga Glen Aglioti, eeyna ku
socoto dacwad ku saabsan dilka nin bilyan dheer ahaa oo la oran jirey
Brett Cabble oo la qaarijiyey sanado ka hor.
SELEBI IYO XASAASIYADA SIYAASADEED.
Dhowr jer ooh ore ayaa la’siku dayay in Selebi la maxkamadeeyo oo loo
jaray waaran xarig, hase yeeshee markasta Mbeki ayaa eryayay
xeer-illaaliyaha guud ee markaasi waaranka jara, midi ugu dambeysay
Selebi ayaa waxaa waaran xarig u jaray bishii 9aad ee 2007 Vusi Pikoli
oo ahaa Xeer-illaaliyaha guud, (Mbeki oo aan ka warqabin), isla markii
laga war heley Mbeki ayaa xilkii ka eryey, waana goortaasi marka eey
arrinta Selebi eey circa isku shareerytay oo noqotey arrin xasasoyad
siyaasadeed leh eey noqotey, waayo hey’ada xeer –illaalinta ee NPA
(national prosecuting authority), waa hey’ad uu Mbeki sameeyey, waxaa ka
hoos shaqaysa NPA hey’ad kale oo sida FBI_da u shaqaysa oo la yiraahdo
SCOPION (dib qalooc), labbadani hey’adoodna waa kuwa hogaanka u hayay
kiiska (dacwad), Zuma .
Sidaasi darteedna waxaa Mbeki lagu eedeyey in uu
hey’adaihii garsoorka qaranka u adeegsanayo dadka eey siyaasad isku
hayaan, kuna difaacayo kuwa eey xulufada yihiin sida Selebi oo kale..
malaha arrinta kasii muhiimsaneyd ayaa ah markii isla hey’adahaasi eey
dacwad musuq kusoo oogeen Zuma oo hadda ah madaxweynaha xisbiga talada
haya ee ANC 7 maalmood uun kadib markii uu Mbeki xilkaasi doorasho kaga
guuleystay, iminka oo xiligaasi laga joogo 10 bari umbaa eey NPA
sheegtay in Selebi uu maxkamad korayo (wallow aan waqti wali loo qaban),
mar kale malaha arrinta taasi kasii xiiso badan ayaa ah in sargaalkii
ugu sareeyey ee gacanta ku haayey baaritaanka dambiyada Selebi lagu
heysto xabsiga lasoo dhigey oo 20 ciidanka police-ka oo aad u hubeysan
eey ka kaxeeysteen gurigiisa hortiisa (ciyaalkiisa iyo xaaskiisa oo
daawabnaya), sargaalkani ayaa ka mid ahaa hey’ada Scopion oo madax oga
ahaa gobolka Guateng, waxaana ku socota hadda maxkamada dacwad la
xariirta in uu shirqiik u maleegayay rag asxaabtiisa ah oo uu sharciga
isagooo ku gabanaya baaritaano ku waday.
Dhanka aduunka, ninkani waa madaxweynaha police-ka aduunka INTERPOL ,
mar Mbeki la weeydiiyey sida eey arrintaasi u saameynayso shaqo ka
fariisiga Selebi ayuu sheegey in taasi uusan isagu shaqo ku lahayn oo
INTERPOL eey u taalo, oo iaydu eey xilkaasi u dooratay, iyada eey tahay
in talaabo eey ka qaadato, Interpol ayaa iyada lafteeda laga soo xigtey
in ey tiri ku dagdagi meeyno wax hadal ah, markii eey wax kala cadaadaan
ayaan go’aan ka gaari doonaa.
C/NASIR AXMED. SAXANSOXO Email: saxansoxo1@hotmail.com, Johansburg,
South Africa.
Faafin: SomaliTalk.com | Jan 13, 2008