Golaha Samafalka Iyo Horumarinta Bulshada oo Deeqo ay bixiyeen Shirkadda
Dahabshiil iyo kuwa kale u qeybiyey dadka u barakacay duleedka Muqdisho
Golaha Samafalka & Horumarinta Soomaaliyeed ka dib markii ay soo gaareen deeqo
kala duwan oo loogu talagalay dadka ku barakacay dagaallada Muqdisho ayaa wuxuu
qorsheeyey sidii uu kaalmooyinkaas u gaarsiin lahaa dadka ku dhibaataysan
duleedka magaalada Muqdsiho, Ilaahay mahaddiisa waxaa Golaha u suurto gashay
inuu deeq ka kooban 667 loor bariis ah iyo 334 kartoon saliid ah uu gaarsiiyo
qaar ka mid ah dadkii ku barakacay dagaallada Muqdisho oo ku nool deegaannada
kala ah: Ceelasha Biyaha , Kax Shiiqaal & Dayniile , howsha qeybinta deeqdan
raashinka ah ayaa u fushay si nabad ah
Dadka ka faa'ideystay deeqdan ayaa kala ah :-
1) Kaxshiiqaal 500 qoys
2) Xerooyinka Ceelasha biyaha 1000 qoys
3) Dayniile 835 qoys
Total 2335 qoys
Lacagaha lagu iibiyay deeqdan raashinka ah waxaa ku tabarucay :-
Shirkadda Xawaaladda Dahabshiil : $ 15,000
Jaaliyadda Soomaaliyeed Aarhus -Denmark $ 5,000
Shirakadda Diyaaradaha Jubba Airways $ 3,500
Sirkadda Xawaaladda Qaran Express $ 3,000
Jaaliyadda Soomaaliyeed Begen -Norway $ 1,000
Sirkadda Xawaaladda Amal Bank $ 1,000
Isku dar - Total : $28,500
Mahad celin
Golaha Samafalka & Horumarinta Soomaaliyeed wuxuu u mahad celinayaa dhammaan
dadkii ku tabarucay deeqdan lacagta ah, wuxuuna Ilaahay uga baryayayaa in uu ugu
bedelo wax ka kheyr badan.
Sidoo kale Goluhu wuxuu ugu baaqayaa dhammaan jaaliyadaha & ganacsatada
Soomaaliyeed in ay u istaagaan taakuleynta walaalahooda dhibaataysan.
Deeqahan ka sokow golaha samafalka bulshada waxay ka wadaan labo xero oo ku
yaala deegaano u dhexeeya Xaawo Cabdi iyo Ceelasha biyaha ee duleedka koonfureed
ee magaalada Muqdisho mashruuc biyo dhaamin joogto ah, iyagoo halkaasina ka
dhisay barkado biyo loogu shubo dadka soo barakacy ee xeryahaasi ku jira,
waxaana labadaasi xero ay kala yihiin Saddex buurood iyo Towfiiq (2) oo ay ku
nool yihiin qoysas tiradoodu ay gaareyso illaa 1100 qoys oo ka mid ah kuwo ka
barakacay dagaalada ka socda magaalada Muqdisho.
F.G: Warbixinta ku saabsan qaabka loo gaarsiiyo lacagahan dadka dhibaataysan
waxaad kala socon kartaan bogga Golaha Samafalka : www.samafale.com
Faafin: SomaliTalk.com | Jan 7, 2008
 Madax ka Tirsan Isbaheysiga Dib u Xoreynta
Soomaaliya oo si Diirran Loogu soo Dhaweeyey Magaalada Bermingham ee dalka
UK... Akhri....
| 
Daabaco
Boggan | Print
