Bisado u Baahan in la Taakuleeyo
Shiikh Cabdirisaaq “ Dadka Xaafadda Taleex ma sii wadi karaan quudinta Bisahada ee garab ha
nala siiyo”
Marka ay Dagaalo dhacaan Dagaaladaas Dadka kaliya ma saameeyaan xitaa waxay
saameyntaas gaartaa Xayawaanka markaas la nool Aadanaha kuwaas oo ay soo wajahdo
Gaajo Daran iyo Daruufo kala duwan hadaba aniga oo arintaas ka duulaya ayaa
waxaan u kuur galey dhibaatada ku dhacdey Bisadihii ama Mukulaalihii dad la
dhaqmi jirey ka dib markii ay ka carareen dadkii ay la noolaayeen waayo bisad
kasta cid bay ku tiirsaneyd si toos ah iyo si aan toos ahaynba
Dadka deegaanka Taleex oo ahaa dadkii ugu dambeeyey ee ka qaxa Xaafadaas gaar
ahaan dagaaladii dhacay bishii Ramadaan ayaa meel ku dhow Masjidka Ramadaan oo
ay isugu soo urureen dadka ka soo qaxay isla deegaankaas ayaa bilaabey in ay
taakuleyn balaaran u fidiyaan Bisadahaas ka dib markii ay arkeen in ay gaajo u
dhiman rabaan waxaan la saarey Gudi uu madax u yahay Shiikh Cabdirisaaq Cabdi
Xuseen oo loo yaqaan Usaama khaadumna ka ah Masjidka Ramadaan ee xaafadda Taleex
waxaana la qorsheeyey in lacago loo aruuriyo Bisadahaas si subax weliba Hilib
loogu soo gado waxaana subax weliba ku baxa lacag gaareysa 135 kun oo u dhigan 4
doolar waxay taakuleyntaas socotey Ilaa sadexdii bilood ee ugu dambeeyey.
Mukulaalaha la quudiyo waxay gaarayaan 100 bisadood iyo in ka badan oo dhowr
goobood wax lagu siiyo.
Shiikh Usaama oo oo subax weliba u doono hilibka Bisahaas ayaa inta uusan imaan
bisaha waxay ku soo ururaan waddo laami ah oo dhex gasha xaafadda Taleex , marka
ay arkaan Bidhaantiisa iyo Bacda Madow ayey orad istaabtaan qaarkood dusha ayey
ka fuulaan qaarkood wayba la soo lugeeyaan inta uu ka imaanayo goobta quudinta
waxaase layaab leh in dhowr dhalinyaro ah loo dhiibo Ulo si ay uga ilaaliyaa
Bahsha Dafada ama Haada la yiraado oo iyadu dooneysa in ay xoog bisadaha wax uga
qaadato inkastoo mararka qaar loo tuuro hadda dadka ayaa waxay yiraahdaan waa ka
qaraab badan tahay Bisadaha
Dadka degen Xaafadda Taleex oo u badan dad ka soo barakay guryahoodii ayey waxay
isugu jiraan dad Ilaalia Guryaha iyo kuwo la soo dul degay gaar ahaan agagaarka
Masjidka Ramadasan ayaa waxay ku cuslaatey in ay sii wadaan Taakuleyntaa waxay
ka codsanayaan ummadda soomaalieed ee ku dhaqan dibadah iyo cid kastaa in kala
qaybqaataan samatabixinta iyo quudinta Bisadaahaas inta dadka ku soo noqonayaan
Guryahooda
Wixii Taakuleyn ah waxaa u soo hagaajinayaa
Shiikh Cabdirisaaq Cabdi Xuseen (Usaama )
Amiin Yuusuf Khasaaro
E-Mail amiinkhasaaro@hotmail.com
Tel 0025215532494
0025215910882
Faafin: Somalitalk.com | Dec 10, 2008
| 
Daabaco
Boggan | Print
"Markabka sida
Taangiyada iyo hubka waxaan ka rabnaa Madax-furasho gaareysa $35 Milyan oo
Doolar" 