ETHIOPIAN WAA KAREEN !!!
Abdulghaffar Wardhere
Nairobi – Kenya
Email:
abdi.wardhere@gmail.com
Soomaali oo idil “Asalaamu Calaykum Waraxmatullahi
Wabarakaatuhu”. Meel alle iyo meeshii ay ka joogaan dunida dacaladeeda,
waxa uu maqaalkayga ku socdaa:- Soomaalida wadaniyiinta dhabta ah, jecel
wadankooda, jecel nabada, ka fakara mustaqbalka Soomaaliyeed in uu
hagaago, ku duceysta in wadankooda uu eebe ugu soo diro kuwa cadaalad u
shqaysta.
Kadib salaam, waxaan manta u fakaray aniga oo waliba
aad u faraxsan in aan ka hadlo maqaalkaygaan ka hadli doona ama ku
saabsanaan doona joogitaanka cadawga shisheeye”Ethiopia” ee sida xaq
darrada ah ugu soo duulay wadankeena Soomaaliyeed iyo sababta ku
kalliftay in ay kasoo yeerto in ay isaga bixi doonaan meelaha, goobah,
saldhigyada iyo waliba fariisimooyinka ay ku leeyihiin dhulka
Soomaaliyeed oo idil, waxaanse waa horey u maqli jiraay oraah dhahaysa
“DHARIGA MAXAA KARKA KA KEENA, KULEELKA LEE WAAYE” waxay ila tahay
akhristoow maanta in aanu joogno ama gaadhnay waqtigii guusha oo aan
horey ugu han waynaa ama aan ugu duceysan jirnay aniga iyo dadka kale ee
Soomaaliyeed oo jeclaa in ay helaan xornimo toos ah iyo nabad joogto,
necbaana in cadawga wadankeena uu si nabad ah ku joogo si nabad ahna uu
uga baxo.
NIN GAR DARRAN, MA GUULAYSTO:-
Cadwga Ethiopia ee wadankeena Soomaaliya sida xaq
darada ah ugu soo duulay, waxay wadankeena soo galeen mudo hada lagu
qiyaaso laba sano, waxayna sidoo kale ku dhawaaqeen in dabayaaqada bisha
December 2008, ay wadanka Soomaaliya gabi ahaanba isaga bixi doonaan,
waxayna kale oo ay sheegeen in aysan diyaar u ahayn; taageerida Dawlada
uu madaxda ka yahay Abdulahi Yusuf Ahmed, balse akhristoow, waxaa is
waydiin mudan waxa Dawlada Ethiopia ku kaliftay in ay wadanka Soomaaliya
isaga baxaan, waxaana is oran karnaa siyaabaha soo socda in ay tahay
waxa Ethiopia ku kalliftay ka bixitaanka Dhulka Soomaaliyeed:-
- Qorshihi ay wadanka Soomaliya ka damacsanaayeen oo idil ayaa ku
fashilmay.
- Is af-garanwaa ka dhex dhashay iyaga iyo Dawlada uu madaxda ka
yahay Abdulahi Yusuf Ahmed.
- Waxay arkeen in aan shacabka Soomaaliyeed, la gumaysan karin,
lana dheel-dheelaysan karin.
- Waxay sugi waayeen amniga caasimada Mogadishu, iskaba daa in ay
sugaan wadanka oo idile.
- Waxay arkeen dagaalyahanno mintidiin ah, oo aanba ka cabsan
dhimasho iyo dhaawcba.
- Caalamka oo ka gaabsaday taageeridooda ku saabsan arimaha
Soomaaliya.
- In ay ka caroodeen khilaafka soo noq-noqonaya ee u dhaxeeya
madaxda ugu sar-sareysa ee Dawlada Soomaaliya.
Intaa iyo ka badan markii ay arkeen cadawga Ethiopia,
ayay go’aan kama dambeyn ah gaareen oo ay isaga baxayaan Wadanka
Soomaaliya oo markii horeba waqtigii loo qabtay in ay kaga baxaan Dalka
Soomaaliya uu ahaa 120 maalmood kuna ekaa 21 November, 2008 ee bishii
lasoo dhaafay, waxay kaloo ay sheegeen cadawga Ethiopia in ay
ciidamadeeda ku daad gureyn doonaan dhinaca bada, laakiin Dawlada uu
madaxda ka yahay Abdulahi Yusuf Ahmed ayay dhabar jab ku noqon doontaa,
illeen Ethiopia waxay ahaayeen cadawga koowaad ee ugu awooda weyn hadana
garabka siinaye Dawlada Soomaaliya, waxaana badali doono ciidamada
AMISOM oo anigu aan u arko in ay yihiin cadaw labaad, maxayse shacabka
Soomaaliyeed u kala dhaamaan cadawga Ethiopia iyo AMISOM taas ayaaba is
waydiin mudane?
MAHAD GAAR AH:-
Waxaan mahad gaar ah usoo jeedinayaa, walaalaha u
huray naftooda sidii ay wadankooda cadawga uga xureyn lahaayeen,
gacasatada iyagana u huray maalkooda si ay ugu fan-gareeyaan,
Mujaahidiinta Al-Shabaab iyo kuwa garabkooda ah ee Maxaakiimta
Islaamiga, waxaan tacsi tiiraanyo leh u dirayaa sidoo kale, shahiidiinti
ka tagay, waalidkooda, walaalahooda, xaasaskooda, caruurtooda iyo waliba
ehelkii iyo qaraabadii ay ka tageen in uu eebe sabar iyo iimaan ka
siiyo, illeen waxay u dagaalamayeen wadankooda, si ay uga saartaan
cadawga sida naxariis darrada ah ugu soo duulay wadanka Somalia, awalna
eebe ayaa keensaday kawn-kaan, hadana isagaa ceshtay.
FIIRO GAAR AH:-
Waxaan ka afeefanayaa ama aan ka cudur daaranayaa in
aad iga cafisaan hadii uu iga dhaco qalad, isla qaladkaasna aad iga
qabataan oo aadan igu eeganina, “Illeen ruux aan wax qaldin waxba ma
saxee”. Sidoo kale waad ila soo xidhiidhi kartaan waliba adinka oo aad u
mahadsan.
Alle Ayaa Mahad Leh!
Abdulghaffar Wardhere
Nairobi – Kenya
Email:
abdi.wardhere@gmail.com