Musharax Prof Mixiyadiin Cali Yuusuf oo u taagan xilka Madaxwaynanimo ee Puntland ayaa maanta Dec,06,2008- ayaa la kulmay qaar ka mid ah Siyaasiyiinta Puntland, Kulankaasi oo ka dhacay Hotel Karaama 2- ee duleedka Magaalada Bosaaso, ayaa ugu horayn waxa laysla soo qaaday sidii Puntland looga dhalin lahaa Is Bedel dhab ah.

Prof-Muxiyadiin Cali Yuusuf oo ugu horayn kulankaasi ka hadlay ayaa sheegay inuu kulankan uga Gol"lahaa sidii Puntland looga dhalin lahaa Is Bedel dhab ah, Prof-ka ayaa u sheegay siyaasiyiintii halkaasi joogtay inay lagama maarmaantahay in Puntland la Bad-baadiyo si loo gaadho Hormar iyo Cadaalad.

Prof-ka ayaa Farta ku fiiqay in la doonayo in Hogaanka Puntland loo dhiibo dad aqoon u leh isla markaana dhalinyarada wax laga siiyo Talada siyaasadee ee Puntland, Muxiyadiin ayaa ku Cel Celiyay in 10-kii sano ee Puntland jirtay ay noqday Hal Bacaad lagu lisay isla markaana ay Siyaasadee Puntland Hadaan ka tuureen kuwii markaasi xilka hayay.
Musharax Prof-Muxiyadiin Cali Yuusuf waxa uu dhanka kale sheegay in doorashada Pl ee la sugayo 2009- wixii ka danbeeyo Puntland loo baahanyahay in laga dhaliyo Siyaasad Cusub oo dhamaan ay u bogaan shacabka daalan ee Puntland.

Muxiyadiin ayaa ku Nuux-Nuuxsaday in hogaanka Puntland ee haatan wakhtigiisii sii dhamaanayo ay Marin habaabiyeen siyaasadii Puntland isla markaana ay dhaqaalihii Gobolka ku shubteen meelo gaar ah, Prof-ka ayaa ka digay in wax kasta oo Khal khal galinkara Doorashada Puntland ay ka Fogaan Masuuliyiinta haatan talada haya.
Prof- Muxiyadiin Cali Yuusuf ayaa ah nin aqoonyahan ah isla markaan waa Musharaxii ugu horeeyay ee sheegay in u taaganyahay xilka Madaxtinimo Puntland waxana uu safka hore kaga jiraa dadka lagu tiriyo inay doonayaan in Puntland lagu soo dabaalo Nabad ,Cadaalad.

Siyaasiyiintii halkaasi joogtay ayaa waxa ka mid ah Ibraahim Cartan Ismaaciil [ Xaaji-Bakiin] iyo Ismaaciil Buraale dhamaan siyaasintii halkaasi joogtay ayaa ahaa kuwa xilal haatan ka haya Puntland iyo waliba kuwa Wasiiro ka ahaan jiray Dawladihii soo Maraya Somaliya.


Jaamac Feyte
Bosaaso-