Daabaco Boggan | Print

injineero iyo dhaqaatiir cusub oo ku so biiray Mujtamaca somaliyeed

Xaflad qalin jabin dhaqaatiir iyo injineero ka qalin jabisay Jaamacada banadir oo (Dec 4, 2008) lagu qabtay hotel shaamo ee Magaalada Muqdisho

Sawirada Halkan ka daawo....


Warqad qoraalkeedu yahay sidaan ayaa laga bilaabay in loo qeybiyo dhamaan ka soo qeyb galayaasha sidaa darted aqristayaasha bogaan waxaan uga bilaabaynaa sidaa oo kale warqadii oo u qoran


Jaamacadda Banaadir (JB) waxaa la taaba galiyay 1-dii September 2002, fikrada aasaasida waxaa lahaa dhaqaatiir iyo macalimiintii hore ee J.U.S kadib markii ay arkeen xirfadleyda oo sii yaranaya noqatay,gaar ahan kuwa Caafimaadka, xirfadleyda, handasada, Farsamada, waxbarashada lana soo kordhiyo culuum casri ah sida culuumta Cumbuterka,

JB waxaa xariir la leh Hay’ado iyo Jaamacado caalami ah kuwa maxali ah ba,

Dagaalkii sokeeye ee Somalia ka dhacay waxa uu ka qaaday caruurta Soomaaliyeed xaquuqdooda waxbarasho la, aan,

Waxaan u mahad celineynaa indhaygaradka dareemay baahida, dibna u soo nooleyay nidaamka waxbarashada dalka heerar keeda kala duwan mid hoose, iyo dhexe iyo mid sare

Waxaa hambalyeenaa Maamulka Jaamacadda, iyo Macalimiinta iyo weliba ardayda si wadajir ah noola shaqeeyay,

Ku soo dhawaada Jaamacadda Banaadir
Dr,Mohamed Mo’allim Muse, MD. Gudoomiye JB

Jad walka waxbarashada

Sanadka waxbarashada jamacadda waxaa ku kooban yahay sanadkii laba xili xiliga koobaad bilaha Sabteymbar ilaa janawary xiliga labaad Maarso ilaa Julaay

Jaamacada banadir

waxaa ay ku taalaa bartaha magaalada muqdisho ,waxayna si dhab ah u fulisaa hadafka aasaasiga ah jaamacadu waxay ku fanataa in ay beeniyaan dadka badankooda oo rumaysan in ay jaamacad iyo kuliyadaheedaba lagu dhisi Karin Caasimada wadanka somaliya iyada oo ay ka socdaan dagaalo sokeye

falsafada waxbarashada

aragtida ee ka qabto Jaamacada dhinaca falsafada waxbarashada waa in ay soo saarto xirfadlay , aqoon yahano isku kalsoon waxtar weyn ka geysan kara naftiisa iyo wadankiisa gaar ahaan arimaha bulshada somaliyeed .

waxay rumaysan tahay in waxbarashada bini aadamka ey ku hogaamiso Cadaalada , nabada ,barwaaqo iyo mustaqbal wanaagsan

golaha tacliinta

Mu’asasada Banaadir ee tacliinta sare waa Hay’ada leh Maamulka Jaamacadda.

Hawsha ee isku xil saartay

JB waxy aasaastay ayna abuurtay mabaadiida asaasiga ah iyo faafinta aqoonta iyo xoojinta ardayda in ay ku najaxaan xirfadooda.

Jaamacadu waxey u hortay in ay kobciso danaha iyo wanaaga umadda Soomaaliyeed

Ujeedooyinka Jaamacadda

In loo abuuro loona fududeyo bulshada in ay helaan tayo wax barasho oo joogta ah.

In la soo saaro xirfadley takhasusyo sare leh iyagoo gacan ka geysanaaya kobcinta dhaqaalaha,
Hormarka, bulshada iyo dlka. Intaba

Hormarinta dhalinyarada soo koraya, ayadoo la dheerigalinaayo isku dheelitirka jinsiga in la yareeyo jahliga lana badiyo fursadaha waxbarasho dadka oo idil

Kulliyadaha

Jaamacadda Banaadir waxay leedahay 4 kulliyadood oo kala ah:
K. Daawada iyo Qaliinka
K. waxbarashada
K. Culuumka kumbuutarka
Iyo IT-da
K. Hanadsada iyo Farsamada
Jaamacadda Banaadir waxey dadaal ugu jirtaa in ay ku biiriso Jaamacadda kulliyadaha kala ah
K. beeraha
K. xanaanada xoolaha
K. Luqadaha
K. qaanuunka
K. Dhaqaalaha

Tashiilaat

JB waxay ardayda ugu fududeysaa
Waxbarashadooda wax yaabaha soo socda

{Maktabad Guud
{Laabka kumbuutarka,
{Laabka intarnetka
{Laabka Caafimaadka
{Laabka Fiisikiska

Soo galitaanka Jaamacadda Banaadir

Qofka doonaya in uu ku soo biro Jaamacadda Banaadir waxaa laga doonayaa

codsi in uu soo qorto
2. in uu keeno shahaado dugsi sare ama mid u dhiganta
in uu bixiyo lacagta fee-ga oo aan dib loogu soo celin doonin
warqada cadeynta dhalashada
warqada cadeynta akhlaaq wanaaga
shahaadada caafimaad qabka
6- sawir oo teesaro ah
ka gudbida imtixaanka qubuulka jaamacada

Ilaa todobaatan arday oo ka qalin jabisay Jaamacada Banaadir kala duwan ee dawada iyo qaliinka iyo sidoo kale waxa barashada ayaa shahado lagu gudoonsiiyay xaflad balaaran oo lagu qabtay hoteelka Shamow ee Magaalada Muqdisho ee Gobalka Banaadir

Xafladaan oo ay ka soo qeyb galeen ms’uuliyeen kala duwan oo ka socday bulshada ayaa xafladaas qudbad aan sidaas u dhereen ka jeediyay ku simaha Rii’sal wasaaraha dowlada KMG Soomaaliya ahna wasiirka maaliyada Maxamed Cali Xamud iyo sidoo kale Taliyaha Ciidamada boliska janaraal Cabdi Xasan Cawaale Qeybdiid iyo Gudoomiyaha Gobalka Banaadir Maxamed Cismaan Cali Dhagaxtuur ayaa waxa ay ka hadleen dhamaantood sida ay u fiicantahay wax barashada ayadoo lagu jira waqtigaan adag

Porf Maxamed Macalin Muuse oo ah Gudoomiyaha Jaamacada Banaadir kana jeediyay hadal Xafladaasi ayaa sheegay in waqti badan ay arintaan ay howsheeda ay wadeen islamarkaana ay tahay markii koowaad oo mu’do sided iyo toban sano ah dhaqaatiir ay ka qalin jabisay Jaamacada Banaadir


Sidoo kale porf Maxamed Macalin Muuse ayaa inta raciyay in Xafladaan ay abaabulkeeda ay gacan weyn ka geysatay shirkada Isgaarsiidnta ee Hormuud waxa kale uu intaa raciyay in ay dadaal weyn u sameyeen islamarkaana ay taqaatiirtaan ay fuliyaan in ay shacabkooda Soomaaliyeed ay wax u qabtaan

Ardadaan oo ka qalinjabisay Jamacada Banaadir oo kor u dhaafayey ill todobaatan qofood ayaa waxa ku jira 20 taqaatiir ah oo ka qalinjabisay 12 wiil iyo 8 gabdhood oo sheegay in ay dalkooda ay wax u qaban doonaan dadka ku dhibaateysan

Muuse Maxamuud Jiisow
musejisow@hotmail.com
Muqdisho Bakaaro Somalia
00252-1-5576666
00252-50-907666

Faafin: SomaliTalk.com | December 6, 2008

Kulaabo bogga www.SomaliTalk.com © www.SomaliTalk.com

La soo xiriir: webmaster@somalitalk.com