Ururka Ardeyda Somaliyeed Malaysia oo hugaan cusub doortay
iyo rabshado gacanta la iskula tagay oo hareeyay madasha
doorashadda
Waxaa habeenkii xalay ahaa ey taariikhdu ku beegneed 2-dec-08 lagu soo gaba
gabeeyey midka mid ah hoolalka ugu waaweyn jamacadda Islaamka Malaysia (I I U M)
doorashadii hogaan ka ururka ardeyda Soomaaliyeed Malaysia tii ugu Qalalaasaha
iyo fowdada badneed abid tan iyo markii ururka dhidibada ey utaageen tiro ardey
aan badneen bilowgii sagaashamaadkii.
Kudhawaad dad gaaraya kun qofood ayaa codkooda ka dhiibtay doorashada oo isugu
jiray ardey iyo dad arima kale u jooga dalkaan, tiradaan ayaa ah tii abid ugu
badneed oo ka qeyb qaadata doorasha ururka ardeyda oo ah mid sanadkiiba mar
bishaan oo kale la qabto sida uu goobta ka sheegay Bahiir Cali Warsame oo ah
gudoomiyaha gudiga qabsoomida doorashada.
Jawiga goobta ayaa ku bilaawday mid daganaansho iyo nabdoon ah waxaana madasha
ey doorashada ka dhaceysay lagu soo bandhigay barnaamij Multimedia oo ka
darjumayey wax yaabihii uu soo qabtay hogaanka xubnaha watiga u dhamaaday
mudadii sanadka aheed ey xilka hayeen iyo shahaado sharaf uu uruka uu
gudoonsiiyey dadkii la soo shaqeeyey mudada sanadka aheed ururka.
![](04dec34.jpg)
C/raxmaan Axmed Muuday oo ahaa
gudoomiyihii mudada sanadka aheed ee la soo dhaafay hayey xilka ururka oo ugu
horeen goobta ka hadlay ayaa soo jeediyey kalmado intooda badan ahaa talo iyo
wacyigalin oo ku wajahneed dadka codkooda dhiibaneyey waxa uuna ka codsaday in
ruuxwaliba uu codkiisa si nabdoon ugu codeeyo qofka uu taageerayo, sidoo kale
waxa uu si daganaani iyo xushmadi ku jirto uga codsaday musharaxiinta in qofkii
ku guuleysto hogaanka uruka uu ilaaliyo jiritaanka iyo midnimada uruka kana
ilaaliyo wax waliba oo kala dhantaali kara jiriytaan midowga ardeyda iyo in
musharaxa laga guuleysto in uu la shaqeeyo musharaxa guuleystay
Musharixiinta qabashada xilka hogaanka ururka isku soo taagtay ayaa kala ahaa
Maxamed khadar ismaacil. Axmed warsame kolone iyo C/fitaax Cumar Gacal oo isga
markii dambe googta ka sheegay in uu iska casilay jagadii musharaxnimo, ayaa
labada kale mid waliba waxa uu soo badhigay wax yaabaha uu qaban doono iyo
ajandihiisa mudada sanadka ah waxa uu noqon doonto hadii uu ku gooleysto xilka
hogaanka ururka.
Codbixiyaasha ayaa codkooda ku dhiibanayey waraaqo qaas ah ey gudiga doorashadda
ugu tala galeen in codka lagu dhiibto kuwaas oo gudiga doorashada ey sheegeen in
ey kufilanyihiin dhamaan codbixiyeenada, walow ey markii dambe ey soo ifbaxday
tiro dad ah oo ka cabanaya in aan la soo gaarsiin waraqaha codbixinta taa oo
markii dambe dhalisay buuq iyo sawaxan madasha ka dhacay ayaa markii dambe
gudiga doorashada ku guuleysteen in uu xalka gaaro
Markii ey gudiga doorashada soo gabagabeeyeen tirinta codadka ayaa
gudoomiyahooda Bashiir Cali Warsame nadiijada shaaciyey waxa uuna goobta kaga
dhawaaay in musharaha Maxamed Khadar ismaciil uu ku guuleystay cod aqlabiyed ah
uuna noqday gudoomiyaha ururka ardeyda mudo sanad ah laga bilaabo hada. ayaa mar
qura sawaxan, buuq iyo qalayaan isku shareeray madashii taa oo markii dambe ey
gacanta iskula dageen qaar kamid ah taageerayaasha.
Mid kamid ah taageerayaasha musharaxa laga guuleystay ee Axmed Warsame Kolone
ayaa goobta ka sheegay ereyo aan dadka ka farxin dad badana ey aad ula yaabeen
markii uu gabi'ahaan codbixintii madasha ka dhacday ku tilmaamay mid aan
cadaalad u dhicin eyna qaadaceen, walow uusan laqabin musharaxooda oo goobta ka
sheegay in uu ku qancay uuna la shaqeen doono musharaxa guuleystay
Rabshadihii iyo gacan kahadalkii taageerayaasha udhaxeyey ayaa cirka isku
shareeray waxa uuna gaaray in ey xafladii hakato iyo xaalad ey xalin waayeen
gudigii doorashada iyo dadkii masuuliyiinta ahaa ee madasha ka soo qeybgalay,
ayaa markii dambe waxaa goobta soogalay security police ka jaamacadda kuwaas oo
gabihaan dadkii ku amray in ey banaanka kaga baxaan holka.
Guud ahaan doorashadii hogaanka ururka ardeyda Somaliyeed ayaa ku soo gaba
gaboowday sidii aan loogu talagalin ayada oo muuqaal aan ku habooneen dad
dalkale marti ku ah in ey sameeyaan goobta ey ka dhacay siiba ardey tacliin
baranaya, walow ey dadka qaar ey farta ku godayaan dad ey sheegeen in ey u soo
qalab qaadeen wax yeeleenta madasha doorashada kuwaas oo hore u caadeystay in ey
sameeyaan falalka sidaan oo kale ah
Isku soo wada duuboo lawada arki doono howlaha iyo wax qabadka uu soo kordhiyo
hoogaanka cusub ee ururka ee ladoortay oo hormuudka uyahay mudane Maxamed Khadar
Ismaaciil, isaga sheegay in uu aad iyo aad ugu rajaweyn yahay in uu waxbadan
uqaban doono ardeyda, asaga oo ku soo aaday xili ey somalida kunool dalkaan
malaysia ey sameysteen dhawaan jaaliyad ey horkacayaan aqoon yahaniin aana hore
u jirin sanadihii hore.
Waa sidee xaalka
soomaalida ku nool Malaysia guud ahaan
wariye: saciid xuseen cabdi (macruuf)
Kuala Lumpur - Malaysia
macruuf09@hotmail.com
Faafin: SomaliTalk.com |
December 4, 2008
|