C/Waaxidow Mudnaan baad leedahay!!!
Ilaah baa mahad iska leh, nabad gelyo iyo naxriis nabi Muxamad
korkiisa ha ahaatee.
Marka hore inta aan guda gelin
maqaalkeyga waxaan ummada Soomaaliya ugu bishaareynayaa guusha
weyn uu ilaahay na siiyey taas oo ah in ciidamda gumeysiga
Itoobiya oo maanta la’ meel ay maraan hadii ay ahaan laheyd
wadooyinka magaalada Muqdisho ama kuwa gobolllada dalka
Soomaaliya.
Ummada Soomaaliya waxaan u sheegayaa in laga rabo in ay u
mahad celiyaan Allahii ku galadeystay guusha weyn oo ay maanta
heystaan, annagoo og bilowgii 2007 Muqdisho sida ay aheyd iyo
cidda gacanta ay ugu jirtay iyo maanta sida ay tahay.
Intaa ka dib, waxaa farxad ii ah in maanta ay ummada
Soomaaliya u soo wada jeesatay sidii af iyo idinba ay isaga
xoreyn lahaayeen gumeysiga madow ee kusoo duulay diintooda iyo
dalkooda.
Ummadda Soomaaliyeed inta ku sugan gayiga Soomaaliya waxay
Jihaad maalin kasta ah kula jiraan ciidamada gumeysiga iyo kuwa
la shaqeeya ee DFKM, iyada oo Soomaalida ku nool dibadaha mar
walba ay muqaawamada la garab taagan yihiin dhaqaalihii lagu
socodsiin lahaa howlaha Jihaadka.
Waxaa maanta nasiib weyn ah in aan helnay rag qalinka ku
dagaalamayo oo xaqa banaanka soo dhigayo, sida C/Waaxid oo u
istaagay in uu qalinkiisa ku difaaco diinta Alle, sharafta
ummadda Soomaaliyeed iyo dhulkooduba.
Waxaan ka mid ahay akhristayaasha sida joogtada ah ugu taxan
bogga Somalitalk, anigoo beryihii dambe wixii ka dambeeyey kala
jabka Isbaheysiga Dib U Heshiisiinta mar walba la anfariiri
jiray maqaalada ay soo qoraan dadka meelaha fog aan wax ka eegin
ayaa haddana waxaa mar walba niyada ii qaboojinayey Qoraa Sare
C/Waaxid oo qoromooyinka runta taabanayey.
C/Waaxidow waan la socdaa in ay dad badan ku radinayaan balse
waxaan kula dardaarmayaa inaadan danta ummada Soomaaliyada cidna
uga xishoon, waxaanna ku leeyahay Mudnaan baad leedahay!!! Allah
haku dhowro.
Aw-Nasir Mayow.
naasirsom@gmail.com