Bossasso War Saxaafadeed Musharaxa madaxtinimida Puntland Nuuradiin Aadan
Diiriye
WAR SAXAAFADEED
KU: DHAMMAAN ISIMMADA DOWLAD GOBOLEEDKA PUNTLAND
KU: XUKUUMADDA DAWLAD GOBOLEEDKA PUNTLAND
KU: GOLAHA WAKIILADA PUNTLAND
KU: DHAMAAN DADWEYNAH GOBOLKA PUNTLAND
Haddaan ahay Mushara xilka
madaxweynaha Dawlad Goboleedka Puntland Mudane Nuuradiin Aadan Diiriye, waxaan
ka xumahay, kana walaac-sanahay xaaladda ay Puntland maanta ku sugan tahay xag
amni iyo xag dhaqaaleba.
Iyadoo intaas oo dhibaato ah waddanka ka jirto waxaa ayaandoro ah in
mas’uuliyiinta maamul goboleedka Puntland ku mashquulsan yihiin siday waddanka
uga samayn lahaayeen doorasho dhalan-teed ah, hor istaagida doorasho madax
banaan iyo caburinta saxaafada madaxa banaan si ay iyagu xukunka dib ugu soo
laabtaan iyo inay ku ogaan dacwooyin iyo eedayn ciddi ka hortimaada
qorshahooda.Taasina waxay tirtiraysaa nabadii ay ku gacan adaygeen Issimadu,
odayaasha iyo waxgaradka reer Puntland tobankii sanno ee la soo dhaafay iyo
hurumarkii ay sameeyeen maamuladii hore. Waxayna u hor-kacaysaa Puntland burbur,
cawaaqib xumo iyo masiir-keena oo meelu ku dambayn doono aan la garanayn..
Waxaa kale wax aad looga xumaado iyo masuuliyad xumo ah habka cabburinta iyo
amar-ku-taaglaynta ku salaysan ee Maamul goboleedka Puntland uu kula dhaqmayo
saxaafadda madaxa banaan asalna ah qowmiyad kasta madaxbanaanideeda .
Waxaan arrintaas u aragnaa in maamulku si bareer ah ugu tumanayo Dastuurka
Dowled Goboleedka Puntland, xuquuqda dadweynaha Puntland iyo xuquuqda saxaafadda
ee caalamiga ah iyo tan ku cad cahdiga qaranka.
Waxaan shaki ku jirin in tallaabooyinkaas uu maamulku qaaday ujeedadoodu tahay
in uu kaga hortago ama ku cabburiyo codka isbeddel doonka ah ee soo kordhaya oo
ay hoggaminayaan Musharraxiinta u tartami doona jagada madaxwaynaha maamul
goboleedka Puntland.
Waxaan haddaba maamulku ugu
baaqaynaa, dunidana ogaysiinaynaa:
In uu ka waantoobo daandaansiga qaawan iyo adgudubyada agu hayo saxaafadda
madaxa banaan.
In uu dhawro xeerka saxaafadda iyo xuquuqda axafigaba
In uu si shuruud la’aan ah ku soo daayo saxafiga sida sharci darada ah ugu xiran
magaalada BoosaasoAgaasimihii Idaacadda Daljir ee Boosaaso Maxamed Maxamuud
Welcome
In uusan marna isku dayin in uu kala qoqobo dadwaynaha iyo murashaxiinta doonaya
in ay dalka ka dhaliyaan isbeddel guud
In uu ogolaado in ay dalka ka dhacdo doorasho xor ah oo madaxbannaan oo ku
dhacda waqtigeeda.
Nuradiin Aadan Diiriye
Musharaxa Madaxtinimadda Puntland
Bossaasso, Puntland
Faafin: SomaliTalk.com | August 19, 2008