Banaanbaxyada isbedel doonka ah oo ku soo badanaya Magaalada Muqdisho
Sawirada Bannaanbaxa ka daawo halkan...
Bannaanbax ballaaran oo lagu taageerayo magacaabista Kusimaha Gobolka
bannaandir Md Maxamed Cisman Cali ( dhagaxtuur) iyo xil ka qaadistii
Gudoomiyihii duqa Magaalada Maxamed dheere oo maanta (Aug 5) ka dhacay
degmada madiina Magaalada Muqdisho ee G/banaadir.
Banaanbaxaan oo ahaa mid si heer sare ah loo soo agaasimay oo ay ka soo
qayb galeen qaar ka mid ah mas’uuliyiinta xukuumadda Nuur Xasan Xuseen
(Nuur Cadde ) iyo waliba guddoomiyeyaasha degmooyinka, Wadajir Yaaqshiid
Axmed Xasan Caddoow (Axmed Daaci) Muxiidiin Xasan Jurus iyo Gudoomiye ku
xigeenka Duqa magaalada Muqdisho ee dhinaca amaanka C/fitaax Ibraahin
Cumar Sabriye (shaaweeye) iyo waliba marti sharaf kale oo lagu casuumay
ayaa manta ka dhacay degmada wadajir ee G/Banaadir.
Bannaanbaxan oo ahaa mid ballaaran, oo lagu taageerayey xil ka qaadistii
guddoomiyihii hore ee gobolka banaandir Maxamed Cumar Xabeeb (Maxamed
Dheere) isla markaasna ahaa mid lagu soo dhaweynayey magacaabista Ku
simaha Guddoomiyaha Gobolka Banaandir Maxamed Cusmaan Cali (dhagaxtuur)
ayaa ka dhacay dhismaha degmadda madiina.
dad weyne aad u ballaaran oo dhamaantood watay boorar ay ku qornaayeen
erayo muujinaya sida ay raaliga uga yihiin Maamulka cusub ee Ra’iisal
wasaaraha Dowladda uu u magacaabay, iyo waliba Ubaxyo Qoyan oo ay wateen
4ta waxood ee degmada wadajir ay ka kooban tahay sida Tima cadde, Xaawo
taako, janan daa’uud, iyo waaxda Xalane, ayaa ka soo qayb galay
bannaanbaxaasi.
Aayado Quraan ah kadib Waxaa halkaas ka hadlay wasiiro uu ka mid ahaa
wasiirka arrimaha gudaha Muuse Nuur Amiin oo qadka talephonka uga qeyb
qaadanayey banaanbaxa manta ka dhacay dagmada wadajir,Waxaana uu sheegay
inuu aad ula dhacsan yahay qaabka siyaaseed ee Md Nuur Xasan Xuseen
(Nuur Cadde) iyo sida uu u wajahay dib u heshiisiinta uu ka dhax wado
DFKM iyo kooxaha mucaaradka, waxaa kale oo wasiirka arrimaha gudaha uu
soo hadal qaaday inuu ku faraxsan yahay isla markaana uu soo dhaweynayo
magacaabista xilka ku simaha Guddoomiyaha gobolka banaandir, isagoo
ballan qaaday inuu la shaqayn doono maamulkaas cusub ee badalay
maamulkii xilka laga qaaday ee Maxamed dheere.
Waxaa bannaanbaxa manta ka dhacay degmada wadajir ka hadlay ku simaha
Guddoomiyaha Gobolka banaadir ee badalay Duqii hore ee magaaladda
Muqdisho,Maxmed Cusmaan Cali (Dhagaxtuu) taasoo ku timid wareegto ka soo
baxday xafiiska Ra’iisal wasaaraha Nuur Cadde, Waxaa uu sheegay in dadka
reer banaandir uu u hayo Istaraatiijiyad wanaagsan oo wax badan ka
badalan tii hore, waxaa uu carabka ku dhuftay inuu furayo waddooyinka
xiran ee magaaladda Muqdisho waxaana uu carabka uu ku adkeeyey wadada
wadnaha , taasoo ka xiran halka loo yaqaan taleex, Dhagaxtuur oo ka
hadlayey munaasabad ka dhacday degmada Wadajir ee magaalada Muqdisho oo
lagu soo dhoweynayey xilka loo magacaabay ayaa sheegay inuu dib u soo
celin doono adeegyadii bulshada ee magaalada Muqdisho sida korontada,
biyaha iyo nadaafada isagoo ka codsaday shacabka ku dhaqan magaalada
iney ku gacan ku siiyaan xilka cusub ee loo magacaabay
hadalkaas kasooyeeray Kusimaha Guddoomiyaha Gobolka Md dhagaxtuur ayaa
waxaa uu ku kasbaday sacab baaxad weyn, iyo jawi farxaddeed oo ay ku soo
bandhigeen ka qayb galayaashii bannaanbaxaas
Sidoo kale bannaan baxaasi waxaa ka hadlay Wasiirka Beeraha Md Mustaf
Sheekh Cali
Dhuxuloow oo isagoo jooga magaalada baydhabo bannaan baxan uga qayb
galay qadka taleefoonka, wax laga naxo waxaa uu ku tilmaamay in xil laga
qaado Guddoomiye gobol in ay isku casilaan Gole wasiiro, oo dadka ay
xilka u hayaana ay yihiin dad ku jira xilli xasaasi ah, oo looga fadhiyo
wax ka qabashada dagaaladda iyo soo nooleynta nabadda, waxaa uu tibaaxay
in manta loo baahan yahay in la ambaaado, lana dhiiri gelinayo
horumarinta dadaalada nabad raadinta,
Waxaa isna goobtaas ka hadlay Guddoomiye ku xigeenka Gobolka banaadir ee
xagga arrimaha nabad galyada C/fitaax Ibraahin Cumar (Shaaweeye) waxaa
aad ugu nuuxnuuxsaday gabood falkii maalinta sabtida ahayd ka dhacay
wadada Makka Almukarama , halkaas oo qarax bam uu ku qabsaday hablihii
nadaafadda iyo bilicda gobolka banaadir ka waday, waxaa uu falkaas ku
tilmaamay mid ka dhan ah bini’aadannimada, “ waxaa wax lala yaabo ah dad
ka shaqaynaya nadaafad oo aan ku jirin siyaasas sababta loo laayey, waa
mid ku dhisan xasuuq loo geysanayo dadka maatida ah ee aan waxba
galabsan” sidaas waxaa yiri Md Shaaweeye oo ka hadlayey banaanbaxa,
Bannaan baxa manta ayaa waxaa lagu soo bandhigay ciyaaraha hidaha iyo
dhaqanka, heeso gabayo iyo waliba buraanburo, oo ay soo agaasimeen
abwaaniin caan ka ah gobolka banaandir .
Muuse Maxamuud Jiisow
musejisow@hotmail.com
Muqdisho Bakaaro Somalia
0025215576666
002525907666