Madaxweynaha dawlad goboleedka Puntland Maxamud Muuse Xirsi Gen cadde
ayaa si rasmi ah xariga uga jaray shirkadda Isgaarsiinta ee Telcom
Puntland.
Sawirada Xafladdii SHirkadda Telecom.. Daawo
Aug 8, 2008:
Xaflad ballaaran oo si heer sare loo soo agaasimay ayaa waxay xalay ka
dhacday hoolka xafladaha ee Hotel Panorama ee magaaladan Boosaaso.
Xafladaasi waxaa ka soo qeybgalay mas’uuliyiin ka socotay maamulka
Puntland, ee ka tirsan golaha wasiirada ee xafladaasi ka soo qeybgashay
waxaa ka mid ahaa wasiirka amniga ee Punltland Jeneraal C/laahi Siciid
samatar, Wasiirka Ganacsiga iyo Warshaha C/Samad Yuusuf ABWAN, wasiirka
maaliyadda Maxamed Cali Yuusuf (Gaagaab), wasiirka warfaafinta C/raxmaan
Maxamed Saalax (Bangax), Wasiirka dekedaha iyo Kalluumeysiga Dr. Axmed
Siciid Awnuur, wasiirka waxbarashada Maxamuud Bile Dubbe, taliyaha
ciidanka booliska ee puntland jenereaal gaani iyo mas’uuliyiin kale oo
fara badan. iyo waliba safiirka somaliya u fdhiya wadanka Kenya Maxamed
Cali Ameriko iyo mas’uuliyiinta shirkadda Telcom Puntland, ganacsato,
odayaal iyo marti sharaf kale oo aad u tiro badan.
Ugu horeyn waxaa halkaasi ka hadlay guddoomiyaha shirkadda Isgaarsiinta
ee Telcom Puntland oo ka hadlay hawshii loo soo galay aasaaska shirkadda
iyo masaafada ay gaareyso.
Waxa uu sheegay in Bari ilaa Goldogo ay isku xiran tahay Telcom
Puntland, wuxuuna sheegay inay ahaan doonto shirkadda mid sidoo kale wax
u qabata Bulshada.
Madaxa xafiiska suuq geynta iyo xiriirka dadweynaha Sheekh fu’aad
Maxamuud xaaji Nuur oo halkaasi ka hadlay ayaa faah faahiyay nooca
Isgaarsiinta ee shirkadda Telcom Puntland ay dadka u soo bandhigeyso.
Waxa aan soo kordhinay ayuu yiri telefoonada Land Lineka ee Wireless iyo
internet wirless oo masaafo oo ilaa 45 km laga isticmaali karo.
Sheikh Fu’aad ayaa sheegay in shirkadda Telcom ay ku hawlan tahay inay
adeegeeda Isgaarsiinta ah si deg deg ah ku gaarsiiso deegaanada kale ee
dhiman ee Puntland.
Wuxuu sheegay in ay si deg deg ah ku hirgelin doonaan in adeegeeda uu
gaaro dalalka deriska la ah Soomaaliya.
Maareeyaha guud ee Shirkadda Telcom Puntland Eng: C/rashiid Wacays oo
xafladda ka hadlay waxa uu sheegay xiriirka shirkadda Telcom Puntland
kala dhaxeeyo shirkadaha kale, isagoo sheegay in uu wanaagsan yahay.
Shire Xaaji Faarax oo ka tirsan guddiga sare ee shirkadda Telcom
Puntland oo isagana xafladaasi ka hadlay ayaa hoosta ka xarriiqay in
shirkadda Telcom Puntland ay noqoneyso shirkad mustaqbal leh oo ka qeyb
qaadan doonta horumarka dalka.
Mas’uuliyiinta dhinaca maamulka ka tirsan ee xafladaasi ka hadlay waxaa
ka mid ahaa duqa magaalada Boosaaso C/risaaq Xareed Ismaaciil,
guddoomiyaha gobolka Bari Dr. Muuse Geelle Yuusuf oo iyaguna soo
dhoweeyay furitaanka Shirkadda Isgaarsiinta ee Telcom Puntland.
Ugu dambeyntii waxaa soo khatimay xafladda madaxweynaha Puntland
Jeneraal Maxamuud Muuse Xirsi oo soo dhoweeyay shirkadda Telcom Puntland
oo uu sheegay in muddo ah la sugayay.
Wuxuu kaloo madaxweynuhu ugu baaqay shirkadaha ganacsiga inay bixiyaan
lacagaha canshuurta si dowladdu ay u fuliso hawlihii bulshada oo ay ugu
horeyso nabadgelyada.
Sawirada Xafladdii SHirkadda Telecom.. Daawo
C/qani Xasan Dhagjar
binuxasan90@hotmail.com
Warbixin labaad hoos ka akhri:
Shirkadda Isgaarsiinta Telcom Puntland oo Xariga laga
Jaray.
Munaasabad si heer sare ah loo soo agaasimay oo ka dhacday
Hotelka Pamoroma ee Magaalada Boosaso ayaa xalay xariga looga
jaray Shirkada Isgaarsiinta ee Telcom.
Munaasabada Xariga looga Jaray Telcom ayaa waxa ka soo qaybgalay
Masuuliyiinta Dowlada Puntland oo hurmuud uu ka ahaa
Madaxweynaha Puntland Maxamuud Muse Xirsi(Cade Muse) Golahiisa
Wasiirada,Golaha Baarlamanka iyo Masuuliyiin badan.
Munaasabada sidoo kale waxa ka soo qaybgalay Boqolaal Dadweyne
oo isugu jira Isimo,Ganacsato,Culimo,Aqoonyahano,Dhalinyarao iyo
Haween.
Ugu horeyntii waxa Munaasabada ka hadlay Gudoomiyaha Telecom
Puntland Siciid Xasan(jeesaan) oo sheegay in laga soo bilaabo
1/07/06 ay ku hawlanayeen Furitaanka Telecom Puntland iminkana
ilaah mahadiis ay tahay in caawa halka loo fadhiyo furitaanka
Telecom Puntland..
Mareeyha Telecom Puntland C/rishiid Wacays oo Munaasabada ka
hadlay ayaa Dadweynaha Reer Puntland ugu bishaareyay inay u
wadaan Horumar balaar iyo adeegyo kala duwan oo casri ah.
Shiikh Fu’aad Maxamud Xaaji Nuur oo ah Madaxa suuqgeynta iyo
Xiriirka Dadweynaha ayaa Munaasabada ku soo bandhigay adeegyada
Telecom Puntland.
Madaxa Suuqgeynta iyo Xiriirka Dadweynaha Telecom Puntland ayaa
shaaciyay in adeega ay dadweynaha u hayaan ay ka mid yihiin Land
line Phones,Mobil phones,Wire less Phones internet casri ah oo
kala ah dial-up,Adsl iyo Wire less internet.
Fu’aad Maxamuud
Xaaji Nuur waxa kale oo uu ka dhawaajiyay in ay soo kordhiyeen
adeegyo kale oo dheerad ah gaar ahaan Mobilka sida
1-Missing Call Notification oo ah in markaad damisid Mobilkaaga
ama aad ka baxdid Coverage ka aad hadhow arki kartid cid walba
oo ku soo wacday.
2-USSD loan services oo ah in hadii lacagtu kaa dhamaato aad
qaadan kartid deyn intaad garaacatid Nomber.
3-Familiarity Number Features: waa adeeg muhiim ah oo qofku uu
diiwaan gashanayo 9qof oo uu ka wici karo kharash dhin waana
gudaha(local) oo keliya.
4- Hadii Mobilkaaga kaa lumo uma baahnid in aad Shirkadda soo
wacdo o lagu xiro ee waxaad ka qaadaneysaa qofka kuugu dhow oo
haysta mobile Telcom ah kadibna adiga ayaa xiranaya hadaad
furaneyso waa sidoo kale.
5-Lacagta kugu jirta Mobilkaa waxay leedahay Password(number sir
ah) oo cidna kama shuban karto.
Madaxa Suuqgeynta iyo Xiriirka Dadweynaha ee Telecom ayaa sidoo
kale sheegay in dhowaan ay soo wadaan adeegyo kale oo casri ah.
Shire Xaaji Faarax oo ka mid ah Gudiga Sare ee Telecom Puntland
kana yimi wadanka Dibadadiisa oo Munaasabada Xalay ka hadlay
ayaa ka warbixiyay heerarkii kala duwanaa ee ay soo martay
Shirkadda Isgaarsiinta ee Telecom.
Gabagabadii, Munaasabada waxa soo xiray oo xariga halkaasi kaga
jaray Shirkadda Isgaarsiinta Telecom Puntland Madaxweynaha DGPL
Mudane Cade Muuse oo sheegay inuu ku faraxsan yahay Furitaanka
Telecom.
Madaxweynaha Dowlada Puntland ayaa khudabadii uu ka jeediyay
Xarig jarkii Telecom ay taabaneysay dhinacyo badan waxana uu
Telecom u rajeeyay in ay raacdo shuruucda isgaarsiinta ee
Puntland u degan.
Cade Muuse Madaxweynaha DGPL ayaa muujiyay in qayb ay ka tahay
Horumarka Dalka Shirkada Isgaarsiinta ee Telecom Puntland.
Cawaale Jaamac
jamnaf87@hotmail.com