BAAQ NABADEED GAALKACYO (Eng. Faatoxo)
Ku: Madaxda Maamulka Gobolka Mudug.
Ku: Dhamaan Beelaha wada dega Gobalka Mudug
Ku: Isimada, Odayaasha dhaqanka, Culumaa’udiinka, Hooyooyinka
iyo dhalinyarada Gobolka Mudug
Ku: Siyaasiyiinta, qorbo joogta iyo ururada bulshada ee
gobolka Mudug
Ujeedo: Baaq Nabadeed
ACWW_tuhu,
Salaan ka bacdi, Alle yaa mahdi dhamaanteed u sugnaatay,
Allahii Adem ka abuuray dhoobo, ubadkiisana biyo jilicsan ka
abuuray, Alleha dadka dhigay xigto iyo xigaal, waxaan qirayaa in
Nabi Muxamed nabadgalyo iyo naxariis dushiisa ha ahaatee uu noo
sheegay wax kasta oo aduunka iyo aakiro noo roon uu nooga digay
wax kasta oo dhib aduun iyo mid aakiro noogu jiro. Nabigu Waxa
noo sheegay markii uu dariska ka hadlayey “ JIbriil kama
suulin(tagin) inuu dariska igala dardaarmay ilaa inta aan uga ma
leeyo inuu oran doono darisku ha is dhaxlaan” , wax kale oo uu
yiri nabi Moxamed “ Wa-Allahi, ma rumayn( Alle iyo Rasuulkii)
ilaa inta dariskiisu dhibkiisa ka nabadgalayo”
Anigoo aad uga xun dhibaatooyin dilalka qarsoodiga ah,
dhaawacyada iyo qulqulada is daba jooga oo bilahan dambe ka soo
cusboonaaday deegaanka Gobolka Mudug gaar ahaan magaalada
Galkacyo, Magaala madaxda Gobolka; Anigoo arka dhaca iyo
qafaalashada baabuurtu iyo dhibka isdabajooga ah ee rayadku
cawaaqib xumada uu keeni karo.
Waxaa xusuusmudan in beelaha waalaalaha ah ee wadadega
Gobolka Mudug gaar ahaan magaalada Galkacyo uu soo maray dagaal
qiimo daran oo ay naf maal ay ku waayeen dad badan oo
walaalihiina, Waxaa xasuus mudan in Gobolka Mudug uu ahaa
meelihii ugu horeeyey ee uu saameeyay dagaalkii sokeeye ee dalka
ka dhacay, oo hadana waxgaradkoodii iyo masuuliyiintoodii ay ku
dadaalaan inay heshiis miro dhala oo la gaaray 1993-dii uu ka
dhaqangalo deegaankaa. Gobolka Mudug waxa uu ku amaanan yahay oo
Alle mahadi ah, inay tahay deegaanka kaliya ee Somalia oo ila
hada uu ka shaqeeyo heshiis nabadeed oo ay gaareen bulsho aad u
baaxad wayni.
Hadaba waxaan ugu baaqayaa :
- In dhamaan beelaha walaalaha ah ee deegaanka Mudug
wadadega in nabadda la xoojiyo, waayo ‘colaadaha in wiil ku
dhinta mooyee wiil ku dhalan’isla markaasna waxaa loo
baahan yahay in colaada la damiyo, wixii yar oo lakala
tirsanaya si wada hadal ah lagu dhameeyo oo caqligu
shaqeeyo.
- In sida dhaqsaha badan oo shuruud la’aan ah la isugu
celiyo dadka iyo hantida qaladka lagu qafaashay maalmahaan.
- In lawada caanbaareeyo lagana hortago dhamaan wixii
fidno dhalin kara, lagana shaqeeyaan nabadda iyo horumarinta
gobolka Mudug .
- In Maamulku Gobolku la yimaadaan nidaam degdeg ah ka
shaqeeya nabad gelyada, iyo soo celinta u hogaansanaanta
sharciga iyo kala danbaynta.
Waxaan ka digayaa in siyaasaddo foolxun oo aan horumar
gaarsiinay bulshadda walaalaha ah ee wadadegan la soo dhex
galiyo, waa in wadajir looga fakaraa , waxa buldshadda maatada
ah oo ay haysato duuruufaha dhaqaale ee xun, sicir bararka iyo
abaaraha aan loogu darin in la dhex dhigo colaad iyo nidaamyo
abuura dhibaato una shaqeeya dano shaqsiyo ama kooxo.
Waxaan rajeynayaa in waxgaradka Mudug meelkasta oo ay joogaan
ay ka qayb qaadan doonaan raadinta nabadda, ayna u istaagi
doonaan xalinta dhacdooyinkaan foosha xun oo soo noqnoqanaya.
Waxaan waxgaradka Mudug leeyahay noqda tusaale fiican, kuna
dadaala NABADDA ‘Nabadu waa nolol’ IYO WADA JIR ‘Wadajir waa
horumar’ LOO HORMARIYO GOBOLKA.
Waxaan Alle waydiisanaynaa in qalbiyada uu Alle is
jeclaysiiyo, Mudugna Nabad iyo Barwaaqo siiyo.”AAAMIIIN,
AAAMIIIN….”
Wa_bi_ Allahi Towfiiq
Musharaxa jagada Madaxwaynaha Maamul Gobaleedka Puntland
Eng. Abdullahi Abdulkadir Ali(Faatoxo)
faatoxo@hotmail.com