Dariiqa Toosan 1/3

2- Xaqbay ahayd qaadacaada shabaabka ee shirka asmara.

“Waa dariiqii hore, waxaase maraaya rag cusub; waa ragii lagu baxsan lahaa oo cagta saaray wadadii ay kuwii hore ku kufeen.”. bayaankii shabaab

Ereyadasi waxay ka mid ahaayeen ereyo ku jiray bayaankii dhaqdhaqaaqa shabaabka mujaahidiinta ahi kazoo saareen kuna qaadeceen shirka asmara lagu qabandoono ee ay kazoo qayb-galayaan dadyaw kala afkaar duwan se isku waafaqsan in guumaysiga Ethiopia laga saaro dalka.

Waxaa kooxahaa ka mida sida bayaanka lagu sheegay :

• 1.      Barlamaanka xorta ah.
• 2.      Bulshada Rayidka.
• 3.      Qurba jooga.
• 4.      Qayb ka mid ah Golihii Maxaakiimta Islaamiga ah.

Inta badan maqaalkaygani wuxuu ku socdaa islaamiyiinta ka qaybgalaya shirkan, waayo isku sharci ma nihin kooxaha kale khaas ahaan bulshada rayidka ah iyo kooxda isugu yeedhay baarlamaanka xorta ah, waxaana laga yaabaa in ay shirka ku jiraan afraad aan labadaa kooxood midna ahayn oo sidaas oo kale aanaan isku sharciyad ahayn sida qaar ka mida qurba jooga. 

Gogol-dhig .

Marka aad tahay ruux matalaya xarako islaami ah oo leh aragti islaamaysan waxaa kugu waajib ah in aad go’aanadaada iyo dhamaan dhaqdhaqaaqyadaada ku salayso rukuno islaami ah oo adag. Waa in aanaad sida uu waqtigu isugu kaa dul badbadalayo isu dabdabalin khaasatan usuushaada ama mabaadiidaada ictiqaadiga ahi.

Islaamku waa diin dhamaystiran oo la falgalikarta wadci kasta, wakhti kasta iyo meelkasta oo la joogo, haday dagaaltahay waxaa jira axkaam islaamku u dhigay dagaalka, wuxuu leeyahay waqti la dagaalami karro iyo waqti aan la dagaalami karrin, wuxuu leeyahay cid lala dagaalamo iyo cid aan lala dagaalamin wuxuu leeyahay axkaam u taala heshiisyada, yaa lala heshiin karaa yaanse lala heshiin Karin, xadka heshiisku waa ilaa intee, mudada heshiiska, iwm.

Sidaan wada ognahay waxaa kusoo gaba-gaboobay wadanka Eretria magaalo madaxdiisa asmara shirweyne ay kazoo qayb-galeen dhinacyo badan oo soomaali ah se kala afkaar iyo aragtiyo duwan. Waxaa kamid ah mid aaminsan in sharafta, guusha,  badhaaha nolosha iyo badbaadinta wadanka lagu gaadhi karo jeer oo si daacadnimo ah loo qaato nidaamka dimoqraadiga ah, qaadashadiisana laga dhab-sheego.

Waxaa ka mid ahaa qaar aaminsan in umada badhaadheheeda iyo barwaaqadeeduba ay ku jirto in si dhamaystiran loo qaato nidaamka islamiga ah ee allaah uu inooga soo dejiyay samada si uu dhulku ugu islaaxo.

Waxaa ah wax aan cidna loo sheegahayn farqiga u dhexeeya ladaba nidaam ee lakala wato iyo midba ka kale waxa uu ka aaminsanyahay. Islaamigu nidaamkasta oo khilaafsan shareecada islaamka wuu diidanyahay mana ogola isku xukunkeeda ama ka xukundhigashadiisa.

Dimoqraadigu wxuu u arkaa nidaamka islaamiga ah iyo nidaamkasta oo diini ah isku xukunkiisa wax aan caqliga galin oo lagu qoslo hadaynu nidhaahno waxaynu isku xukumaynaa wax la soo dejiyay 1400 sano ka hor.

Waxaa hadaba la yaableh in lagu yidhaahdo waxaa is waafaqay oo heshiis ku gaadhay in ay wada samaystaan hal koox oo hal magac leh.

Waxaa agteena wax biri magaydo ah ka ah in aan islaamku mabda ama diin ahaan uusan cid kale waafaqi Karin oon islaam ahayn, mana aha diin kala dhiman oo u baahan cid kale oo kaabta ama kabta dhamaystirtana nusqaantiisa.

Laakiinse waxaa inta badan la arkaa in kuwo xambaarsan mabda’aas rabaaniga ahi ay ku simbiririxoodaan, caqabadaha adag ee marwalba hortaagan akhyaarta sida mabda’aas islaamiga ah waxaa guulaytay kuwa ka gudba caqabadahaas.

Wuxuu allaaaah ina siiyay khilaafo islaami ah ama dawlad islaami ah taas oo kazoo if baxday qaybkamida dhulkii hore loo odhan jiray dhulwaynaha islaamka khaasatan dhulka ay degaan qowmiyada soomaalidu qaybo kami ah. Waxaa farxay muminiintii  wuxuu yidhi allaah “Maalintaasayna ku farxi muminiintu guusha illaahay ”surat ruum aya 4 . waxaa naxay kuwii uu qalbigoodu bukay iyo gaaladii.

Waxaa samada kismaayo laga lulay calankii rasuulka scws, oo waxaa hoos loo dhigay calankii wadaniyada iyo qowminimada, waxaa baaba’day in qabiil la’isku xidhiidhiyo oo waxaa uu illaahay ha hadeeyo hana xifdiyo ee uu dunida oo dhan si geesinimo leh u maqashiiyay sh.xasan daahir aways in aanuu “qofka muslimka ahi Somalia manta ajanabi ku ahayn” ee uu yahay walaalkoodii ay ku walaaloobeen walaalnimada dhabta ah waa islaamnimada iyo iimaankee. Wuxuu yidhi allaaah “Muminiintu waa walaalo” surat xujurat ayah 10.

Waxaa la helay nimco aan mudo kumanaan sano laga joogo la helin, waxaa la helay nimcadii xukunka islaamiga ah, waxaa la celiyay xoolohii dulmiga lagu haystay, waxaa la tirtiray fusuqii iyo dhaqanxumadii xataa wariyayaasha qaar ay maqaaladooda cin waan uga dhigeen “Xataa samadiibaa ducaysay” iyagoo ka hadlaya sida uu ilaahay khayraadkii dhulka iyo samaduba u furmay, waxaa la joojiyay aafadii fidmaysay soomaali waa qaadkee.

Waxaa inoo xigtay ayaamo aad u dhib badnayd wuxuuyidhi allaah “ Waa sidaas aduunyadu, waxaanu ku kala wareejinaa dadka dhexdiisa, iyo in aalaah uu nuujiyo kuwa rumeeyey, kana yeesho xagiina marag, ilaahayna ma jecla daalimiinta” surat alacimran ayah 140, waxaynu waynay dadyaw qaali ahaa, iyo rag aan xasuustoodu qalbiga ka go’I karin, abuu qataadah, abuu xafzaa, abuu cablah, abuu maryam, abu …abu ..abu, rag qaaliya oo anay aduunyo iyo xoolo midna inoo jarahayn. rag markasta oo aan akhriyo aayadan aan soo xasuusto “Rag aanay ka mashquulinaynin Xuska alle ganacsi iyo iibtooni” surat nuur ayah 37. sidaas oo ay u xanuunbadnayd waayida ragas qaaliga ahaa hadana maaha wax aynu ka murugoono oo waxay heleen waxay ilaahay kula heshiiyeen inshaa allaah, wuxuu yidhi allaah “Muminiinta waxaa ka mida rag ka runsheegay waxay ilaahay kula balameen, waxaana ka mida mid gutay balankii (ajashiisii), waxaana ka mida mid sugaya mana aybadalin” surat axzab ayah 24,

Waxaase wax aad looga xanuunsado oo runtii aad looga murugoodo ah markaad aragto iyadoo laga baydhay hadafkii iyo u jeedadii ay dhiigooda u daadiyeen nafahoodana u siisteen, ((Si ay kalmada allaaah u sarayso, kalmada kuwa gaalada ahina u hoosayso))  ((La dagaalama gaalada inta gaalnimo iyo xumaan laga waayayo, oo ay diinta dhamaanteed xaga allaah noqoto, haday reebtoonaadaan ilaahay wuu arki waxay falayaan))surat anfaal ayah 39, waxaanaan afbuuxa ku leeyahay shirkii asmari wuxuu ahaa khiyaano loo gaystay dadkii iyo ragii dariiqa khilaafada loo maray ee jidhkooda kaabadaha iyo jaranjarooyinka inooga dhigay si aynu u taagno calankii islaamka. Wuxuu khiyaano u yahay waxaa laga leexday jidkii alle inoo jeexay, wuxuu yidhi alle isagaa ceeb oo dhan ka nasahane:  ((Waa kaa dariiqayga toosani ee raaca, oo ha raacina wadiiqooyinka idinka leexinaya jidka allaah, Sidaasuu ilaahay idin faray, inaad dhawrsataan)), Dariiqaas alle inoo tilmaamay waxyaalahaynu kaga leexanay waxaa ugu dambeeyey shirkii aynu kazoo hadlaynay, gogoldhigaa dabadii aynu u gudubno  sharciyada shirkan.

Sharciyada Shirka.

Wuxuu yidhi sh. Abu maxamed almaqdasi “Fasaadka ictiqaadka ay qaarbadan oo jamaacaadka islaamiga ahi ka aaminsanyihiin masaa’isha gaalnimada iyo iimaanka, ayaa waxay dhaxal siisay iyaga iyo kuwa dabagalaba, fasaadkale oo kasii farcama arintaas oo ah in madaxyo-weyn  gaalo ah ay islaam ku xukumaan, oo ay is xidhiidhiyaan una hiiliyaan oo u nusreeyaan, bal ee waxay gaadhay in ay la mushaarakeeyaan waxyaalo gaalnimo ah, oo baadil ah, agtooda baadilku baadil ma ahan, waayo asalka ay ku dhiseen ayaa fasahaadsanaa…….hala yaabin hadaad aragto qaarbadan oo u nisbo sheeganaya jihaadka in ay waqtiyada iyo duruufaha qaar ay istaagaan dhanka culmaaniyiinta,amaba dhanka diinlaawayaasha, iyo safka dambiilayaasha,oo ay isu keento ciidooda iyo wadaniyadu, iyo jinsiyadaha bidcada ahi iyagoo ku andacoonaya midnimada wadanka, iyo maslaxada dalka, iyagoo ku andacoonaya in ay la wada dagaalamayaan cadaw ay u qabaan cadaawad guud, waxaa shaki la’aana in fasaadka usuushoodu uu keenay fasaadka furuucdan”  Kalimada manhajka 5.

Waxaan in badan ka warwarsanaa in aanaan walaalahayga iyo culimadayda shirka ka qaybqaadanaya isla waafaqsanayn in ay gaalnimo tahay waxa ay ku dheceen kuwa isku sheega baarlamaanka xorta ah ee ah in ay yihiin kuwo isu taagay in ay hirgaliyaan nidaamka dimoqraadiga ah, dadkana u xalaaleeyaan wixii ay isku raacaan ee aqlabiyadu noqoto, iyo tixgalinta iyo daliisashada ay daliishanayaan had iyo goor axdi-qarameedka baadilka ah.

Laakiin waxaan dhawaan arkay qoraal uu qoray sh. Cumar iimaan abuukar oo uu kaga hadlayo in ay mararka qaar banaantahay in la la xulafaysto gaalada isagoo sida hadalkiisa ka muuqatay ka hadlaayay sheekhu is xulafaysiga dhex maraya qaybo ka mida maxkamadihii islamiga ahaa iyo baarlamaanka xorta ah, waxaa halkaa iiga muuqatay in uu gaalo u haysto kuwa ay is xulafaysanayaan markaana uu iska difaacayo qolyaha leh maxaad gaalada (baarlamaanka xorta ah) u xulafaysanaysaan eed isu kaashanaysaan.

Waxaase nasiib daro noqotay in uu sheekhu ku sheegay maqaalka intiisa dambe in nimanka ay la midoobayaan aysan haysan mabda ee maalinba meesha uu shilinku uu yaalo ay joogaan, in kasta oo ay wacnaan lahayd in uu sheekhu ogaado in uu labada fariiq waa gaal iyo islaame mid uun raaciyo waayo islaamku labadaa wax ka dhexeeya ma ogola mana jiraan.

Wa ayo Barlamaanka xorta ahi?.Mase lala heshiin karaa ama lala xulafaysan karaa?.

Baarlamaanka xorta ahi waa “Waa garabka mucaaradka ah ee baarlamanka Empgathi, waxay ku doodayaan in la jabiyey jaartarka, iyagaa wax ka doortay C/yuusuf, misana ansixiyey C/geedi” bayankii shabaabka.

Waxaynu ognahay in jaatar sharci ah oo banii aadam dhigtay in lagu dhaqmaa oo ka allena laga tagaa ay tahay gaalnimo.

Waxaan shaki ku jirin in ay culimada ku shiraysa asmara badankoodu aamin sanyihiin in baarlamanka aan xorta ahayn ee baydhabo ay badankoodu gaalo yihiin oo waxaa arintaas fatwooday culimo waawayn, waxaa hadaba la yaableh waxa ay ku kala duwan yihiin iyo waxa kaasna loo gaalaysiiyay kana loo islaameeyey wuxuu yidhi allaah: “Ma gaaladiinanbaa ka khayrbadan kuwaas mase dambi la’aanbaa idiinku sugan kutubta” surat qamar ayah 43.

Waxaa laga yaabaa in ay dadbadani yidhaahdaan kuwani tikreega ma aysan keenin kamana raali aha laakiin kuwaasi waa ka raali iyagaana keenay, dadka sidaas leh waxaan leenahay kuwani waa kuwii ansixiyay in wadanka gaalo la keeno walaw gaaladaasi yaysan ahaan tikree, waa kuwii ansixiyay in dawladii islaamka ahayd oo jirta la keeno wadanka ciidamo ka socda wadamada aan ahayn safka hore ee urur goboleedka igad oo ah ciidamo kufaar ah si loo baabi’iyo cududii dawladaas, hadh iyo habeen wuxuu sharif xasan ku faanaa in uu san isagu keenin tigreega ee wuxuu ansixiyay ay ahaayeen ciidamada aan safka hore ahayn ee dawladaha igad ka tirsan, waxaan leenahay mar labaad labaduba laba gaal bay soo kala hogaamiyeen isku ujeedona way ka lahaayeen oo in nuurkii umada usoo baxay la bakhtiiyo oo kitaabkii alaah axdi qarameed lagu badalo iyo dimoqraadiyo ayay ahayd laakiin waa lagu soo kala horeeyey, ninka wadanka tikree keena iyo ka ugandes keenaa waa isku mid oo labaduba laba gaal ayay dalka keeneen xukunka ku dhaca ka tikreega keenana wuu ku dhacayaa ka ugandeska keenay, anagu ethopian ulama dagaalamayno in uu ethopian yahay oo ay cadaawad jinsi ahi naga dhaxayso  ee waxaan ula dagaalamaynaa in uu yahay gaal dalkeena kusoo duulay sidaas oo kale ugandeska, iyo gaalkasta oo wadan islaamkusoo duula oo qabsada.

Qaacido islaami ah ayaa waxay ahayd “Cibradu waa inta uu koobsado daliilku ee maaha in uu daliilku ku gaaryahay cidaa markaa uu ku dhacay xukunku”.

Sidaa aawaded waxaan afbuuxa ku lenahay cida raacday usuushii iyo qawaacidii asalka ahyd iyo nusuustii sharciga ahayd waa xarakada ashabaab almujaahidiin, Waxay ku sugnaadeen xaqa xiligii barwaaqada, waxay ku sugnaadeen xaqa xiligii dhibta iyo mashaqada, hadalkii ay shalay lahayeen wuxuu waafaqay kay manta ku dhawaaqeen, laakiin walaaladeena kale alle hasoo hadeeyee may waafaqin xaqa ee way baal mareen marka la eego masaladaas shirka.

Waxaan ogahay in inbadan oo walaalahyga iyo culimadayda ku shiray asmara ay aaminsanyihiin in dadka la badsado si loo guulaysto laakiin waxaa ka dhiman qaacido ay si fiican u fahmeen walaaleheena dhalinta yar ee ashabaab oo ah in badnaanshaha aynu badanahay in aynaan marnaba ku guulaysnayn, yaraanta ay tiradeenu yartahayna aynaan marnaba ku jabayn kuna hoogayn, laakiin sirta guushu ay tahay kolba sida aynu dariiqa toosan ugu sugnaano, in aynu nasri iyo guul ku helayno, sirta jabkuna ay tahay in markasta oo aynu dariiqaa kaleexano wallow aynu badnaanabee aynu jabayno hoogaynana, wuxuu yidhi allaah isagoo ka hadlaya inaan quwadu ina cajabin lana hadlaya saxaabadii rasuulka oo maalintaas quwadoodu cajabisay “ Iyo maalintii xunayn markay idin cajabisay badnidiinii oo aanay waxba idiin tarin, dhulkuna uu cidhiidhi idinku noqday isagoo balaadhan, ee aad dabada jeediseen idinkoo ordaya.” Surat tawbah ayah 25.

Waxaa cibro iyo wax ku qaadasho inoogu filan walaalo sideenan oo kale ahaa oo markay dariiqii ka leexdeen oo uu shaydaanku dacal ka tusay guulbeena ay leexdeen kuna dheceen hadaan wayn oon kazoo waaqsasho lahayn, waxaa tusaale inoogu filan walaleheenii muslimiinta ee reer masar siday u hoogeen markay la xulafaysteen taliskii jamaal c/naasir, waxaa tusaale inoogu filan walaaleheenii reer aljeeriya siday u hoogeen markii ay ka leexdeen tubtii toosnayd ee ay mareen sidii uu doonaayay gaalku oo ahayd dimoqraadiyad iyo doorashooyin baadil ah, waxaa tusaale inoogu filan walaaladeen xamaas iyo dhibta ka haysata markii ay dariiqa ka leexdeen, waxaynu ognahay oo dhul ahaan inoogu dhaw sidii ay midheheedii u dayacday xarakadii jihaadka ee ka jirtay dalka aad hada martida u tihiin ee Eretria markii ay odayaashii xarakadu la xulafaysteen daalimiintii mulxidiinta ahaa, sidii ay walaalahayga xarakada ashabaab ku sheegeen bayaankooda waxaan leeyahay dariiqu ma cusba laakiin waxaa maraya rag cusub.

Waxaan kusoo gabagabaynayaa baarlamanka xorta ahi wuxuu la xukunyahay kuwa jooga moqadisho, sida aan kuwaas loola xulafaysan Karin een loola heshiin Karin ee waxa inaga dhexeeyaa ay seefta tahay ayay kuwana leeyihiin, qofkii diidana waxaynu leenahay marlabaad siduu allaaah yidhi: “Ma gaaladiinanbaa ka khayrbadan kuwaas mase dambi la’aanbaa idiinku sugan kutubta” surat qamar ayah 43.

Qoraaladii hore ee Bilaal...

Bilaal hargeisaawi.
Bilaal_1985@hotmail.com 

Afeef: Aragtida qoraalkan waxaa leh qoraaga ku saxiixan

Faafin: SomaliTalk.com | Sept 18, 2007

Cadde Muuse oo Shaaca ka qaaday in ku "daalay" Madaxweynanimada
"waa waqtigii aan nasan lahaa.. anigu waan daaley.." Sidaas waxaa yiri Madaxweyanaha DGPL oo u waramayey idaacada Codka Maraykanka, waxa kale oo uu ka hadalay Batroolka..

Mutamarkii Minneapolis .... Ka akhri halkan.....

Qaybsigii Batroolka Soomaalida
Qoraalkii lataliyaasha shirkadaha KuwaitEnergy & MedcoEnergi ay  DFKMG magaalada Malindi ugu usoo bandhigeen June 12, 06, ee qaybsiga Batroolka Soomaalida, oo ku qoran:
PowerPoint ama PDF.

Xaqiiqada Dhabta ah ee ka dambaysa "Sharciga Batroolka Soomaaliyeed" Waa duudsin Khayraadka Shacabka Soomaaliyeed muddo 70-ka sano ee soo socota.. Waxaana la is weydiinayaa in Baarlamaanka DFKMG uu xeerkaas ansixin doono.... Akhri [Xog iyo warbixin]....