Waxaa yaaban waayeelkii hore, waxaa kadaran dhalinta
maanta, Waa yaabka yaabkiisee laysla wada yaabyee horta muqdishooy
yaa ku leh.?
Acww.
Burburkii waynaa ee Dowladii Soomaaliya kadib waxay ummadda
Soomaaliyeed ka burburtay wax kasta oo ummadi higsato ama ay gadaal
u dhigato, haddaan si kale u niraahno, waxay ummadda Soomaaliyeed
noqotay ummad aan meela u fayoobayn, hanoqoto xag Diin, Dad, Duunyo
iyo Dalba, iyadoo ay fara badan tahay dhibaatooyinka taagan
maalinkasta mudana in laga hadlo ayaa Waxaan Faaladeena u aragney
inay muhiim u tahay umada soomaaliyeed meel kasto ay jogaan in wax
looga sheego.
Hadaba
Sidaas oo ay tahaba Waxaa jira weli dadaalo lagu furdaaminayo
dhibaatooyinka haysta umada Soomaaliyeed gaar ahaan kuwa ku
hardamaya saaxada siyaasadeed, ha isku sheegaan kuwo dawlad aaminsan
ama diidanba. da’daalku waa mid ay si kaliya u wada yiraahdaan
caalamka oo idil, (waxaanu rabnaa Soomali midaysan oo nabad ah…)
Hadaba
bal aan wax yar dib Ugu laabano Taariikhdii
Sooyaalka dagaalka & Digashada sokeeye.
Tan iyo
intii ay xurnimada qaadatay Soomaliya waxaa jiray is haysasho iyo
Cabashooyin tira badan oo ay qabeen dadka soomaliyeed Guud ahaan,
waxaase mar walba eeda la saarayay cida haysay Mas’uuliyada Wadanka.
Welisa
lama weydiin Rabitaanka Muqdisho.
Soomalida oo ah dad isku isir iyo isku diin ah, waxaa adag in aad
kala saartid haddii aad tahay Ajanabi, balse waa suura gal in aad
ogaatid cida ay yihiin haddii aad la sheekaysatid. Aqoon darada iyo
waayo aragnimada ay ka maran tahay wadaniyada iyo dhowrsanaanta
Illaahay(SW) waxaa ay u horseeday in ay dhaxlaan duli iyo isnacayb.
Waxaa
maalin walba sii kordhaya dhibaatada iyo sii kala fogaanshaha ummada
iyadoo ay soo ifbaxayaan magacyo cusub oo leh astaan nacayb iyo duli
qabiil, waxaase ku lamaanan hogaanka astaantaa darajo xirfadeed
aanse lagu xoogsan sida (DR.ENG. AVV. COL. GEN: IWM) waa muhiim in
la sheegaa dhibka, hase ahaatee waa in marka hore la sheegaa cida
wada.
Caasimad
Caasimadaha aduunka marba meel ayaa lagu dayaa waxaa jirtay meelo
badan oo horay loogu isticmaali jiray caasimad, magaalooyin iyo
caasimado badan oo imika ah meelo lagu xasuusto oo kliya taariikh
ahaan. sida
Istanbuul, bon, Islamabad, iwm.
Ma aha
oo kaliya aduun weynaha waxa arintaas leh Soomaliya laftigeeda sida
lagu hayo taariikhda waxaa caasimad u ahaan jirtay 1402m magaalada
Saylac. Waxaa suurowda in aysan
lahayn
markaan soomali deeqin
muqdisho
mansab iyo maamuus midna,
mar
haddii ay dileen oo ay sumcad iyo muuq dileen dadkii deganaa marakan
magaalada muqdisho.
Waxaa
mudnaanta yeelanaysa meesha ay markaa suuragal tahay in ay ku
badbaadaan soomalida nabada rabta iyo inta u jeeda wadada
nabadgelyada,
Muqdisho. Waa magaalo taariikh leh isla markaana xog badan ka war
qabta welisa lama weydiin xogtay ogtahay waxaa ay usoo joogtay, oo
ay haysay oo ay xananasay inta soomali manta matasha ama rabta in ay
u taliso. Waa meel laga heli jiray nooc walba uu ahaan karo qof
soomali ah xumaan iyo wanaag, hase yeeshee baryahaan waxaa astaan u
ah,
Dil.
Dhac. Kufsi. Eex. Amni
xumo,Cadaalad
xumi.
Nadaafad xumi
Xoogsheegasho iyo hogaan la’aan.
Qabaa’ilka
Soomaliyeed ayaa mid waliba waxaa uu sheeganayaa dhib midka kale uu
ugeystay, dhibaatada waxaa ay isugu jirtay mid ay geeysatay dowlad
markaa jirtay oo aan lagu sheegi Karin in qabiil khaas ah uu ka
dabeeyay,, waayo qabiil waxaa ka dhasha dad kala afkaar duwan waa ay
adagtahay in aad dusha ka saartaa qabiilo dhan arin ay dhowr ama
koox ka tirsan reer ay sameeyeen.
mana
ayan soo marin soomaliya dowlad aysan u dhmayn soomaliya
qabaa’iladeeda
dhan.
Waxaa
in badan luntay taariikhdii hore soomali ay lahayd,
taariikhda cusub ee soomaaliya waa mid aan lagu dhiiran Karin in
lagu faano.
Hadaba
akhristoow Ma isweydiisay weli su’aalahaan iyo kuwo kasii badan
maxaadse heshay oo maxsuul ah….?
1.Yaan
dhibane ahayn Soomaaliya.?
2.U
fiirso meel walba cabashaa ka jirta
3.Kii
xitaa dhibka loo haystay waxbuu tabanayaa.
4.Wariyaasha iyo warbaahinta waa dhibane dhib wade.
5.Cidkastoo kusoo baxdaa Madaxweyne nama qanciso.
6.Waddamada oo idil waa noo cadow.
7.Maxaa haysta reer Muqdisho.
8.Yaa
leh Muqdisho.?
9.Yaa
Ku nool Muqdishow.?
10.Sheeg caasimada soomaliya 2020?
11.Yaa
kuu ah hogaamiye.mase jeceshahay mise…?
12.Maxaad wax u rabtaa ama aad u mucaaradaa ma reerkaaga dartiis, ma
wadankaaga mise dar alle.?
13.Maxaad ahayd 17 sano kahor.?
14.Maxaad ku salaynaysaa doodaada manta, ma dantaada mise tan guud.?
15.Siyaasigee shalay iyo manta isku si wax kuugu cabira.?
16.Siyaasigee lugta haya Soomaliya adigoon ku cabirin halbeega
Qabiilka.?
17.Ma
waxaad wax u sheegtaa halagu dhagaysto, halagaa faa’idaysto mise
lagu amaano.?
18.Maxaad ku eedaysaa siyaasiga aad necebtahay.? Kuna amaantaa kaa
jeceshahay.?
19.Side isku tihiin qaaranka reerkaaga.?
20.Weli wax ma siisay, deegaan dhib ka dhacay iyo qof dhiban, oo aan
ka dhalan qabiilkaaga adigoo weliba og.?
21.Sidee u aragtaa mustaqbalka Soomaaliaya 5 sano ee soo socota mid
soo hagaagi doonta mise mid ka soo daraysa. Adigase ma ka
qabqaadanaysaa wax kabedelka Soomaaliya.? Ma dumintaad ku qaybsan
tahay mise dhisida.?
22.
Dowlada maanta Ee DFKMG. Mataagersantahay.? Mase ka soo horjeedaa.?
Ma qabiilbaa mise si kale.
23.
Dowlad sidee u eg ayaad rabtaa in ay soomaaliya u dhalato adigoo
xiliga iyo waqtiga wax ku cabiraya.
24.
Yaa leh in uu yiraahdo dadkaan si siman wakiil uga ahay.?
25.
Maxaa shakiga keenay yaase u sababa.?
26.
maxay isaga
mid yihiin kacdoonada soomaliya ka dhacay sanadaddii ugu danbaysay,
ma duulaanka mise boobka dhulka, mise isbalaarinta guud.?
27.
maxaad ku taageertay Alshabaab, ama DFKMG.
28.
kahor Taageeridaada wixii aad wax qiimayn jirtay ayaad ka waan
towday. Ama cidii aad nacbyd baa weli dhankaa kasoo horjeeda weli
aad ka arkaysaa.?
29. ma
jirtaa in aad tahay siyaasi, mise waad un xiisaysaa.?
30.
maka soo horjeedaa Maxkamadaha iyo al shabaab maxay sababta tahay.?
31.
danyarta iyo saboolka maxaa looga saaraa dhibanayaasha soomaaliya
meelaha isfagaareynta iyo fadhi kudirirka.
32.
ninka shalay laga haystay beertiisa maanta in uu taageero DKMG xaq
ma u leeyahay.?
33. maxay Qabaa'ilada qaar ay ula tahay in wadanka la haysto halka
qaar kale ay la tahay in nabad ilaalin loo joogo.?
34.yaa u diidaan Muqdisho in ay Xasisho.?
37.Muqdisho sow ma ay ahayn fowdo 17sano maxaa haddeer ay ku soo
kordhiyeen Ciidanka DKMG iyo Ciddanka Ethipia iyo AU.?
38.Muqdisho yaa Qasaya, Burcad, Ganacsato,Qab qablayaal, Qabiilo
gaar ah, Midowgii Maxkamadaha, DKMG iyo Ajanabi kale.
39. qaran Soomaliya Sidee lagu heli karaa.?
40. Maxaa xal u ah Muqdisho haddeer.
Muqdisho waxaa ay ahaan jirtay caasimad lagu wada qanacsanaa intii
ay dhisantay, qoraaladii laga sameeyay intii ka horaysay dowlad
nimada illaa iyo waqtigii dagaalada sokeeye, waxaa aad u kala
duwanaa maa muuskeeda.
Manta
muqdisho soomalida sibay u aragtaa, aduunka intiisa kalana si buu u
arkaa. Muqdisho iyadana si ayay isu aragtaa.
Dowladnimo soomaaliyeed muqdishow waa meesha ay ka kici weysay
soomaalidana oo idilna ay ka dhaqaaqi la’dahay maxaa yeelay waxaa
ku nool dad lagu qiyaaso malyan iyo bar, laakiinse waa dad aan
lahayn hogaan midaysan ama hal qof oo loogu soo hagaago,siday doonto
ha ahaato maanta muwaadiniinta cusub ee soomaaliya waxaa horyaal in
u daneeyaan inta badan oo ay u sameeyaan taariikh cusub iyo
caasimad cusub soomaaliya. Muqdishow waa in loo daayaa meel
caalamka ku xasuustaan astaanta colaadeed lagana dhigaa maxfalka
dagaalka sokeeye ee ugu weyn.
Waayo
beni aadamka waxaa ay marwalba ka taariikh qaatan wixii la soomaray
ee farxad iyo murugo mid un reebtay. In sidaa loo qoraa ama la
yeelaa waa wax wanaagsan waayo waxaa ka faa’idaysanaya da’yarta iyo
jiillalka dambe ee dhaxli doona wadanka, waxaaa weli lagaran la
yahay cida sida dhabta ah loogu qorayo lahaanshaha magaalo madaxda
soomaliya ee Muqdishow. Weli lama weydiin rabitaanka muqdishow
haddii laweydiin lahaa waxaa suuragal ahaan lahayd in ay bixin
lahayd jawaab waafi ah, 45 sano kadib muqdishow ma aha nabadgelyo,
malaha madax, malaha muuqaal quruxbadan, malaha gaadiid dadweyne oo
bilicsan, malaha jidad, malaha wax lagu yaqaan caasimad oo aan ka
ahayn in ay weli tahay caasimadii wadanka.
Muqdishow waa meesha kaliya ee maanta ka jaawaabi karta inta madfac
eek u dhacday 17 sano gudaheeda iyo inta ruux ee Soomali ah ee lgu
dilay.
Halka
maagaalooyinkii horay ay dagaalada ugu dheceen aysan xasuusan Karin
in badan waayo waxaa laga dhayay dhaawicii iyo nabaradii dagaalka oo
maanta in ay bogsoodeen ayay isu haystaan,
taasi
waxaa ka daran dadka gabaadka kadhiganaya maatada kadibna ku ridaya
madaafiic cid ay ku dhici waayeen in ay ula dagaalamaan si bareer ah
oo iska soo horjeed ah.
Maxaase ay u tuuraan habeenkii madaafiicda. Ma saxbaa in ay
yiraahdaan madaxda DKMG waxaan ku jawaabaynaa madaafiic hadii nala
soo tuuro.
Dhibanayaasha waxaa ugu daran reer muqdisho, oo iyagu bur buray
Siyaasad ahaan iyo deegaan ahaanba.
waxaase laga yaabaa in ay dhibka ugu wacan tahay Magaalada Muqdisho
in laga dhigay Caasimada Soomaliya, Mase laga yaabaa in ay hagaagto
haddii laga bedelo caasimad nimo oo ay la sinaato magaalooyinka
kale.
Hadaba
akhristow adiga ahaan Maxaad ugu yaboohday dadka Soomaaliyeed marka
laga reebo intaad adiga shaqsiyan aad u qabsatay. Ma hubtaa in aad
ka fara maran tahay dulmiga ka jira wadanka????????
Intas ayaan hadlkeyga kusoo gabagabeynayaa oo wixi aan wanaajiyey
waxey ka sugnaatasy Allaah, wixi khalad ah oo qoreyna waa nafteyda
iyo sheydaan.
MOHAMED ISMAIL
mismacil@hotmail.com
mismacil@live.co.za
Cell: + 27 76 969 9516
Tel : + 27 11 837 0891
JHB RSA
NOLOSHA ADMIGA MAXAA U RAAXO AH
ACWW,
Qarnigan aanku jirno oo ah mid aduunyadu ku tartanto technolojiyada
iyo siyaasada si ay u gaadhaan nolol ka qurux badan tan ay markaas
ku jiraan dadkooduna uga saaraan dhibta si qof walba uu u helo
waxyaabaha daruuriga u ah nolosha bani aadmiga ayaa u baahan in laga
fikiro, waxaana dhihi karma waxaas oo dhan waxa sal u ah isbadalka
dad iyo duunyaba ku timaada aduunka aan ku noolnahay.
Hadaba Is badalku waa maxay ?.. Is badlku waa furaha horumarka iyo
najaxaada, laakiinse, waa daawo kharaar, waa caqabad ay adagtahay si
looga gudbo. Inaad dhaanto sida aad hadda tahay, waxay ku xirantahay
inaad is badasho. Haddii aad sii ahaato sida aad haatan tahay
tobanka sano ee soosocota, xaaladaada dhaqaale, caafimaad, jacayl,
farxad, waxay ahaanaysaa sida ay hadda tahay. Taas macnaheedu waxaa
weeye, waxba kuuma kordhidoonaan. Isbadal dhaqaale wuxuu u
baahanyahay is badal fikradeed, is badal shaqo, is badal xaalad, is
badal wadan, is badal qaab. Is badal caafimaad wuxuu u baahanyahay
ugu yaraan is badal cunto, is badal dhaq-dhaqaaq sida jimicsi iyo
wixii la mid ah. Wuxuu u baahanyahay is badal dareen, shucuur, sida
inaad murugta ku badasho farxad, caradana qosol, diidadana aqbalaad,
filan waagana faham. Guud ahaan is badal wuxuu leeyahay, is badal.
Naseexadii Nabi Ibraahim, CALAYHI-SAAM waxay ahayd Badal gurigaaga
xatabadiis. Wuxuu u sheegay wiilkiisii Nabi Ismaaciil CSM
Dhaqankeena reerguuraga ah wuxuu ku salaysan yahay inaan ka carro
gadisano haddii meesha aan daganahay ku filaan waydo dheefta xooluhu
u baahanyihiin ama cadawgeedu bato. Kawaran haddii aan ka cabsano
inaan ka guurno xiradaas ama meeshaas inagu xumaatay oo aan sii
daganaano bilo iyo sanado kale.
Oday
Soomaaliyeed ayaa la dardaarmay wiilkiisii. “Maandhow, reerka ka rar
xerada uu dagan yahay. Urar beel hebla. (Intuu sheegay meel ay isla
garanayaan magaceed.) Markaad reerka ku furto halkii uu dagi lahaa,
dadka u loog wanka hebal ah ee idaha ka mid ah. Wilkii wuu fahmay
dardaaranka aabbihi wuuna aqbalay inuu howshaas qabto, sidaas loo
sheegayna u qabto. Laakiin sida dabeecada noloshu tahay, waxaa
dhacay is badal aan lagu talagalin. Meeshii reerku daganaa waxaa ku
da’ay roob badan oo mihigaan ah. Waa wixii loo baahnaa. Waxaakale oo
jabay wan aan ahayn kii odaygu sheegay in reerka loo logo. Wiilku
wuxuu ahaa, wiil baari ah oo aad u tixgalinaya warka aabbihi.
Reerkii wuu raray. Wuxuu ku furay halkii geediga loo ahaa oo abaar
ah. Wankii uu aabihi u sheegay inuu reerka u qalana dhagta ayuu
dhiiga u daray. Waa bireeyay. Kiikale ee jabnaana guriga ayaa u dhex
yaalaa. Waxaas oo dhan wiilku dan kama galin waayo wuxuu raacayaa
amarkii waalidki. Addeecida waalidkuna waxay la mid tahay addeecada
Alle.
Kadib marka odaygu yimaado oo uu arko sida wiilkiisii howsha u
qabtay, waxaad dareemi kartaa waxa uu wiilku filanayo. Wuxuu
filanayay ammaan iyo abaalgud uu naftiisa ka dareemo, islawayni iyo
isku kalsoonaan. Dabcan qofkasta oo wax qabta wuxuu filayaa ama
rajaynayaa in waxuun uga soo noqdaan. Magac ama manfaco. Xataa marka
aan Alle caabudayno ama aan addeecayno waxaan filanaynaa abaal-marin
iyo isku-kalsoonaan xagga nafsada ah.
Laakiin wiilka muddiica ah, wuxuusan talada kudarin isbadalda
dabeeciga ah ee ka nolosha aadanaha iyo dabeecada. Taas oo u baahan
in lagu xukumo caqli iyo xikmad ee aan lagu xukumin wax mar hore la
sheegay ama lagu fikirayay. Sida qaanuunka dabeeciga keenayo,
wiilkii muddiica ahaa wuxuu helay wax ka duwan wixii uu filayay.
Aabbe, reerkii waan soo raray kadib markii roobku da’ay, wankiina
reerka ayaan u qalay, hase yeeshee midkale oo jaban ayaa inoo yaala.
Odaygii wuxuu arkay in wiilku fuliyay amarkii laakiin, uu waayay
awooda talo dhalinta iyo la qabsiga isbadalka xaaladaha. Wuxuu yiri
odaygu weedda murtida noqotay ee waartay. “Taladi ba’dayoow sow talo
kuuma dhalato”
Alle
wuxuu kuyiri quraanka kariimka ah: “Alle ma badalo xaalada ummadi ku
sugantahay ilaa ay badalaan waxa naftooda ku sugan”
Noloshaan adduunka waxaad heli kartaa ama arki kartaa, dad badan oo
xanuunsanaya, rafaadaya, xagga nafsada ka gubanaya, nolosha nacay oo
aysan raaxo u lahayn. Dadkaasi waxay u baahanyihiin sida ay yihiin
si dhaanta marka laga eego dhanackasta oo noloshooda ka mid ah. Isla
nafsaddaas xanuunsanaysa oo is badalka u baahan, waxaa ku adag inay
badasho waxa ku dhexsugan ee afkaar iyo dhaqan ah. Sida ay noqonayso
xaaladda dibadu waxay ku xirantahay xaalddaada gudaha. Markaad
gudaha iska badasho ayaad arki kartaa natiijo fiican ee dhinaca
dibadda. Dhinaca dibadda waxaan ulajeedaa, raaxada iyo wanaaga
naftaadu helayso iyo tayada nololeed ee aad ku nooshahay.
Waxa
adag oo dhibta badan ma aha inaad faqri ka baxdo oo, aad xoolo
hesho, ma aha waxa adagi inaad xarada iyo murugta ka baxdo oo aad u
baxdo farxad, jacayl iyo yididiilo cusub. Waxa adagi waa shirdiga
intaas oo dhani ku xirantahay. Shardigaas ayaa adag. Shardigaasi waa
inaad badasho xaaladda gudaha ee naftaada inata ayna is badalin
xaaladda dibada ee noloshaadu. Shardigaas wuxuu waafaqsanyahay
qaanuunka joogtada ah ee Alle ku maamulo caalamkaan. Sidookale Alle
wuxuu inoogu sheegay qaanuunkaas quraanka kariimka ah, sida aan kor
kusoosheegnay.
Dadku waa rafaadayaan sabtoo ah waxay ka baqayaan is badalka. Ma
jiro fasir kale oo muhiim ah, oo ku saabsan sababta dad badan u
rafaadsanyihiin caalamkaan aan kunoolaha dhexdiisa. Dhammaan wax
yaabaha kale ee laga yaabo in qiil looga dhigo faqriga iyo dulliga,
waa aragti aan xaqiiqo ku dhisnayn. Sida runta ah ee Qaanuunka,
tijaabada iyo sharciguba isku waa faqeen, waa ka cabsiga is badalka.
Tusaale ahaan: gabadhii reer baadiyaha ahayd ee uu soo guursaday,
Mucaawiye, gabaygii ka tirisay xanuunka nafsada dhexdeeda ah ee is
badalka ay ka dareentay. Gabadhaasi waxay ahay reer baadiye, laakiin
waxaa doonay oo guursaday, Asxaabigii Mucaawiye ibnu sufyaan. Gabay
kutubta lagu roray oo taariikhada galay ayay tirisay. Waxay tiri:
“Inaan xirto cabbaayadii reer baadiyaha, oo markaas ishaydu
qabowsato, ayaan ka jeclaan lahaa xirashada xariirta iyo sariiraha
la firaashay.
Maxay dadku uga baqaan isbadalka?
Wax
kasta oo soo kordhay waxay ku yimaadeen isbadal. Maadaama baahi
joogto ah jirto, waa lagama maarmaan isbadal joogto ah. Horumarkii
carabta waxaa sabab u ahaa is badal ay sameeyeen. Waxay ka wareegeen
shirkigii iyo jaahiliyadii waxay u wareegeen Islaam. Isbadal waa
lagama maarmaan, Isbadalku waa furaha nolol raaxo leh.
MOHAMED ISMAIL
mismacil@hotmail.com
Cell: + 27 76 969 9516
Tel : + 27 11 837 0891
JHB RSA