Aaway Culimadii Somaaliyee? | Daad
Allah ayaa mahad leh ,Naxariis iyo nabad galyo korkiisa ha ahaato nabigeena
Muxamed (scw)
Intaas ka dib hadaan u gudbo qoraalkayga anigu maahi qoraa laakiin waxaa igu
dhaliyey qoraalkaan kadib markaan jeclaystay in aan jawaab u helo arin wax
badan ku soo noqnoqotay miskaxdayda.
Sidaad wada ogtihiinba somaliya waxaa
dagaal ka bilowday 1991 dagaalkaas oo marba xaalad galijiray ugu
danbayntiina gaaray maantay oo ay Shacabkii soomaaliyeed gumaadayso Xabashi.
Hadaba dagaaladii somaliya horay uga dhici jiray oo u dhaxeeye Qabiilo aan
la aqoon wax ay isku haystaan ayaa waxaa dhaliil badan loo soo jeedin jiray
Culimada somaliyeed oo aan ka qaadan kaalintii ay ku lahaayeen oo ahayd in
ay umada dhexdhexaadiyaan anigu ma lihi Cumalimadeena sharafta leh raalibay
ka ahaayeen dhibaatooyinkaas laakiin waxaan ka wadaa may samayn wax dadaal
ah oo ay umada ku badbaadinayaan.
Hadaan ka gudbo wixii hore oo soomalida
dhexdeeda ahaa maantay arintu waxay soo gaartay in Xabashi gumaadayso
shacabkii soomaaliyeed
Xabashidu waxay wadanka gudada ugu jirtaa ku dhawaad hal sano halkaas sano
maan arkin wax wara oo ka soo baxay culimada somaliyeed way jiraan culimo si
shaqsiya u hadlay laakiin waxaan u jeedaa culimadu waxay joogaa gobalada
dalka oo dhan shacabkana ayagaa u ah culimo waxaan ka sugaynay hadal
midaysan iyo war saxaafadeed in ay ka yiraahdaan arimaha maantay ka socda
somaliya.
waxaan ka codsanaynaa Culimada soomaaliyeed hadaan nahay shacabka
somaaliyeed in ay ka hadlaan arintaan foosha xun oo wadanka ka taagan oo
dadka qayba si u qaadatay markaan leeyahay qayba si u qaadatay waxaan ka
wadaa in badan oo ka mida shacabka ama gobolo ka mida wadanka ayaa aaminsan
in aan wax jihaad la yiraahdo jiray ee la laynaayo dad nidaam diida halka
dadkalana aaminsanyihiin in waxa somaliya ka socdaa ay tahay diin la dirir
oo ay tahay in la jihaado isku soo wada duuboo Culimada somaaliyeed waxaa ka
sugaynaa oraah midaysa oo ka soo wada baxda Culimada kala jooga Hargaysa
Boosaaso Burco Garoowe Baladwayne Baydhabo Xamar iyo meelakaloo badan
sababtoo ah intaba waxaa ku sugan culimo waa wayn oo looga danbeeyo diinta
islaamka .
waxaa laga yaabaa in dadbadan markay qoraalkaan arkaan is
yiraahdaan ninka hadeer cadaynta u doonaya waxa soomaaliya ka socdaa waa
maxay laakiin waxaan u arkaa arin muhiima in culimadu Oraah midaysan ku
cadeeyaan arinkaan taasoo fududaynaysa in guul la gaaro.
wabilaahi towfiiq
A H Daad
ooyaye@yahoo.com
Afeef: Aragtida
qoraalkan waxaa leh qoraga ku saxiixan
Daabaco
Boggan | Print
Shan
ciidamada Itoobiya oo kufsaday gabar Soomaaliyeed
