Aqoon isweydaarsi ay soo qaban qaabisay wasaaradda Qorsheynta iyo Horumarinta oo lagu qabtay Baydhabo....

Aqoon isweydaarsi ay soo qaban qaabisay wasaaradda Qorsheynta iyo Horumarinta oo lagu qabtay Baydhabo....

DHEGEYSO: Sidii uu u dhacay Kulanka....

Aqoon isweydaarsi ay soo qaban qaabisay Wasaarada Qorsheynta iyo Horumarinta dhaqaalaha dalka oo ay ka soo qaybgaleen 31-ka Wasaaradood xoghayeyaashooda joogtada, isla markaanka looga hadlaadey Barnaamijka Horumarinta Dalka, Mabaadi’da guud ee saldhigga u ah Horumarinta Dalka, Qorshaha Istratejiyadda Guud ee Horumarinta Dalka, Horumarinta Dhaqaalaha iyo Adeegga Wax Soo Saarka, Horumarinta Fanka, Isboortiga iyo Dib u Furidda Garoonnada Cayaaraha , Golaha Murtida iyo Madadaalada , Sare u Qaadista Waxbarashada iyo Dayactirka Dugsiyada Dowladda, Xakameynta Mucaawinooyinka Raashiinka, Nidaaminta Waxqabadka Hey’adaha Aanan Dowliga Aheyn, Horumarinta Gobollada iyo Degmooyinka, Dib u soo celinta Hagidda Howlaha Wasaaradaha, Dib U Heshiisiinta iyo Soo Celinta Is-Aaminka, Xakameynta kharashka iyo Sameynta Keyd Dhaqaale, Sugidda Ammaanka iyo Nabadgelyada iyo Horumarinta arimaha Haweenka oo loogu diyaargaroobayo Qorshaha 2008-ada oo socdey 31 maalmood oo doodo maalmahaan uga socdey Hoteel Bakiin ee magaalada Baydhabo ayaa waxaa laysla gartey in loo qaybiyo shan qaybood 31-ka Wasaaradood xoghayeyaashooda joogtada ah.

Prof. Max'uud Max'ed Max'uud

Cabdishakuur Maxamed Gurey

Saleebaan Yuusuf

JamiiloSiciid Muuse

Samaan Maxamed

Qayb kasta waxay ka warbixisay waxyaabihii u qabsoomey, waxa harey iyo ujeedada qorshahooda dhinac kasta.

Ugu horeyn waxaa halkaasi warbixin kooban ka soo jeedisay Xogahayaha joogtada Wasaaradda Haweenka Marwo Jamiilo Siciid Muuse, waxaa keloo ka Hadley Xoghayaha joogtada Wasaaradda Beeraha Prof. Max'uud Max'ed Max'uud, sidoo kale waxaa halkaasi ka Hadley Md. C/shakuur Maxamed Gurey oo ah Xoghayaha joogtada Wasaaradda dalxiiska iyo duurjoogta, Xoghayaha joogtada Wasaarada Dekadaha iyo Gaadiidka Badda Saleebaan Yuusuf iyo Xoghayaha joogtada Wasaaradda Gaashaandhiga Md.Samaan Maxamed oo gunaanadkii ka Hadley arimaha siyaasada shan wasaaradood.

sidoo kale xubnahaan ayaa waxaa lagu wadaa in ay lakulmaan maalmaha soo socda Madaxweyne C/llaahi Yuusu,islamarkaana ay u gudbiyaan talooyin kusaabsan mabaadii'da guud ee dalka iyo ku dhawaaqista wasiirka koobaad.

Dhinaca kale marka aad eegto qaabka ay wax u wadaan xubnahaan ka kala socda 31-ka Wasaaradood ayaa waxaad moodaa in hawlihii ay qaban lahaayeen mustaqbalka dhow iyo ka fogba wafdigii dhowaan la kulmey Madaxweynaha, Gudoomiyaha Baarlamaanka, islamarkaana kulankii xubnaha Baarlamaanka kala qaybgaley dabayaaqadii Todobaadkii hore in ay iska soo hor jeedaan,waayo wafdiga yimid ayaa Ujeedadiisa lagu sheegey inay ahayd arimaha ay kuhawlan yihiin xubnahaan, waxayna gef weyn ku tahay in dall jira islamarkaana leh madax banaani iyo astaan lagu yaqaano, iyadoo madaxdoodii ay u dhan tahay ay ku soo dhiiradaan in looga warbixiyo ujeedooyinkiisa guud iyo kuwiisa gaar ah.

Iyadoo lagu sheegayo in ay ku tunteen waxyaabo badan oo ay doonayeen wafdigaan,tanina waxay muujinaysaa in jiritaankii dowladnimo uu halis ku jiro, islamarkaana DFKMG ay u muuqato wax loo meerinaayo dadnaha dowladaha dunida ka jira.

Mas'uuliyiinta kala duwan ee dalka waxaa mugdi uga jira waxa dowladaha dunida ay nagu leeyihiin iyo waxa aan ku leenahay, waayo Qaramada Midoobey waxaa ku midaysan dowlado kala duwan oo isugu jira jira kuwo saaxiibo la ah Soomaaliya, kuwo Arimaha Diinta kuwada walaaloobey iyo kuwo cadow ku ah jiritaanka guud ee dalka iyo dadka Soomaaliyeed, waxayna u soo magacowdaa Qaramada midoobey xubno aan wax dan ah ka lahayn jiritaanka iyo madax banaanida dalka Soomaaliya, islamarkaana u shaqeeya dowlado kale.

Laakiin arimahaan dhamaantood wax ka qabashadooda waxay u taalaa mas'uuliyiinta u heelan qabashada talada ugu sareysa dalka iyo lahaanshaha dhaqaalaha gaar ahaaneed oo aan moodeynin in waxa uun geysanayo ay halis ku tahay Ubadka dambe ee isaga ku abtirsanaya ee dhalan doona Boqolaalka kun sano ee soo socda.

Dhinnaca waxaa maanta la sugayaa in dalka dib ugu soo laabto madaxweynaha DFKMG Col. C/llaahi Yuusuf iyo Wafdi uu hogaaminayo,iyadoo ilaa iyo hada aan la ogeyn waxa ka soo baxaya safarkiisa.

DHEGEYSO: Sidii uu u dhacay Kulanka....

Maxamed Macallin Cismaan{All-man} Somalitalk Baydhabo.
fatxumaalik@hotmail.com