Dawlada Yemen oo shaacisey dagaal ka dhan burcad ah badeeda
Soomaalida.Xukuumada Yemen ayaa daboolka ka qaadey inay
diyaarisey hawlgal ka dhan kooxaha burcad badeeda Soomaalida, ee
mudooyinkii ugu dambeeyey sida weyn dhibaatooyinka afduubka iyo
weerarada ku hayey gaadiid badeedka ku gooshaya xeebaha Soomaalida.
Wargeyska Aqbaarul Yoom ee ka soo baxa wadanka Yemen ayaa ka soo
xigtey masuul ka tirsan ciidamada ilaalada ee wadanka Yemen in
dawladiisu ay diyaarisey ciidamo iyo doonyo dagaal oo dhawaan hawlgalo
ka bilaabi doona xeebaha Yemen iyo Soomaaliya si ay uga hortagaan
kooxaha burcad badeeda ah.
Masuul ka tirsan dawlada Yemen wuxuu sheegay in ciidamadii
hawlgalkaasi fulin lahaa ay hada ku jiraan tababar, isla markaana ay
heleen warar dhanka sirdoonka oo tibaaxaya halka ay ku sugan yihiin
kooxaha burcad badeeda Soomaalida oo mudooyinkii ugu dambeeyey sii laba
laabay hawlgalada ay ka wadaan xeebaha Soomaaliya.
Hawlgalkan ayaa waxaa sidoo kale qayb ka ah in lagula dagaalamo
doonyaha tahriibka geeya wadanka Yemen, iyadoo la sheegay in doonyaha
marka ay dadka tahriibka ah geeyeen xeebaha Yemen ay afduub kula kacaan
maraakiibta, sida uu sheegay masuul ka tirsan dawlada Yemen oo u
waramayey Wargeyska
Masuul ka tirsan maamulka Gobolka Banaadir oo ka badbaadey isku
day dil.
Masuul ka tirsan maamulka Gobolka Banaadir ee uu hogaamiyo Max'ed Dheere
ayaa maanta ka badbaadey isku day dil oo lagu doonayey in lagu
khaarajiyo.
Afhayeenka Maamulka Gobolka Banaadir Max'ed Muxiyadiin Cali ayaa
saaka waxaa lagu weeraray gaari oo watey miino dhulka lagu aasey.
Afhayeenka ayaa waxaa qaraxa lala beegsadey isagoo xiligaasi ka
baxayey guriga uu degan yahay, waxaana isagoo saxaafada la hadley uu
sheegay in weerarkaasi uu ka badbaadey isaga iyo dhamaan istaaftiisa ay
nabad qabaan oo aysan wax dhibaato ah ka soo gaarin qaraxaasi.
bashiir cumar cali
bashiir137@gmail.com
bashiir137@hotmail.com
Daabaco
Boggan | Print
Shan
ciidamada Itoobiya oo kufsaday gabar Soomaaliyeed
