Xoghayaha joogtada Wasaarada Arimaha Gudaha DFKMG Md. Xuseen Xaashi oo sheegay mudo 3 maalmood loo qabtey Miisaaniyada Gobolada iyo Degmooyinka Gobolada dalka in lagu soo diyaariyo

Xaflada lagu soo xirayo Siminaar Ujeedadiisu tahay diyaarinta miizaaniyada Gobolada iyo Degmooyinka 2008-da oo ay soo qaban qaabisay Wasaaradda Arimaha Gudaha, isla markaasna ay ka faa’iideysanayaan 25xubnood oo ka kala socda Isku duwayaasha D/hoose, Xoghayeyaasha iyo Xisaabiyeyaasha D/hoose ee Gobolada Baay iyo Bakool oo ay wax ka dhigayeen, Xoghayeha joogtada, Agaasimaha Guud, Kan Gobolada iyo Degmooyinka iyo Agaasimaha Deeqaha ee Wasaaradda Arimaha Gudaha, Xisaabiyaha Guud iyo Hanti dhowrka Qaranka ayaa lagu soo gebagebeeyey Magaalada Baydhabo.

Xoghayaha joogtada Wasaaradda Arimaha gudaha Md. Xuseen Xaashi

Xoghayaha joogtada Wasaaradda Arimaha Gudaha Md. Xuseen Xaashi oo aan wax ka weydiiney gunaanadkii siminaarka waxa ka soo baxay ayaa waxaa uu sheegay in Xiritaankii siminaarka uu ka soo qaybgaley Wasiirka Arimaha Gudaha DFKMG Xildhibaan Max’ed Max’uud Gacma dheere waxaa uuna kula dardaarmey buu yiri “in miizaaniyada Gobolada iyo Degmooyinka lagu diyaariyo mudo seddax maalmood ah, Mas’uuliyiinta Maamulada Gobolada iyo Degmooyinka kale ee dalka la siiyo tababaro noocaan oo kale, waxaa keloo laysla gartey habka loo maamulo dakhliga, Kharashaadka, cida awooda u leh sixiixa iyo habka wada shaqeynta D/hoose, islamarkaana la abuuro ilo dhaqaale Gobolada iyo Degmooyinka, lagun sahqeeyo shuruucda miizaaniyadaha iyo xisaab xirka D/hoose”.

Sidoo kale Md. Xseen Xaashi wuxuu keloo sheegey in xiritaankii siminaarka ay ka Hadley Xisaabiyaha Guud, Hanti dhowrka guud iyo xubno ka socdey Haweenka Gobolka Baay, lana doonayo in qaybaha kale ee labaad iyo seddexaad loo qaban doono Gobolada Gedo, Galgaduud, Hiiraan iyo Sh/dhexe, halka midka seddaxaadn loo qaban doono labada Jubba iyo Sh/hoose waqtiyada inagu soo aadan.

Laakiin marka aad eegto qaabka hawlahaan u socdaan ayaa waxaad moodaa mid ku kooban afka mas’uuliyiinta DFKMG oo marka goobaha shirarka laysugu yimaado ay soo jeediyaan oo keli ah, mana jiro wax tilaabo kale oo la qaado oo aan ahayn siminaarada kala duwan ee ay Hay’adaha Deeq bixiyayaasha ugu bislaynayaan qandaraasyadooda, kuwaaso caqabado hor leh dalka u keena, islamarkaana burburiya hadafka iyo ujeedada guud ee dalka iyo dadka Soomaaliyeed, balse la arkidoonee halka ay ku dambeyn doonaan arimahaan isku maran ee hadana u wada jidbeysan qabashada xilallka kala duwan ee dalka oo aan waxba loogu qaban.

Maxamed Macallin Cismaan{All-man}Somalitalk Baydhabo.
fatxumaalik@hotmail.com