Dimishiq: Iyadoo muddooyinkii ugu danbeyey 17sano ee aynu ka soo gudubnay  dalka suuriya ahaa marinka ay Soomaali badan ka galaan dalalka Yurub iyaga oo sii dhex maraya dalka Turkiga ,soomaali badan oo maanta daafaha aduunka ku kala noolina Marinkoodu halkaas ayaa ahaa ayaa waxa muddooyinka soo badanaya dadka soomaaliyed ee laga soo qabanayo xuduudaha dalalka suuriya iyo turkiga. 

Dhacdadan Ugu danbaysay oo lagu soo qabtay dad gaadhay 70 qof ayaa ka duwanayd siyaabihii hore ee dadka lagu soo qaban jiray marka ay xadka ka gudbayaan  oo Muhaajiriinta  inta badan la soo qaban jiray marka ay xadka Suuriya ka gudbayaan, iyada oo qofka ka gudba xadka Suuriya ee markaa u talaabo dalka Turkiga uu hore u sii wadan jiray xataa haddii la qabto oo muddo kooban lagu hayn jiray xabsiga Turkiga, lana siidayn jiray. 

Soomaalida badankooda ayaa sheegan jiray in ay ka soo talaabaan dalka Ciraaq oo ay markaasi adkayd in dib loogu celiyo, waxaa hadda dhacdadan lagu qabtay Soomaalida tirada badan ka danbaysa markii dalka  Ciraaq xuduuda uu la laeeyahay Dalka Turkiga aad loo adkeeyey taas oo ay sababtay Dagaalka ka dhex qarxay Ururka mucaardka ee kurdida iyo ciidanka dalka Turkiya, aadna loo ga warhayo dadka ka soo talaaba iyo wixii markaas  dhadhaqaaq socda xuduuda laba dal. 

Waxaana la ogaaday in dadkani badankoodu ka soo Talabeen dalka Suuriya taas oo keentay in gudaha dalka Turkiga dhamaantood laga soo celiyey, waxaa iyaduna ayaamahan xidhiidhkoodii hagaajiyey labada dale ee Suuriya iyo Turkiga oo aad uga wada hadlay adkaynta xuduudaha laba dal, ka dib booqasho uu madaxweynaha dalka Suuriya Bashaar Al-Asad ku tagey dalka Turkiga. 

Dhinaca kale guddoomiyaha Jaaliyadda Soomaalida ee dalka Suuriya C/raxmaan Aadan Cali ayaa saxaafadda u sheegay in dadkan qayb ka mid ah magacyadooda la hayo, xaaladooda Caafimaadna ay wanaagsan tahay, ayna jiraan qaybo kale oo la soo wado iyagana , waxayna dhamaantood haatan ku sugan yihiin xabsiyada dalka suuriya, waxaana dadkan dib loogu celinayaa dalka Soomaaliya. 

Wuxuuna intaas ku daray in dadkan badankoodu ay yihiin dadkii ka soo barakacay dagaalada Muqdisho ka socda oo intooda badanina ay yihiin dhalinyaradii Muqdisho,waxaana uu sheegay in dadkan aan laga soo saari Karin xabsiyada , dhibaatana ay ka haysato dadka qaraabada u ah dadkan xidhxidhan oo iyagu raadinaya in dadkan aan suuriya la dhaafin oo la soo dayo, taasina ay adag tahay, dalka suuriyana qofka tahiirabaa uu ka yahay danbiile, maxkamadna la soo taago farahana laga qaadayo dalkana laga masaafurinay, muddo shan sano ahna aanu dib u soo gali Karin.

Asad Caddaani Ibraahim

Suuriya

asadlaska@hotmail.com