Mukhtaaar Gundid
gundid@gmail.com

Dad badani waxay u arkaan in qabsashada Itoobiya awgeed ay udhamaatay Soomaliya oo ay mugdi gashay,laakiin anigu taas aad baan uga duwanahay.

Soomaaliya inkasta mar uu maamul dawladeed jiray iyo mar dagaal ahli ahiba uu socday,laga soo bilalabo 1986 kii,markii ay heshiis kusaabsan Ogaadeenya laa gashay Itoobiya,waxay ahayd mid haysa wadada burburka.

Dagaalkii sokeeye markii uu bilawday 1991 kii ilaa Decembar 2006 kii Soomaaliya malahayn waji loogu hagaago,oo waxaa uun socday hardan ay dad ehel ahi isku aakharo seegayeen,marka majirin waji loo galo ama malahayn macne la akhrin karo,markii nin walba uu qori Zuu ah iyo xabbad Baroon ah yeeshay dadkii Soomaaliyeed waxa uu noqday labo qolaba maalin ha isheleen.

Waxaa layidhaahdaa xanuuka kuhaya oo la gartaayi waa dawada badhkeed,marka maanta waxaan dhihi karaa dawadii Soomaliya badhkeed ayaa lahelay mar hadii lagartay cududka hayaa in uu Yahay ( Gumaysi).

Maanta hadaba waxaa banaan kaalin uu kaga aadi karo wadanigii Soomaaliyeed ee laga yaabo in uu garwaaqsanaa in colaadda sokeeya ay sabateeda ama hurinreedaba Itoobiya lahayd,kol hadii iyada lafteediiba ay soo xaydatay oo ay muujisay cadaawadeedii maguuraanka ahayd.

Waxaa yaraha muuqata in Soomaalidu wali ayna ku qancin in dadkoodii uu kujiro gacan gumaysi,oo loo baahan yahay in uu bilawdo dagaal gobonimodoon oo udhexeeya Gumayste (Itoobiya ) iyo lagumayste (Soomaaliya) oo aan la dhayalsanin xaaladda ay Itoobiya kugashay Soomaaliya.

Dadka qaar ayaa waxaad ka maqli Itoobiya way ka bixi doontaa Soomaaliya,waxaa xaqiiqo ah Itoobiya hadii aan xanuun lagaga saarin in ayna iyadu iskeed ayna uga baxaynin.

Soomaalidu waxay gali doontaa halgan adag oo naf badan lagu waayo,waxayna hanan doonaan ciiddooda oo xor ah,hadii ilaahay idmo,kadibna baalmaanka xalaasha ahi waxa uu ka dooni doonaa in calanka wada buluuga ah lagu daro dhud dhiig ah.

Mukhtaaar Gundid
gundid@gmail.com

Afeef: Aragtida qoraalkan waxaa leh qoraaga ku saxiixan

ODOROSKA MUSTAQBALKA ITOOIYA IYO GEESKA AFRIKA | Gundid