Wararkii Caalamka:::
Jun 10, 2007
Xamiid Karzai-ga Afgaanistaan oo ka
badbaaday weerar lala beegsaday
Madaxweynaha dalkaasi Afgaanistaan Xamiid Karazai ayaa ka badbaaday weerar
lala beegsaday xilli uu booqanayey iskool wax luugu barto. Xamiid Karazai
ayaa waxaa booqasho ku tagay iskool ku yaala tuulada la yiraahdo Miri oo ka
tirsan gobolkaGhazni oo xagga koonfur galbeed ka xigta 20 mayl magaalada
caasimada ah ee Kaabuul, waxaana la sheegay inuu u qudbadeynayey dad kor u
dhaafay 500 ruux kuwaasoo uu kala hadlayey arrimaha deegaanka.
Afhayeen u hadlay dowladana waxaa uu sheegay in sedex gantaal lugu soo
tuuray mid kamid ahina sida uu sheegayo sawir qaade ka tirsan wakaalada
wararka AFP uu ku qarxay meel u jirta dhismaha uu joogay madaxweynaha 150.
Ciidamada Mareykanka ee iyaga ku sugan dalkaasi oo ilaalo ka hayey halka
shirkaasi ku qabanayey Xamiid Karai ayaa sheegay in labo gantaal la soo
tuuray kuwaasoo mid kamid ah aan qarxin halka kan kalena la qarxiyey.
Dhinaca kalenna afhayeen u hadlay Taliban ayaa sheegay iney gameen
dhinacooda 12 gantaal kadib markii uu soo gaaray warar sheegaya in
deeganadasi uu booqanayo Xamid Karai. Sanadihii ugu dambeeyey Xamiid Karai
waxaa uu ka badbaaday isku day labo jeer lugu qaarajin lahaa.
Dad gaaraya 600.000 oo ku guryo beelay roobab ka da'ay dalka Shiinaha
Ugu yaraan dad garaya 66 ruux ayaa la runsan yahay iney ku dhinteen halka 12
ruux kalena lugu weynsan yahay kadib markii roob mahiigan ah ay ka da'een
koonfurta dalkaasi. Dad lugu qiyaasay 600.000 ayaa ka cararay guryahooda
dabeylaha iyo roobabka xooga leh ee dalkaasi ka da'ay. Dhinaca 48.000 oo
guri ayaa burbur soo gaaray halka boqol kun oo ruuxna ay dhaawacyo soo
gaareen. Dhul beereedyo 300.00 oo hekto ayaa iyagana roobabkaasi wax
yeeleeyaan. Dowlada dalkaasi oo qiimeyn ku sameysay qasaarahaasi roobaka ay
geysteen ayaa ku tilmaamay adduun xoog leh. Afar maalmood oo isku xigta ayaa
waxaa dhanka koonfureed ee dalkaasi ka da'ay roobab xoog leh oo dadkii iyo
duunyadii waxyeelo u geystay.
Jun 9, 2007
Sergej Ivanov: "Hormarka dhaqaalaha ee
Raashiya waxaa hortaagan musuq maasuq ka jira"
Dalka Raashiya ayaa hormar xagga dhaqaalaha oo ay ku talowsan laheyd waxaa
hortaagan musuq-maasuq hareeyey. Hadalkan waxaa yiri ra'iisal wasaaraha ku
xigeenka dalkaasi Sergej Ivanov oo ka waramayey xaflad furitaanka shir looga
hadlayey dhaqaalaha oo ka furamay gobolka S:t Petersburg. Waxaa kale oo uu
sheegay in sanadka 2020-ka marka ay tahay ay dalkiisa kamid noqon dalalka
dunida hogaamiya dhaqaalaha iyadoo hanaan dimoqraadiyadeedna ku saleysan
tahay.
Ra'iisal wasaare ku xigeenka dalkaasi ayaa dhinaca kale la runsan yahay inuu
yahay nin heysta fursad qaali ah hogaaminta dalkaasi marka xilka uu ka dago
madaxweynaha haatan talada haya ee Vladamir Putin.
Australia oo lix qof ugu dhinteen Dabeylo ka dhacay
Ugu yaraan lix qof ayaa la runsan yahay iney ku dhinteen dabeylo ku dhiftay
dalkaasi Australia dhinaciisa koonfureed.
Magaalooyinka waaweyn oo ay kamid tahay magaalada caasiamda ah ee Sydney
ayaa waxaa soo gaaray waxyeelo xoogan taasoo sababtay in ka badan 200.000 oo
guri ay korantada ka go'do. Dadka shacabka ah ee dabeylahaasi ka baxsanayey
ayaa qaarkood waxaa ay kahaleeshay buundada korkkooda kuwaasoo ay oo horey u
sii kaxeysatay.
Imaamyada Norway oo ka hadlay qaabkoo digaaga dalkaasi loo xaleeyo
Imaamyada muslimiinta ah ee dalkaasi Norway ayaa walaac ka muujiyey qaabka
loo xaleeyeyo digaaga muslimiinta cunaan ee xalaasha ah. Waxaana ay
dadweynaha u sheegeen ineysan cunin xitaa hadey ku taalo "halal". Amuurtan
ayey imaamyada isku raaceen in digaagada la suuxiyo ka hor intaan la
gowracin waxaana ay sheegeen in talaabadaasi tahay mid aan waafaqsaneyn sida
islaamku farayo.
Wargeyska la yiraahdo Aftenposten oo amuurtan wax ka qoray ayaa sheegay in
imaamyada ay ku wargeliyeen hey'ada u qaabilsan cuntada iney baaritaan ku
sameyso balse ay hey'adu ay sheegtay in qaabka muslimiintu wax u gowracdaan
aysan mid qorshahooda ku jirtay. Gudoomiyaha gollaha muslimiinta dalkaasi
ninka la yiraahdo Shoaib Sultan waxa uu sheegay in arintu aysan aheyn mid
hal dhianac ah balse tahay mid dowladood oo u baahan in wax laga qabto.
Waxaana uu hadalkiisa ku daray intaas in 20% digaaga la suuxiyey ka hor
intaan la gowracin waxaana ay kala hadleen hey'ada cuntada dalkaasi si
jawaab uga bxiso balse waxaa uu sheegay iney helaan jawaabo kala duwan
islamarkaasina ay baahan yihiin ciddii ay si rasmi arrintan kala hadli
lahaayeen.
Xarunta lugu gowraco digaaga ee la yiraahdo Elverum ayaa laga soo weriyey in
hanaankaasi digaaga u gowracaan, dhinaca kalena ninka u qaabilsan arrimaha
warfaafinta Ellen Flų Skagen ayaasheegtay in haddii dowlada ay amuurtan wax
ka qabaneyso ay dhinacoodana diyaar u yihiin. Arrintana waa markii ugu
horeysay ee dalkaasi ka dhacdo. Lamana oga saameynta ay ku yeelan kareyso
muslimiinta dalkaasi haddii dowlada aysan wax ka qaban weydo.
Jun 8, 2007
Warbixin soo sheegay in CIA-du ay si
qarsoodi ah garoomo Yurub ku yaal u adegsatay
Inkastoo warbixinta amuurtan la xirriirta horey loo shaaciyey xukuumada
Washington-na aysan bixin wax hadal ah oo lugu qanci karro ayaa ugu
dambeyntii gudi ka tirisan Komishinka Yurub waxaa ay sheegeen iney hayaan
cadeymo la xirriira in saraakiisha sirdoonka Mareykanka ee CIA-da loo
yaqaano ay si qarsoodi ah duulimaadyo ay ku soo daabulayeen dad u badan
muslimiin lugu eedeyey iney yihiin Argagxiso uga sameysay garoomo ku yaala
dalalka Yurub gaar ahaan kuwa bari. Gudiga Komishinka Yurub oo muddo sanad
ku dhawaad arrintan baaritaan dheer ku sameeyey ayaa waxaa ay sheegeen in
haatan ay hayaan cadeymo rasmi ahwaxaana dalal ay kamid yihiin Polan iyo
Romaniya oo farta ku godan tahay ka qeyb qaadashooda buuxda ee amurtan iney
kaga soo jawaaban eedeymahaasi.
Xildhibaan u dhashay wadanka Swetzerland oo magaciisa la yiraahdo Dick Marty
ayaa xaqiijiyey in kumanaan duulimaad oo lugu soo daabulayo dadkaasi
argagaxisada lugu tuhmay ay ka dhaceen gayiga qaaradan Yurub iyagoo iskaashi
caalami ah yeeshy kuwaaso laga soo bilaabo qaarada, Eeshiya, Laatin Ameerika
iyo Afrika. Xildhibaankan oo ah isagu ah ninkan howshan hormuudka u ah ayaa
sidoo kale tibaaxay dalalka ku yaala qaarada ay ogaal buuxa u lahaayeen
waxyaabaha ay CIA-du ka fulineyso dalalkooda.Waxaana uu intaasi ku daray
iney jiraan xabsiyo qarsoodi ah oo dadkaasi la tuhmayo lugu wareysan jiray
kuwaasoo misna ka baxsanaa qawaaninta caalamiga ah. Waxaana dhacda buu yiri
in "tacadiyo iyo jir loo geysto iyagoon ogeyn waxa lugu soo xiray".
"Waxaa jira haatan cadeymo buuxa oo la xirriira in xeryo qarsoodi ah oo ay
CIA-du ku howlaneyd ay jireen sanadihii 2003-ta ilaa 2005-ta, waxaana kamid
ah meelaha xabsiyadaasi qarsoodiga ah laga hirgeliyey Polan iyo Romaniya"
ayuu yiri Dick Marty oo warbixin ka kooban 72 ka diyaariyey. Warbixintiisa
waxaa kale oo ku sheegay in Khalid Sheekh Maxamed oo ay CIA-du aaminsan
tahay inuu ahaa maskaxdii ka dambeysay qaraxyadii Mareykanka in dalkaasi si
qarsoodi ah loogu hayey ka hor intaan loo duulin xabsiga Guantanamo ee
jaziirada Kuba.
Labadan wadan ayuu sidoo kale Marty ku sheegay iney qeyb weyn ka qaateen
qorshah CIA-da ee ku saleysan" dila, soo qabta, ciqaaba "argagaxisada laga
shakisan yahay". Romaniya waxaa sidoo kale uu ku sheegay warbixintiisa "Iney
ku faraxsaneyd taageeradii ay siiyeen Mareykanka" "Waxaanu heynaa cadeymo
buuxa oo muujineysay sida hogaanka sare ee dalkaasi ay ula socdeen
howlagalada sharci darada ah ee dhulkooda laga fuliyey" ayuu yiri Marty oo
muujiyey sida labadaasi dal ay u noqdeen gacanta Midig ee Washington iyo
amuuraha ku taxaluqa argagaxiso la diririka.
Xukuumada Romaniya waxey isla maantaba ka jawaabtay warbixinta gudiga
komishinka Yurub waxaana ay ku tilmaameen kuwo aan sal iyo raad toona laheyn
cadeymaha la hadal hayana ay yihiin kuwo aan sugneyn. Dhinaca kale wasiirka
gaashaadhiga dalka Poland Jerzy Szmajdzinski oo isaga laftiisa farta ku
fiiqday warbixintu ayaa iska fogeeyey eedeymahaasi mar uu waramayey
wafidiyeenadana waxaa uu sheegay in arrintu tahay "Mid lugu dhuminayo waqti
iyo maaliyad".
Ugu dambeyntii warbixinta waxaa kale oo ay gaashaanbuurta Nato ku tilmaamtay
kuwo fududeeyey howlagalada CIA-da ee Yurub ka sameysay. Baarlamanka Yurub
ee Bryssel waxaa ay warbixintan ku tilmaameen "mid uurkutaalo leh" Ninka
midowga Yurub u qaabilsan su'aalaha la xirriira amniga Franco Frattini waxaa
uu labadaasi dal ka codsaday iney si deg deg ah ula yimaadaan cadeymo la
xirriira "xaqiiqda" xubnaha kale ee bahwadaagta ahna waxaa ku buuriyey iney
la shaqeeyaan Gudiga komishinka Yurub tanoo iyadana mr Marty uu sheegay
ineysan marnaba iman.
Mid kamid ah shaqaalaha Q M oo
musuq-maasuqnimo lugu soo eedeyey
Mid kamid ah shaqaalaha Qaramada Midoobey ayaa lugu soo eedeyey wax
isbamareyn ku tagrifal howlaha Qaramada Midoobey. Ninkan oo u dhashay
wadanka Hindiya, magaciisana la yiraahdo Sanjaya Bahel ayaa lugu eedeynayaa
in nin ay saaxiibo ahaayeen u sahlay kontoraad adduun dhan 50 malyan oo
dollar. Ninkan oo sanadkii hore dacwadiisa la qaaday ayaa ku sigtay in 90
sanno lugu xukumo balse waxaa uu ku dooday saaxiibkiis uu siiyey oo keliya
warbixin u sahashay saaxiibkiis in shirkadiisa ay iydana wax ka hesho
dhaqaalahasi. Xaalka ninkan ayaa haatan loo wareejiey Mareykanka Xoghayaha
guud-na waxaa uu hadal uu bixiyey ku sheegay inuu ku qanacsan yahay
cadaaladana ay banaanka timid. Ninkan eedeysanaha oo haatan kiiskiisa
hortaalo maxkamad ku taala Mareykanka ayaa qarka u saaran in xabsi dheer
muto.
Jun 6, 2007
Fidel Castro oo wareysi TV ah bixiyey
Madaxweynaha wadankaasi Kuba ee indhawaaleba xaaladiisa caafimaad liidatay
muddana cisbital ku yaala dalkaasi ku jiray ayaa waxaa uu bixiyey wareysi
xaga telefeyshinka ah. Castro oo muuqaalka sawirkaasi laga daawaday
telefeyshinka waxaa uu muuqday mid xaalaadiisa ay wanaagsan tahay
muuqaaladii hore . Wareysiga telefishineedkan oo la qaaday maalintii
isniinta sida uu ku waramayo telefeyshinkasi ku hadla afka dowlada ayaa
waxaa uu ka hadlay booqashadii dhawaan ugu yimid madaxweynaha wadankaasi
Veitman Nong Duc Manh oo ay labaduba yihiin hogaamiyeyaal mabaa'diida
shuuciga ku maamula dalalkooda.
Telefeyshinku inkastoo aan si rasmi ah u shaacin waxey labadan hogaamiye ka
hadleen hadana waxaa muuqata in muuqaalkaasi ahaa mid lugu beeninayo hadalo
daacayad ah oo saxaafada reer galbeedku ka qoreen hogaamiyehaasi. Feidel
Castro muddo haatan sanad laga joogo ayaa waxaa la soo deristay xaalad
caafimaad darro ah taaso keentay in xukunka uu ku wareejiyo walaalkiis Raul,
qaliino badan oo xagga caloosha ah loogaga sameeyey.
Bush oo weeeraray Shiinaha iyo Ruush-ka
Madaxweyne Bush-ka dalkaasi Mareykanka oo haatan socodaalo ku bixinaya
qaaradan Yurub ayaa waxaa uu cambaareeyey siyaasadaha dalka Shiinaha iyo
Ruushanka. Hadal uu shalay ka jeediyey magaalada Prag ee xarun u ah
wadankaasi Czech ayuu wuxuu si daran u cambaareeyey. "Ruushanka waxey beri
hore balan qaadeen qorshe ay ku adkeynayeen hormarka shacabka, laakin taasi
markey hakad kutimid waxaa soo baxay walaac ah iney dimoqraadiyada ay hormar
sameyn weyso." ayuu yiri Bush oo ka hadlayey kulan loogaga hadlaayey
Dimoqraadiyada iyo xaquuqda uu leeyahay qofka muwaadinka reer galbeedka ah
isagoo dhinaca kalenasocdaal uga bilaabatay dalalka Yurub oo maanta uu ka
furmayey shirkii dalalka la baxay G8 ee xagga wax soo saarka ku hormaray
kaasoo ka furmayey dalka Jarmalka . Sidoo kale waxa uu ka hadlay hormarka
xagga dhaqaalaha ee dalka Shiinaha ku tilaabsaday."Hogaamiyeyaasha Shiinuhu
waxey aaminsan yihiin iney sii socon kareyso dhaqaalaha dalka ee lafuray
iyadoon aan lafurfurin hanaanka siyaasadeed" ayuu yiri madaxweyne Bush oo ay
ka muuqatay xamaasad xilli uu hadaladaasi jeedinayey.
Dhinaca kalena waxaa uu ka hadlay gantaalada yaalada dalkaasi Czech iyo
Polan ee muranka haatan ka dhaliyey Washington iyo Mascow. "Dagaalkii
qaboobaa waa uu dhamaaday, Ruushkana maahan iney ka cabsadaan qorshaha
gantaalada" ayuu yiri Bush oo intaasi sii raaciyey in dhigiisa Putin ay ku
kulmi doonaan shirweynaha G8 ee maanta dalka Jarmalka ka furmay."Fariinteyda
waxey ku socotaa Vladamir,isaga ayaana la hadlayaa. maxaadan noola
shaqeyneyn, mana u baahnid inaad ka baqdo hanaanka difaaca gantaalaha?
Waxaad noo soo dirtaa, jeneraaladaada si ay u eegaan hanaanka ay gantaaladan
u shaqeeyaan soona dir qubaradaada xagga seyniska" ayuu yiri misna Bush oo
si weyn hadaladaasi jees jeeska ah u jeediyey dhigiisa Raashiya.
Madaxweynaha Ruush-ka ayaa kal hore waxaa uu gantaalahaasi ku tilmaamay kuwo
lugu daan-daansanayo waxaana meesha ka saaray hunu-da ah inuu difaacayo
gantaalo laga yaabo iney Iiraan yeelato kuwaasoo u dhigma kuwa Mareykanku
hadalyo.
Shirkii G8 oo dalka Jarmalka ka furmay iyo xiisad hareysay
Inkastoo kulankani ahaa mid siweyn loogu diyaar garoobay qabsoomidiisa
hadana waxaa hareeyey xiisad hordhac aheyd taasoo ku aaadan gantaalaha
difaaca ah ee labada dowladood siyaalo kala duwan uga hadleen iyo heshiiskii
cimilada ee "Axdigii Kyota" oo Mareynku ka cago jiidayo.Waxaana qorshaha
shirkani ahaa mid ajandahiisa looga hadlo isbadalka cimilada iyo dhimista
qaaca sunta hawada loo diro. Xukuumada Washington waxaa ay diiday iney ugu
yaraan 50% yareyso wasaqda hawada loo dirro. Balse kulankan ayaa
warfidiyeenada jooga halkaasi kasoo sheegeen in labada hogaamiye ay hadalo
ad adag is dhaafsadeen.
Putinka Raashiya waxaa uu ka digay gantaalaha Washington damacsan tahay iney
ka sameyso Czech iyo Poland kuwaasoo horey saldhigyo uga ahaa dalkii Midowga
Soofiyeeti ee burburay,waxaana uu sheegay inuu bartilmaameedsan doono hadaan
dib looga laaban inkastoo qudhiisa uu dib ka muujiyey dabacsanaan hadana
waxaa uu tilmaamay iney qarateeda leedahay.
Hogaamiyaha Britian-na waxaa uu labada dowladooda ka codsaday iney yeeshaan
wadahal ku saleysan daacadnimo soo looga hadlo arrimaha ay isku hayaan.
Wararkii: June 5, 2007
Garsoore Mareykan ah oo diiday in
dacwad lugu soo oogo labo kamid ah maxaabiista Guantanamo bay
Garsoore Mareykan ah ayaa gaashaanka u
daruuray in wax dacwad ah lugu soo oogo labo maxbuus oo ka tirsan
maxaabiista xabsiga Guantanamo bey ee jaziirada Kuba. Garsoorahan ayaa
sheegay in darawalkii Sheekh Usama Bin Laadin ee magaciisa la yiraahdo
Saalim Axmed Xamdaan aysan aheyn mid aqbal ah. Waxaa uu sidoo kale sheegay
garsoorahan in dowlada aysan la iman cadeymo buuxda o la xirriira ninkan in
ku dhaqaaqay "fal sharci darro ah ama dagaal cadowga lugula jiray".
 Sidoo
kale ninka isna la yiraahdo Cumar Khadar oo isagu heysta dhalasho kanadees
ah ayaa warbixin dhameystiran oo la xirriirta dacwad lugu soo oogo lugu
sheegay ineysan jirro cadeymo la xirriira dagaal cadowtanimo ah oo dowlada
Washington kula jiray.
Xabsiga Guantanamo bey ee jaziirada Kuba ayaa
waxaa ku jira maxaabiis badan oo u kala dhashay dalalka Islaamka kuwaasoo
intoo badan lugu soo qabtay dagaalka Bush shaaciyey ee ka dhanka ah waxa uu
ku sheegay "Argagaxisada" kaasoo lugu qaaday dalka Afgaanistaan sanadkii
2001-da, kaasoo xukunka loogaga tuuray maamulkii Talibaan ee nabadgalayada
siinayey hogaamiyihii Alqaacida ee Sheekh Usama Bin Laadin.
Jabhada ETA
oo xabad joojin jebisay
Jabahda gooni u goosidka dooneysa ee dalkaasi
Isbeyn ayaa shaaca ka qaaday iney ka baxday heshiiskii xabad joojinta ahaa
ee ay horey ula gashay dowlada dalkaasi Isbeyn. Wargeys ay leeyihiin kooxdan
Bastiyiinta ah ayaa lugu sheegay "Jabahadu aysan sii wadeyn xabad joojintii
horeu jirtay".
Dowlada Isbeyn ayaa iyadana dhinaceeda waxaa
ay goysay xirriirkii ay jabahadaasi la laheyd bishii dicember ee sanadkii
hore kadib markii jabahada la sheegay weerar lugu qaaday gegida diyaaraha
Madrid ee dalkaasi oo ay ku dhinteen labo ruux.
Mareykanka oo wiil sanad jir ah loogu
ogolaaday inuu yeesho bastoolad
 Soomaalaa
horey u tiri "Cimrigaada dheerada geel dhalaayana waa ku tusaa" Taasoo ah
dabcan hadaad dunidan guudkeeda saaran tahay aad arkeyso waxkasta oo yaab
iyo tacajab kugu abuura.
Dalka Mareykanka oo maanta ah dal siyaasad,
dhaqaale iyo awood ahaan sheegtay inuu yahay mid looga dambeeyo ayaa
waxyaabaha ka jiraa ay maxskadaada diideysa iney aqsbasho. Waxaad durba
isweydiineysa dalka ceynkaas ah oo nidaamka noocaas leh miyaa doonaya in
dalalka adduunyada inta tago nabad ka dhalinayo. Dabcan arrinta sidaas wey
noqon kartaa "DIID AMA HADDII DIIDIN"
Hadaba aabbe lugu magacaabo Howard Ludwig ayaa
wiil sanad jir ah waxa u dalbay ogolaanshaha ah in wiilkiisa yeelan karro
bastoolad ama qori. Aabahan ka sheekeynaya sida ay arrintaasi ku dhacday
ayaa yiri "Waxa aan soo qaatay warqad foom ah oo aan ku buuxiyey codsiga
lahaansha wiilkeyga ku yeesho hub, waxaan ku qoray warqada inuu wiilka
miisaankiisa yahay 11 kilo dhererkiisana 60 cm.Waxaan markaas daba raaciyey
sawirkiisa ah" Aabahan oo yaab iyo tacajab ku abuurtay ogolaanshaha wiilka
la siiyey ayaa amkaag ku dhacay." Waxaan sugayey warqad jawaab ah oo la igu
leeyahay waxaad tahay "Idiot ama Axmaq" Laakin taasi mey dhicinoo waxaanba
helay ogolaansho la igu sheegayo in wiilkeyga oo sanad jir ah uu yeelan
karro baastoolada magaceeda la yiraahdo Beretta.
Ninka lugu magacaabo Scott Compton oo ka
tirsan booliska magaalada Illinois ee iyagu bixiye sharciga hub
lahaanshaha ayaa mar isagoo ka jawaabaya su'aal aheyd cunug 11 bilood ah ma
qaadan karra bastoolad ayuu sheegay in wiil 11 bilood jira uusan hub yeelan
karin, balse wuxuu hadalkiisa raaciyey " Mareykanka kama jiro da' u qaas ah
oo qofku qaadan karro hubka". Isku soo duuboo markii mareykanka oo weli la
oran karro waa dal dowlad iyo kala dambeyni ka jirto ilamaha aan sanad
jirsan ay hub qaadan karaan maxaad mooda dalalka fowdada iyo xasaraduhu ka
taagan yihiin sida Soomaaliya oo kale?
Ma ogtahay?
 Ma
ogtahay in maanta oo kale in calaamka daafihiisa kala duwan ee dunida looga
dabaal dago maalintaa caalamiga ah ee "Deegaanka Dunida". Ma ogtahayse
akhriste in shirkii ka dhacay ka dhacay magaalada Stockholm ee caasimada
dalka Sweden sanadkii 1972-kii uu ahaa mid loogaga hadlayey maalinta
deegaanka. Ma ogtahayse maalintaasi ay kamid tahay maalmaha xisaabta ugu
jirta maalmaha sida weyn loo qiimeeyo.
Ma ogtahay akhristow xoghayihii arrimaha
dibada ee dalkaasi Mareykanka ee la oran jiray George Catlett Marshall in
sanadkii 1947-dii uu soo bandhigay qorshihii loogu magac darray "Marshallplan"
Mase ogtahay in qorshihii Marshall uu ahaa mid lugu doonayey in
dib loogu dhiso qaarada Yurub ee sida baaxada leh u burburtay kadib
dagaalkii 2aad ee dunida, mase ogtahay dalalka uu saameynta weyn ku yeeshay
dagaalkii labaad ee dunida iney aheyd dalka Jarmalka?.
Ma ogtahay wasiirkii Gaashaandhiga dalkaasi
Ingiriiska ee la oran jiray ee la oran jiray
John Dennis Profumo uu jagadii uu hayey iska
casilay kadib markii uu ka been sheegay xirriir kala dhaxeysay gabar
dhalinyaro ah oo la oran jiray Christine Keeler mase
ogtahay in gabadhaasi ay aheyd gabar xayeysiiso huga islamarkaasina ka
cayaari jirtay baararka qamriga lugu cabo.
| 
Daabaco Boggan | Print
"
Dowlada FKMG Ah Ee Soomaaliya
ARAGTIDA/MAQAALLADA DADWEYNAHA EE MAANTA