Kumanaan
Soomaali ah oo rag, dumar iyo caruur isugu jira kuwaasoo ka kala yimid
daafaha wadan Ingiriiska ayaa maanta isugu soo aruuray ilinka hore ee
wasaaradda arrimaha debeda Ingiriiska halkaasoo uu ka socdo shirka
kooxda xiriirka caalamiga ah ee Soomaaliya (International Contact Group
on Somali). Dadwaynahan oo shaqooyinkooda iyo danadahooda kale u soo
daayey in ay beesha caalamka u muujiyaan sida ay ugu soo horjeedaan
gumaadka ay ciidanka Itoobiya iyo maleeshiyooyinka Soomaalida ah ee
iyaga u adeega ay ka wadaan gudaha dalka Soomaaliya Halkudhigyadda
boorarka ay wateen dadka ayaa ku qornayeen.
Ethiopian
Troops out of Somali now. Stop killing innocent civilians in Somalia.
Stop the massacre end the occupation. Contact Group, listen to Somali
people. Please support Somali people not Warlord government. Bring
Males and his puppet into criminal court.
Sidoo
kale ayaa sawiro muujinaya gumaadkii iyo xasuuqii ka dhacay Soomaaliya
lagu soo bandhigay halkaas, kuwaasoo si wayn usoo jiitay shaqaalihii
Wasaaradda iyo dadkii kale ee jidka marayey. Mid kamid ah haweenayda ka
shaqeeya wasaaradda arrimaha debeda ayaa u sheegtay gabar ka mid ah
kuwii mudaaharaadayey in ay wax wayn ka ogaatay waxa Soomaaliya ka
socda.
Gebagebadii
mudaaharaadka ayaa warqad cabasho ah loo dhiibay sarkaal ka tirsan
wasaaradda arrimaha debedda oo balanqaaday inuu ku simi doono shirka
kooxda xiriirka caalamiga ee beri soo gebagaboobaya. Warqadan oo ay
dhiibeen Maxamad Suldaan Garyare, Maxamad Amiin iyo C/raxmaan C/shakuur
June
5, 2007: Ra'iisul wasaaraha Xukuumada Itoobiya, Zenawi, ayaa maanta,
Talaada June 5, 2007 magaalada Muqdisho ku yimid kulan aan hore loo sii
shaacin oo qorsoodi ahaa oo saxaafada adduunku ugu yeertay "safar kusoo
bood ah"..
Wararka
laga soo xigtey
dad goobjoog ahaa garoonka ayaa tibaaxay in markii Zenawi ka soo degey
garoonka uu dalka ka maqnaa madaxweynaha DFKMG, laakiin muddo ka dib uu
halkaas ka soo degey C/laahi Yuuf oo maalmahan ku maqnaa dalka
Liibiya.
Zenawi
waxa uu safarkiisa
Muqdisho ku soo beegay kaddib 160 maalmood markii ay ciidamadiisu soo
galeen Caasiamdii Soomaaliya ee laga qorshayn jirey xoraynta dhulka ka
maqan Soomaalida ee Muqdisho. Lama oga micnaha xabashida ay u leedqahay
tirada 160 maadaama uu safarkiisa sidaas la beegsaday Zenawi.
Dadweynaha
Muqdisho ayaa
saakay ku waaberiistey iyadoo dariiqyada Muqdisho ee aada garoonka la
soo tubay ciidamo Itoobiyaan ah, ilaa markii dambe ay ka war heleen in
dalka uu ku sugan yahay Zenawi.
Si
aad u fahamtid ujeedada ka dambaysa imaanshaha Zenawi ee Muqdisho,
akhri xigmadii: Meles
Zenawi: Anigaa Imanaya Muqdisho, Gaar ahaan Xeebta Liido:
isha:
Wakaaladaha
|
Daabaco
Boggan | Print
"
Dowlada FKMG Ah Ee Soomaaliya
ARAGTIDA/MAQAALLADA
DADWEYNAHA EE MAANTA