Barnaamijkii Radio Xoriyo
19 Jun
2007.
Dhibaatooyin gumaysigu u
gaystay dadwayne rayad ah.
Jaaliyada Ogaadeenya ee
Atalanta shir wayn yeelatay.
Masar oo Soomaaliya ugu
baaqday in dadka isu keento.
Sanadguuradii 28
aad ee aas-aaskii ururkii dhaliyarada gobanimadoonka
S/galbeed(Waraysi).
Jaaliyadaha
Ogadenya ee wadamada Switszerland iyo Yeman oo shirar iskugu yimid.
======================
Dhibaatooyin gumaysigu u
gaystay dadwayne rayad ah.
Wararka naga soo gaadhaya
gobollada Qorraxey iyo Jarar ayaa sheegaya in ciidammada gumaysiga
Itoobiya ay dhibaatooyin badan u gaysteen dadwayne rayad ah oo
labadaas gobol ku nool.
Magaalada Qabridaharre
waxay ciidammada gumaysigu ku dileen laba wiil oo arday ah markii ay
taariikhdu ahayd 15/06/2007. Labadan wiil ayay ciidammada Itoobiya
toogteen iyagoo hurdo guri hortii. Waxay sidoo kale weerarkaas
bahalnimada ah ku dhaawaceen hal wiil oo kale.
Labada wiil ee ciidammada
gumaysigu dileen ayaa ah walaalo labadii da'ood ee isku xigtay ah.
Ma jiraan wax denbi ah dhalinyaradan loo laayay, balse waxay
arrintani ka mid tahay xasuuqa ay ciidammada gumaysigu beryahan
denbe oo dhan ka wadeen guud ahaanba dalka Ogaadeenya.
Sidoo kale magaalada
Dhagaxbuur waxaa lagu xidhxidhay markii ay taariikhdu ahayd 08/06/07
dadka kala ah;
1- Haybe Cismaan Cabdi
2- Xasan Maxamed Cabsiiye
3- Aamusane Aw Siyaad iyo
4- Maxamed Jibriil
Jaaliyada Ogaadeenya ee
Atalanta shir wayn yeelatay.
Jaaliyada Ogaadeenya ee
gobolka Atlanta ee dalka Marayakanka ayaa axaddii yeelatay shir wayn
oo dadwayne aad u badani ka qayb galeen, kaasoo lagu dhisay maamulka
cusub ee Jaaliyada hooggaamin doona.
Sirkan waxaa ka soo qayb
galay isku duwaha guud ee Jaaliyadaha Ogaadeenya mudane Maxamed
Macalin iyo odayaal caan ah oo iyaguna ku nool deegaannada ay
Jaalyadu ka hawlgasho.
Shirkan waxaa furay
guddoomiyaha Unugta Atlanta Raage Hirmooge, oo ka warbixiyay qaabka
ay Unugtu u shaqayso iyo hawlaha ay halganka xaqa ah ee Ogaadeenya u
qabato. Wuxuu kaloo guddoomiyuhu ka hadlay caqabadaha mararka
qaarkood ka horyimaada Unugta iyo qaababka caqabadahaas looga gudbo,
iyadoo uu sheegay in Unugtu uu ku dadaali jirtayna walina ku
dadaalayso sidii u laban-laabi lahayd dadaalkeeda la xidhiidha
hawlaha halganka.
Waxaa kaloo shirkaas ka
hadlay odayaal caan ah oo deegaankaas ka howlgala, kuwaasoo
dadwaynaha ku guubaabiyay in manta la joogo xilli ay xorriyadii soo
dhawdahay, sidaas darted loo baahan yahay in guntiga dhiisha la
iskaga dhigo, si la isu daba-raaciyo gumaysiga tabarta daran ee
gabbalkiisu sii dhacayo.
Waxaa isaguna shirkaas
hadal dheer ka jeediyay isku duwaha guud ee Jaaliyadaha Ogaadeenya
mudane Maxamed Macalin, oo ka warbixiyay heerka uu halganka
Ogaadeenya manta marayo iyo waajibka xubin walba ka saaran sidii loo
dardar galin lahaa waxqabadka unugyada iyo jaaliyadaha kala duwan ee
ka hawlgala dalalka kala duwan. Isku duwuhu wuxuu xubnaha unugta iyo
dtaageerayaashaba ku guubaabiyay in la isku duubnaado oo cadowga hal
meel looga soo wadajeesto, si guusha la higsanayo durbaba loo
gaadho. Isku duwuhu wuxuu ka jawaabay su’aalo badan oo dadwaynuhu
halkaas ku waydiiyeen, isagoo ka shaafiyay wixii ay dadku goconayeen
ee ay waydiiyeen oo dhan.
Ugu denbayntii waxaa
Jaaliyada Ogaadeenya ee Atanta loo magacaabay guddi cusub oo
maamulkeeda wadi doona, waxaana sharaf iyo qadarin lagu sagootiyay
guddigii hore ee hawsha soo hayay.
Masar oo Soomaaliya ugu
baaqday in dadka isu keento.
Dowladda Masar ayaa ugu
baaqday dowladda ku meelgaadhka ah ee Somaliya inay ka shaqayso
siduu ku qabsoomi lahaa shirweynaha dib u heshiinta qaran ee la
filayo in dhawaan lagu qabto magaalada Muqdisho.
Wasiirka arrimaha dibadda
ee dalka Masar Axmed Abul-Gheyth ayaa muujiyay rajada uu ka qabo in
dowladda Somaliya ay muddada shirka dib loo dhigay uga faa’iidaysato
sidii ay xidhiidh ula sameyn lahayd kooxaha soomaaliyeed ee dowladda
ka soo horjeeda.
Wuxuu kaloo sheegay inay
haboon tahay in dowladda Somaliya ay diyaariso jawi guud ahaanba
dhinacyada Soomaaliyeed u suurta galinaya inay si dhab ah uga qeyb
qaataan shirka, wuxuuna xusay inay lagama maarmaan tahay in dowladda
Somaliya ay xaqiijiso hadafka ugu wayn ee laga leeyahay shirka oo ah
heshiis laga yeehso arrimaha siyaasadda, nabadgelyada iyo dhaqaalaha
dalka Soomaaliya.
Wasiirka wuxuu in dowladda Masar ay
dhowr jeer muujisay inayna muhiim ahayn in lagu dhegganaado waqtiga
shirka loo qabtay, balse ay ka muhiimsan tahay in laga shaqeeyo
sidii uu ku guulaysan lahaa, isla markaasna laga ilaaliyo wax kasta
oo keeni kara dhibaato Soomaaliya u horseeda qalalaase kale
19 Jun
2007
Axmed
Gaal-Eri
Radio Xoriyo waxaad ka dhegaysan kartaa Mawjadda 19 MB ee
dhererkeedu yahay 15260 KHZ,iyo internetka
Radioxoriyo.com,Ogaden.com
Maalmahaa Talaadada & Sabtida 7:00PM – 7:30 waqtiga Afrikada Bari
Daabaco Boggan | Print
"
Dowlada FKMG Ah Ee Soomaaliya
ARAGTIDA/MAQAALLADA DADWEYNAHA EE MAANTA
