Munaasibada looga hadalayey Tacadiga Dumarka loo geysto oo Qardho ka dhacday

Dab Qabsadey xero ay dagan yihiin dadka soo barakacey ee magaalada boosaaso.
Colaad Maxamed Siciid: "Cadde Muuse waxaa Xukunka uga Haray 5 bilood.
Munaasibada looga hadalayey Tacadiga Dumarka loo geysto oo Qardho ka dhacday
Garowe Teacher's Education College(GTEC) oo aad loo amaanayo wax-barashadeeda.

Dab Qabsadey xero ay dagan yihiin dadka soo barakacey ee magaalada boosaaso.

Dabkan ayaa waxa uu abaarihii 10:30 oo saaka ah qabsadey xerada buulo eeley oo ku taala dhinaca bari ee magaalada boosaaso ee xarunta gobolka bari waxaana dagan xeradan dad qaxooti ah oo kasoo bakacey koonfurta iyo gobolada dhexe ee dalka soomaaliya.

Dabkaan oo ka kacay xerada Buulo Eelaay oo ku taala Bariga magaalada Boosaaso oo ay dagan yihiin dad soo barakacay ayaa waxa uu saameyn ku yeeshay nolosha qoysaskii deganaa xeradaasi oo ay guryo badan oo ay dadkaasi fooraha iyo kuleylka ka dhaca magaalada boosaaso ay ka gali jireen .

lama garanayo sababa keeney in uu dabkani qabsado xerada buulo eeley hase ahaatee waxaa loo aanaynaaa dabeylo badan oo saaka si xun oga dhacaya magaalada boosaaso in ay kiciyeen dabkan qabsadey xerada ay dagan yihiin dadka soo barakacey.

Ma ahan markii ugu horeysey ee uu xerada Buulo Eeley dabqasado ee waxa uu ahaa dabkii ugu danbeeyay oo buushah badan iyo guryo badan baabiyey kii asbuucii aynu soo dhaafey qabsadey xeradaasi.

Yusuf Guduudow
yusufguduudow@hotmail.com

Colaad Maxamed Siciid " Cadde Muuse waxaa u hartay 5 bilood.

Colaad Maxamed Siciid oo u sharaxan M/weynaha DGPL, marka la gaaro xilliga doorashada ayaa waxaa uu leeyahay Maamulka waxaa u haray 5 bilood, inta wakhtigooda uga dhimanna cidna kuma khash-khashi karto, balse waa in uu Cadde kursiga si nabad ah uga dagaa, oo uusan shacabka u horseedin dhibaato.

"Anigu waxaan ahay musharaxa M/weynaha DGPL, sidaas awgeed waxaan ilaashanayaa wakhtiga inta ka hartay."

Waxaa suuqa laysla dhexmarayaa in loo kordhiyey xilliga maamulka hadda jira, oo ay hal sanno ugu dareen Golaha Wakiilada DGPL, Cadde Muuse na waxaa afkiisa laga hayaa in uu yiri mudadaydu waa 4 sanno.

Taasi ma suurta galayso, waayo waxaa jira sharci iyo dastuur u yaal Reer Puntland oo la qortay wakhtigii la dhisay DGPL, cid wax ka bedeli kartana majirto, dastuur meelahaas lagu samaystay ma soconayo.

Haddii 1 saac lagu kordhiyo waxaa dhacaya wixii dhacay xilligii C/laahi Yuusuf ee naf iyo maalba galaaftay.

Baarlamaanka shiraya waxaan u sheegayaa, waxaa laydin ka rabaa xisaabtan dhab ah, oo aad kula xisaabtantaa madaxweynaha, sida mushahaarooyinkii shaqaalaha masaakiinta ah, sharcigii wadanka oo uu ku xad-gudbay, shirkadaha jiriifka ah, ee uu keensaday khayraadka dabiiciga ah ee layska daldalanaayo IWM.

Balse, kuma aysan shaqo lahan in ay wakhti u kordhiyaan, hay'adda ugu saraysa Puntland waa Issimada iyana ma kordhin karaan, waa la oggaa wixii ka dhacay markii Issimadu ay qarna la safteen C/laahi Yuusuf oo taageereen wakhtigii uu kororsaday, qaar kalena ay diideen waxay ummadda u horseedeen.

Waxaan mar labaad uga digayaa Issimada, iyo Masuuliyiinta DGPL wixii shalay dhacay oo kale in mar labaad aysan dhacaan.

Haddaba Hadalkaas hordhaca ahaa ka dib ayaan waxaan weydiiyey su'aalahaan soo socda Colaad Maxamed Siciid:-

1. Bille: Colaad, M/weynuhu wuxuu Golaha Wakiilada DGPL iyo shacabka hortiisa ka sheegay maalintii furitaanka Kal-fadhiga 18-aad ee GW Puntland in uusan xataa maalin ku darsanayn xilliga loo soo doortay, wuxuu kaloo sheegay in uusan wax lacag ah ku siinayn in ay Xildhibaanadu u kordhiyaan wakhtiga, Madaxeynuhu wuxuu kaloo yiri" Waxaa la furayaa Xisbiyadii wadankana waxaa lagu maamulayaa democratic system, marka ma la orankaraa Colaad waxaas oo dhan waa ka hordhacayaa, oo waa qadin?

2. Colaad: Maya, kama hordhacayo, taasi waa mid uu dhegta ugu ridayo Baarlamaanka iyo shacabka baan u arkaa.

3. Bille:Gudoomiye Ku �Xiggeenka Kowaad ee Golaha Wakiilada DGPL, Salaad Xareed Cali wuxuu u sheegay saxaafada in xilligu uu yahay 4 sanno, balse laga soo gudbay Constitution-kii lagu dhaqmayey (Xeer) hadana lagu dhaqmayo Charter amaba axdi rasmi ah, marka ma waxaad haysaa , charter gaar ah oo kaas ka duwan?

4. Colaad: Salaad Xareed, Charter-ka uu sheegayo waa mid aan shacabka loo soo bandhigin ee inta guri hoosta laga xirtay la qortay, hadduu jiro shacabka maa lala socod-siiyo.

5. Bille: Colaad, Xildhibaan aan wax ka weydiiyey khudbaddii dheerayd ee uu M/weynuhu ka hor akhriyey Golaha Wakiilada iyo Shacabka , waxa uu sheegay in ay dhaman ahaayeen wax run ah oo xataa hal eray oo afmiinshaarnimo ah uusan ku jirin, marka adigu dhaliilaha aad haysid ee aad leedahay maamulku wax buu is-daba mariyey xaggee ka keentay amaseba wax cadayn ah ma, u haysaa?

6. Colaad: MCBille,"Macal-cune soo bixi doonee, annagu hadaanu nahay shacabka, waanu aragnaa sida wax u socdaan, balse xildhibaan dhakhtar dibadda ah loo diray, ama gaari iyo guri ku helay khayaamada dadka soo doortay ee uu xaqooda duutiyey waxba kama soo qaadayno.

7. Bille: M/weynuhu hadduu maamulkiisa wax ka bedelo,oo dadku ay la dhacaan isbedelka siyaasadeed ama dhaqaale ee uu la yimaado soo ma kasban karo in uu xilka sii hayo?

8. Colaad: Walaal, hadduuu bedelo iyo haddii kaleba waxa uu wax ka bedealyo waa wasiiradii uu C/laahi Yuusuf ka tagay ee dantooda u shaqaysta ee aan danta umaddooda iyo tan Cadde toona u shaqayn.

9. Bille: Adigu marna si toos ah amaba kafool-kafool ah ma ugu sheegtay masuuliyiinta dowladda sida M/weynaha in sida wax u socdaan ay shacabku saluugsan yihiin, mise un saxaafada baad ka hadashaa?

10. Colaad: Maya, annigu waxaan la hadlaa shacabka, dowladduna waa shacabka.

11. Bille: Dhinaca amniga, waxaa beryahaan danbe laga cabanayaa amaan-xumo soo korortay, adigu maxaad isleedahay waa khaldan yihiin, inkastoo adiga laftigaaga mar lagugu eedeyey in aad amni-xumo ka wadiid G/Nugaal gaar ahaan?

12. Colaad: Anigu , walaal maadaama aan is sharaxay oo rag wax la qeyb-sanayo, ma amni-baan wax u dhimay waa yaab, Amniga waxaa looga damayn jiray ciidamada ku shaqada leh sida Booliiska iyo Daraawiishta, Ciidamadiina M/weynuhu isgaa kala diray oo mushahaaraadkoodii siin waayey , tusaale ahaan, Gobolada Sool, Sanaag iyo Mudug hadda cidna kama warqabto waxa ka socda, balse oo kaliya dowladdu waxay ku uruurtaa Isha yar ee Dekedda Boosaaso oo ay ku kala tuurtaan shaqaalaha iyo ciidamada xaqooda.

13. Bille: Colaad, waad aragtaa in aan duubayo codkaaga oo aadan hadhoow inkiri Karin, marka waxaas oo dhaliilo ah, cadayntoodii ma haysaa?

14. Colaad: Walaal, anigaa haya oo wax layga weydiinayaa.

15. Bille: Colaad, lacala hadii ay dhacdo in maamulka uu xilliga kororsado , ama si dastuuri ah, ha ku kororsado amaba si kale'e, adigu maxaad samaynaysaa ?

16. Colaad: Haddii taasi ay dhacdo Puntland waa burburaysaa ninkastaana waxa uu ka talinayaa gurigiisa.

Maxamuud Cumar Bille

Caasuumada DGPL-Garoowe.

mcbille@gmail.com

Munaasibada looga hadalayey Tacadiga Dumarka loo geysto oo Qardho ka dhacday

Xaflad si heer sare ah loo soo agaasimaya aay saakay waxa aay ka dhacday xarunta ngo GARWADO taas oo looga hadlayey dhowrida xuquuqda haweenka iyo weliba Tacadiga loo geysto dumarka.

Baabuur lagu xiray sameecado ayaa waxaa aay haweenka ngoga GARWADO la soo mareen wadooyinka waaweyn ee degmada qardho.

Kuwaas oo ku Dhawaaqayey halku dhigyo ka tarjumaya Dacadiyadda Dumarka Soomaaliyeed loo geysto.

xafladaan ayaa waxaaa ka soo qayb galay Masuulyiin aay ka mid ahayeen ku xigeenka g.karkaar faarax jaamac boos,isu duwaha arimaha haweenka G. Karkaar sahro siciid jaqanaf Taliyayaasha Poliska qeybta iyo degmada odayaal,dhalinyaro, Dumar,culumoowdiin,aqoonyaho iyo Saxaafadda.

Waxaa ugu horeentii ka hadshay Gudoomiyaha Ngoga GARWADO safiyo axmed kheyr oo in badan ka hadshay xuquuqda dumarka iyo sida ay nimanka soomaaliyeed u duudsiiyaan xuquuqda dumarka ay leeyihiin waxaa kaloo ay halku dhiga manta loogu magic daray ay ku tilmaantay sinaanta raga iyo haweenka ee xaga caafimaadka,waxbarashada, nolasha iyo shaqada iyadoo tilmaanta in la joojiyo dhiiga dumarka ee la daadinayo oo ay ka waday gudniinka fircooniga .

Safiya AXmed Kheyr Gud.NGOga GARWADO waxaa aay sheegtay in barnaamijkaan fulintiisa gacan ka geeysatay hay�adda ACTION AID.

Gudoomiyaha Dallada KAYDNET C/weli Xasan Gooni ayaa hadal dheer oo uu halkaa ka jeediyey sheegay in dumarku Yahay lafdhabarta bulshada loona baahan yahay in si aad ah loo xaq dhowro lana dhiirigeliyo waxna laga siiyo talada Maamulka Dowlada.

intaasi ka dib ayaa waxa halkaasi suugaan ka soo jeediyey Haween ka mid ah NGOga GARWADO ,

Nabdoon Max�ed Aadan Cali (xangaag) oo ku hadlay magaca odayaasha degmada diiniyan in ay diinta islaamku xuquuqdooda u tilmaantay dumarka taasna ay tahay in aan meel loodhaafi karin lakiin raga soomaaliyeed ay aqristaan diinta dumarkana ku dhaqaan

Waxaa ka dib ka hadshay sahro siciid jaqnaf isu duwaha wasaaradda haweenka g/karkaar oo ka hadshay dumarka iyo kaalimaha ay kaga jiraan bulshada oo ay soo qaatay kaalintii ay ka soo qaateen halgankii xornimo doonka ee soomaaliyeed oo ay iibiyeen hanti waxay haysteen kuna tageereen halgama yaashii.

Halkaas ayaa isna waxaa ka hadlay Taliyaha Saldhiga Boliska Qardho Taliye Taako oo sheegay in Dhibaatooyinka laga soo hadalay aay in badan gacanta ku dhigeen dadkii geystay isga oo xusay in Dumarka loo geysto Dhibta aay sheegnayaan isla markaana uu soo qabqabtay qaar ka mid ah rag habeen hore gabdho doonayey in aay Mobilo ka qaadaan kuwaas oo dhawaacyo u geystay dumarkii, Isaga oo sheegay in aay kuwa badan u gudbiyeen xabsiga Bosaso kuwo kalena aay ku hayaan isla saldhiga pooliska.

Ugu dambeyntii waxa shirka soo xiray gud. Ku xigeenka gobolka karkaar faarax jaamac boos oo isna sheegay in maamul ahaan aay farax weyn u tahay in aay ka soo qeyb galaan kulankaan isla markaana sheegay in dumarku yihiin oo ku hadlaayey dhinaca culimada oo diiniyan tilmaamay in la qaato diinta islaamaka maadaama illaahay na,abuurtay aduunkaana noo keenay cibaado allahna aan u noqonayno waa in aan qaadanaa kutubka uu noo soo dajiyay laguna dhaqaa dumarka xuquuqdoodana si wanaagsan illaahay uu inoogu sheegay oo aan laga qarin lana baro kutubka quraanka kariimka ayuu yiri

Xafladaa oo lagu soo gabagaba gabeeyey jawi aad u wanaagsan oo ay kasoo qayb galayaashii ay ka dhiibteen fagrado ku saabsan xuquuqda dumarka oo fagrad ahaan iskugu soo ururay in loo ogolaado xuquuqda dumarka diiniyan waxa ay ka qabto diinta islaamka maada soomaalidu tahay dad islaama 100%

Qore. Saciid Max�ed Barre
gooni2@hotmail.com

Garowe Teacher's Education College(GTEC) oo aad loo amaanayo wax-barashadeeda.

waxaa bulshada ku dhaqan DGPL, gaar ahaan G/Nugaal ay aad u amaanayaan waxbarshada heerka sare ah ee Machadka Tababarka Macallimiinta Garoowe(GTEC), taas waxaa cadaynaya ardayda wax ka barata oo uu ka mid yahay ardaygan lagu magacaabo Maxamed Cabdullaahi Xasan (Max'ed Gacanwiish) oo wax ka dhiga Dugsiga Hoose/Dhexe ee Darwiish Garoowe iyo waliba British School of Education Garoowe.

Maxamed oo aan wareysi la yeeshay ayaa wuxuu u dhacay sidatan.

1. MCBille: Maxamed, waxaad ka mid tahay ardayda GTEC, marka bal waxaad warbixin naga siisaa GTEC?

2. MCX. walaal GTEC. waxaa dhigta arday dhan 110 oo 50 ka mid ah ay hadda ka qalin jabinayaan, muddo 2 bilood ah ka dib, halka 60 ka kalena ay cusub yihiin oo semesterkii 1-aad ku jiraan. Waxaa kaloo macallimiinta wax ka dhigta dugsiyada hoose/dhexe oo tababar Inservice ah uga socdo GTEC.

3. MCbille: Ardayda dhamaantood ma gabdhaa, ma wiilal baa mise waa isku jir?

4. MCX, waxay isugu jiraan tiro is le'eg oo gabdho iyo wiilal ah(25 wiil iyo 25 gabdhood, waayo, GTEC Education Policy is based on the Gender balance.

5. MCBille: bal waxaad iiga warantaa maamulka iyo macallimiinta GTEC heerkooda aqooneed inta uu gaarsiisan yahay?

6. MCX,walaal, maamulka oo uu ugu horeeyo, Prof. C/risaaq Shoole waa nin aqoontiisu aad u sarayso oo wax ku soo bartay dalka dibadiisa, sidoo kalena leh Education Background oo markii ugu damaysay ka shaqaynaayey Jaamacada Bariga Afrika(East Africa University) dhinaca, macallimiinta, dhamaan waa wada macallimiin khabiiro ah oo heer aqooneed iyo heer khimradba dhisan(dhamaan waa Degrees. sida Masters Degrees).

7. MCBille: Yaa, Kulliyadda dhaqaalaha siiya?

8. MCX. Waxaa fangareeya, Hay'adda Diakonia-Sweden, gaar ahaan SIDA.

9. MCBille: Ardayda ma wax fee ah baa laga qaadaa?

10. MCX: Maya, walaal, wax lacag ah lagama qaado, iyagaaba la siiyaa (Incentives ).

11. MCBille: Waa fursad qaali ah, in waxbarasho iyo laysugu daro lacag soo uma aragtid, in ay tahay fursad aysan haysan kuwa dalka dibaddiisa jooga?

12. MCX: Walaahi, waa fursad qaali ah oo aan ugu baaqayo dhamaan ardayda Soomaaliyeed , gaar ahaan Puntland in ay ka faa;iideystaan. Waayo dhulkaan waxaa waxbarasho lacag la'aan ah ugu damaysay 1992 markii ay burburtay Dowladdii Dhexe ee Soomaaliya.

13. MCBille: Jaaliyadaha Dibadda ee Nugaaleed qaar ka mid ah oo ila soo xiriiray ayaa waxay leeyihiin nooga soo waran bal GTEC, marka maxaad u sheegaysaa?

14. MCX. Waxaan u sheegayaa in dalku uu haysto waxbarasho tayo leh sida GTEC, wixii Accademic Affairs ah waxaan jeclaan lahaa in la weydiiyo Maamulka GTEC, balse anigu arday ahaan waxaan u sheegayaa in ay GTEC horumar samaynayso oo u baahan tahay gacan qabad kaliya, Diakonia-Sweden waa ku mahad-san tahay doorkeed, balse maahan in lagu siidaayo Diakonia kaliya.

15.MCBille: Anigaan wareysiga kaa qaaday waxaan ugu abaal hayaa Diakonia-Sweden oo isoo bartay waxaan maanta ku shaqaysanaayo amaba ku faanayo, marka maxaan ugu abaal-gudi karnaa Diakonia-Sweden?

16. MCX: Umaba abaal-gudi karno hadaynu nahay Reer Nugaaleed Diakonia-Sweden waayo waa hooyo, hooyana waxkasta oo aad siisid ama tartid uma abaal gudi kartid.

17. MCBille: Maxaad kula talinaysaa ardayda Soomaaliyeed ama kuwa Reer Puntland?

17.MCX: Waxaan leeyahay ku soo hirta GTEC, waayo marka laga eego dhinacyo badan sida, Maamul aqoon leh oo heer jaamacadeed iyo khimrad shaqo oo waxbarasho jaamacadeed leh, macallimiinta wax ka dhigta oo kuligood wada jaamiciyiin ah kana kala yimid dhamaan caalamka. arday wada-dhisan oo markoodii hore lagu qaatay waxbarasho heer Secondary School ah. Environment-ga uu ku yaal, dhismaha quruxda badan ee GTEC, Adeegga ardayda loo sameeyey sida Basaska waa-weyn, iyagoo aan lacag laga qaadin balse iyaga lacag la siiyo, waxbarashadooda oo ka kooban dhamaan maadooyinka jira iyo waxyaalaha casriga ah ee soo kordhay sida Information Technology oo la baro amaba Education Management, Hay'adda gacanta ku haysa ee u heeganka ah, Maamulka oo sumcad ku dhexleh bulshadda oo la-wada yaqaan lana aamin-san yahay hogaankooda waxbarasho maadaama ay u qalmaan,markoodii horena ku yimid imtixaan laga qaaday(Evaluative Exam), iyo waxyaalo kale oo badan oo aynu soo koobi karin baa jira, waxaan leeyahay Al-xamdulilaah Ilahay baa na siiyey.

Maxamed Cabdullaahi Xasan(M.Gacanwiish) oo ka mid ah, ardayda GTEC oo aan waraysi la yeeshay, waad mahad-san tahay.

Maxamuud Cumar Bille

Garoowe-DGPL

Mcbille@gmail.com