Mudaaharaad Wayn Oo 30ka Bisha Ka Dhacaya
Xafiiska Ra'iisuwasaaraha Cusub Ee Ingiriiska.
![](17jun11.jpg)
Waxaa wadanka Ingiriiska ka socda qabanqaabo loogu jiro Mudaaharaad wayn oo lagu
qabanayo banaanka hore ee xafiiska ra'iisuwaasaraha cusub ee Ingiriiska Gordon
Brown. Mudaaharaadka ayaa
dhacaya sodonka bisha June ee inagu soo aadan taasoo ah maalinta Sabti ah.
Mudaaharaadka oo ay kasoo qaybgalaan dhamaan qaybaha kala duwan ee Bulshadda
Soomaaliyeed ee ku dhaqan wadanka Ingiriiska ayaa wuxuu bilaabanayaa 2:00pm
isagoo socon doona ilaa 5:00pm.
Mudaaharadan ayaa qayb ka ah olole balaaran oo ay jaaliyadda Soomaaliyeed ee UK
ugu jirto sidii dawladda Ingiriiska loogu cadaadin lahaa in ay Gumayisga
Itoobiya culays ku saarto inuu dalka Soomaaliya isaga baxo. Wuxuu kaloo
mudaaharaadku cabirayaa dareenka ay Jaaliyadda Soomaaliyeed ee UK ka qabaan
gumaysiga kusoo duulay dalkoodda, kaasoo ay ugu muujinayaan madaxda dalka
Ingiriiska in ay maqlaan oo ay tixgeliyaan cabashadda qayb ka mid bulshadda
Ingriiska oo asalkoodu Soomaalidda yahay.
Hadaba Codkaadu waa culays ee ku cadaadi
xukuumadda cusub ee Ingiriiska.
Aamusnaantu waxay calaamad u tahay raali
ahaansasho ee xumaanta carabkaadda ku diid oo dalkaada waxa ugu yar ee aad ugu
dhiidhi karto ha ka bakhaylin.
Hankaadu yuusan ka hoosaynin ninka 3da sano
cabashadda duulaanka Ciraaq la horfadhiya barlamaanka Ingiriiska.
Hadaba Balanteednu waa banaanka hore ee
No: 10 Downinga Street
Sabtiga 30ka June
2:00pm ilaa 5:00pm
la xiriir: CabdiRaxman Warsame
cabdirahman@hotmail.com
Faafin: SomaliTalk.com | June 17, 2007
![](/terry/arrowleft.gif)
![](/terry/arrowright.gif)
|