Cadaalad Darada iyo Cawaaqib Xumadeeda.
Maxamad Bashiir Jaamac
gumburi1885@yahoo.com
Scw: salaantaas ka bacdi waxaan salaamayaa
umadda soomaaliyeed meel kasta oo ay joogto,waxaana ilaahay ugu baryayaa
nabad waarta iyo heshiis iyo midnimo iyo amxaarada oo dalkeenna kaga baxda
si shuruud la,aan ah.
Waxaan u soo noqonayaa cinwaanka
maqaalkayga oo ah cadaalad darada iyo cawaaqib xumadeeda iyadoo ay cadaaladu
tahay sheyga keliya oo hadii la heli ay yaraanayso dhibaato colaad iyo is
qabqabsi.
Hogaanka umadda oo cadil ah ama garsoor
fiican waxaa jecel ilaaheenna xumuhu ka fogyahay ,waxaa kale oo isaguna
amaanay rasuukeenna caleyhi salaatu wasalaam.
Aaayadahan kor ku xusan runtii haddii uu qofka
bani aadamka ahi si fiican oo hufan u fahmo micnahooda iimaana uu ku darsado
waxaan filaayaa inaaanu mar dambe dulmina sameyeen cidna u geysteen dhibaato
,noloshuna waxay ahaan lahayd mid lagu raaxaysto laguna badbaado inta loo
gudbaayo aakhiro iyo la kulanka xisaabta.
Rasuulku caleyhi salaatu wasalaam markii uu ka
hadlaayey kuwa harsada hooska ilaahaeena xumaantu ka dheertahay waxauu ugu
horeysiiyey in kuwa hooska ilaahay harsanaaya uu ka mid yahay nin hogaamiye
ah ooo garsoore fiican ah oo aan dadka uu u taliyo kala dhoweysan una kala
eexan.
Hadaba waxaa is weydiin leh maxaa imaanayaa
haddii la waayo garsoor fiican oo ka soo bilaabma ilaa hogaanka sare kuna
dhamaada qofka iyo inta uu masuulka ka yahay?
Waa cadahay jawaabtu waxaa imanaya waxii
soomaaliya ka dhacay iyo wax ka xun , uma baahna in dib loogu noqdo oo waan
ka dheregsanahay sheekadaas waxaanse xusuusinayaa umadda soomaliyeed in waxa
halkaa maanta ina dhigay ay tahay garsoorka oo inaga xumaaday oo dadka kale
xaquuqdoodii lagu tuntay ,la dulmiyey loo geystay gabood fal la yasay la
xaqiray hantidoodii laga dhacay ,guryahoodii laga saaray iwm.
Gabood falkaas kama ay masuul aha beel
go,an iyo 2 qof toona waxaase geystay umadda soomaaliyeed oo dhan ilaa
maantana tubtaas ayaa lagu joogaa oo dulmigii sidii buu u socdaa ilaa laga
waantoobona lama gaarayo horumar diib u dhac mooyaane.
waxaan aniga oo soo gunaanadaya
qoraalkayga idin leeyahay ha loo noqdo dastuurka ilaahay ee haddii la raaco
aan cidina dulmi loo geysanayn umaduna ay cagta saarayso tubta horumarka
nabadda iyo khayrka ,aduun iyo aakhiroba.
Haddii aad cadaaliyo wanaag curiso waa
uunba
cidaadiyo hadii deriska aad cayn u wada
soorto
caqiidada hadaad haysatiyo camalu khayroo
dhan
oo aadaan ciilany bulshada wada ciseeynayso
cirshigaad amaan kaga heshaa caadilkaa sare e
hadii aadse coomaade iyo tahay bahal
cantuugaaya
oo ay cabaadaan intii ciidda dadkii ciidda
kula joogay
ma oghatay casiiskeen alluu inuu caroonaayo
ma ogtahay ninkii caasiya caymo muu helo e
ma ogtahay cadaabtii ayaa lagu cayuuqaaye
Faafin: SomaliTalk.com | June 13, 2007
| 
Daabaco Boggan | Print
"
Dowlada FKMG Ah Ee Soomaaliya
ARAGTIDA/MAQAALLADA DADWEYNAHA EE MAANTA