Wasiirka Maaliyadda DGPL: Dr. Maxamed Cali Yuusuf (Gaagaab)

" Salaan ka dib: aad ayaan idiin ka mahad celinayaa casumaadiina xafladaan, runtiina waa muhiim waxbarashadu,
Waxaana dadka kula talinayaa in aan lagu mashquulin, "Gaagaab xaggee canshuurtii geeyey iyo fadhi ku dirirka qaadka iyo beenta BBC-da ee lagu mashquulo waxbarashada, hana la joojiyo baabuurta la dhacayo maalin kasta.

Wasiirka Waxbarashada DGPL. Axmed Siciid Awnuur.

Salaan ka dib," waxaan halkaan uga mahad-celinayaa World Bank oo mashruucaan bixiyey kharashkiisa balse aan la xusin, teeda kale, sxb-kay Gaagaab wuxuu maanta ka hadlay muhiimada waxbarashadu ay leedahay, marka waxaan filaynaa in uu kordhin-doono miisaaniyada waxbarashada sannadka soo socda insha-allaah(Qosol.goobjoogayaashii).

M/weyne Ku- Xiggeenka DGPL Xasan Daahir Maxamuud (Afqurac)

Salaan ka dib, waa ku mahad-san tihiin casuumaada aad nagu casunteen xafladaan, runtiina aad ayaan anigu ugu farax sanahay, in wax barashu iminka ay tahay(Global Village Eduvcation), anagu berigaan wax baranaynay diyaarad baa nafta naga goysay, laakiin idinku waxaad la kowsateen Information Technology.

Intaas ka dib, waxaan jeclaan lahaa inaan ka hadlo waxa beryahaan danbe soo cusboonaaday oo ah dhaca baabuurta.

Ha, la joojiyo dhaca baabuurta, ciddii doonayasa waxay ku mashquusho waxaan u dayactirnay garoonkii ciyaaraha Mirre Awaare Jaamac oo u furan.

Dhinaca sheekada iyo ku habsaanka uu sxb-kay Gaagaab ka hadlay,dee waxaan u sheegayaa Gaagaab inta Qaad jiro Sheeko wey jireeysaa(Qosol, goob-joogayaashii)

Inkastoo lagu casumay madaxda dowlada in ay ka hadlaan wax dan u ah goobtii waxbaradhada ee ay joogeen, haddana waxaad moodaa in ay iyagu hadalo isku dhaafsanayeen oo kaliya, iyadoo uu M/weyne Ku,Xigeenkuna garanwaayey magacii goobta xafladu ka socotay, halkii looga fadhiyey ballan-qaadyo ugu yaraan ay u sameeyaan horumarinta waxbarashada.

Mudane. Cali Cabdi Awaare, wasiirka Dowladaha Hoose DGPL, oo ay goob-joogayaashu aad u daneynayeen in uu hadal ka jeediyo goobta ayaan waxba ka oran,haba yaraatee.

Cali Cabdi Awaare, waa wasiirka Puntland looga yaqaan wasiirka Dhalinyarada iyo Bulshaynimadda ee DGPL, taasna waxa uu ku helay sumcadiisa shaqsiyadeed iyo horumarka uu gaarsiiyey DGPl. Cali Cabdi Awaare, waa wasiirka kaliya ee Puntland keenay warbaahinta ka haqab tirtay wararka iyo horumarka ganacsiga sida SBC Radio and TV, waana warbaahintii ugu horeysay ee FM ah oo Puntlland laga dhegaysto, isla markaasna lagu wareejiyey wasaarad magac u yaal ah oo aan xataa kursi wadan balse isagu gaarsiiyey heer ay ka hor marto wasaarado kale oo badan.

Wasiirka Warfaafinta, Bangax ayaa isna aan wax hadal ah ka jeedin halkaas.

Mashruucaan VSAT oo ay tahay markii ugu horeysay ee laga hirgeliyo PCC, Garoowe ayaa waxaa uga horeeyey Jaamacada weyn ee Bariga Afrika(East Africa University oo 2 sanno ka hor laga hirgeliyey, halka Somaliland iyo Koonfurta Soomaaliyana aysan ba ku cusbayn sanadadii ugu dameeyey ee burburka lagu jirey.

Maxamuud Cumar Bille
Garowe,
mcbille@gmail.com