ALLE TUUG (Gabay)
Cumar
C/nuur Nuux – Nabaddoon
omarabdinur@hotmail.com
Bilowgii bishaan Jan
2007 ayaan waxaan
tiriyey tix magaceedu
ahaa “Qabrigiin dun
Soomaaliyeey Qoon xun
baad tahaye”. Tixdaas
waxaan ku muujiyey sida
aan uga rajo go’ay in
Soomaalidu noqoto ummad
aragti, iimaan iyo
midnimo leh. Qaar ka mid
ah walaalaha oo tixdaas
akhristay ayaa welwel ka
muujiyey quustaas
gabaygu muujinayo iyo
ereyga “Qabrigiin dun”
ee hooriska u ahaa,
waxayna iga codsadeen in
aan tix kale oo duco ah
ka daba geeyo, waana tan
tixdii “Alle tuug”.
-
Tix ayaan dhaweyd
aan tirshaad ka
anfariirteene
-
“Qabrigiin dun”
ereygii ahaa waa ka
olosheene
-
In Ilaah canaan uu
ka dhigo cidu ku
aafoobin
-
Oo wixii musiibaa
dhammaan Eebbe naga
awdo
-
Aamiinta ii dhaha
ducaan
Alloowsanaayaaye
-
Addoommaa is
mahadshoo Alloow
aabi noo dilaye
-
Adduunkii nin eylaa
Rabboow amar ku
taagleyne
-
Amriikiyo cawaankeed
ayaa naga itaal
roone
-
Islaweynidey nagu
hayaan waad ogsoon
tahaye
-
Ilaahii Ficoon aamus-show
Buush indhaha beelo
-
Injirrey Tigreeyaa
la yiri aarso
godobtiiye
-
Aartelleri la soo
siiyey bay nagu
asqeeyeene
-
Diyaaraad Abaajeey
barqadi nagu
afuufeene
-
Awood bay u
sheegteen kufrigu
inamadeenniiye
-
Ilaahii Abraha
jebiyayoow Melle ka
aargooso
-
Ilaahoow addoon
caabudoo kuu cawdaan
ahaye
-
Ilaahoow adaa
qaaddiroon lagu
ijbaareyne
-
Ilaahoow itaalyarida
bay nagu arkoodeene
-
Ilaahoow Amriikiyo
midkii haysta
udubkeeda
-
Araxdiyo lafaha jebi
Alloow kuu ergaan
ahaye
-
Ilaahoow Islaamkay
kufrigu weerar ku
ekeyne
-
Addinkiyo afkooday
rabaan inay ku
aasaane
-
Oo uunka laga waayo
ruux Axad
yiraahdaaye
-
Ilaahoow adaa yiri
xaqaan laga
adkaaneyne
-
Ilaahoow abaalkooda
mari edeb ha
yeesheene
-
Oo adigu gaal nagaga
aad kuu ergaan ahaye
-
Aabbiyo awoowiyo
adeer eheladeydoo
dhan
-
Isirkoodu Soomaali
buu ka askumaayaaye
-
Arladana waxay uga
dhacaan Geeska
Afikaaye
-
Dad Islaama weeyoo
dhammaan ehelu
iimaane
-
Amni iyo ismaqal sii
Alloow kuu ergaan
ahaye
-
Dadkaan kala
irdhoobee Rabboow
oodafada jiitay
-
Ilaahoow dadkeygaan
xumaha loo
anqarinaayo
-
Labadaan awoow wada
dhalee aabbe kala
sheegta
-
Isma eegayaashaan
Alloow uurka ka
colloobey
-
Isu ururi Eebbow
kuwaan kuu ergaan
ahaye
-
Ummad waxaa
hogaamiya ninkii
aayaheed garane
-
Ijiid aan ku jiidey
in badan agab u
haysteene
-
Ilaahoow mid aamina
u keen urursha oo
ceynsha
-
Ilaahoow ismaqal bay
ummadi ka
ambaqaaddaaye
-
Ilaahoow iftiin
maamul sii aragti
aamaalle
-
Oo tobanka uurdoox
ka qabo kuu ergaan
ahaye
-
Ilaahoow addoon
caabudoo kuu cawdaan
ahaye
-
Ilaahoow Ilaah kale
ma jiro adiga
mooyaane
-
Ilaahoow ducada iga
ajiib waad na
aragtaaye
-
Ilaahoow awooddaada
baan cidi ku aadeyne
-
Ilaahoow ammaankaaga
geli ubadka Soomaali
-
Oo abid mushkilad
yeysan arag kuu
ergaan ahaye
Dhammaad
Cumar C/nuur Nuux – Nabaddoon
omarabdinur@hotmail.com
QABRIGOOD DUN SOOMAALIDII !! (Gabay):
Tixdaan gabayga ah waxay tilmaan cad ka bixineysaa..
Guji
GABBAL DUMAY = DAGAAL OOGE (Gabay):waano
ku socota dadweynaha
Soomaaliyeed iyo digniin .....
Guji